מצילי אש ד'ראקלענד האלט ביי די לעצטע פאזעס פון פארענדיגן די ערשטע 'פייער-פייטער-וואן' קלאס, בייגעלייגט זענען בילדער פון אויפברעכן טירן און שטעלן אין קריכן לייטערס IMG-20231220-WA0024.jpgIMG-20231220-WA0006.jpg
סתם פאר אינטרעסאנטקייט אפשר פארציילסטו מער וויאזוי ס'גייט צו די טרענונג?
דא סך הכל ווייל עס איז געשריבן געווארן דורך איינער וואס האט אן אגענדע צו אונטערברענגען אן ארגענעזאציע וואס איז מחלל שבת בפרהסיה ווערט עס אויס אמת?
קען זיין אז דאס איז די אגענדע, אבער איז זייער רחוק מן המציאות אז עס זאל אמאל געשעהן.
[די שמועס איז געווען אין די מאנסי נייעס אשכול, לדעתי געהערט עס אהער און במילא בין איך ממשיך דא]
מ'דארף פארשטיין וואס איז די ציל און אזוי ארום קענען פסק'נען וואס הייסט צו ס'איז רחוק מן המציאות אדער קרוב אל המציאות, איז לאמיר גיין צושטאטעלעך.
די פראבלעם: די פייער דעפארטמענט דארף האבן מעמבערס און כדאי צו האבן מעמבערס האבן זיי זיך ארויסגעשטעלט אלץ אידיש, נאר אנשטאט צו נעמען די תורה אלץ א וועג ווייזער וואס הייסט אידיש האבן זיי גענומען די אידישע קאלטור, דאס האט געמאכט אז היימישע בחור'לעך און אינגעלייטלעך זאלן דארט אריינגיין [לאו דוקא אלץ א פראבלעם, נאר זיי האבן נישט עומד געווען וואס גייט פאר], דאס האט געמאכט אז ס'זאל אויסקוקן היימישער און היימישער, ביז זיי האבן זיך געקענט אדווערטייזן אין אן היימישע אויסגאבע אז זיי זענען אידיש [זעה מער אנהויב פון די אשכול], וואס דאס האט געברענגט די שטורעם.
די מערכה: די מערכה איז סך הכל אויסצושרייען אז א מחלל שבת איז נישט קיין חלק פון מיין מחנה, און פאר פייערס וועל איך מיר בס"ד אליינס אן עצה געבן, מצילי אש איז א פאקט, און א פאקט וואס פילע האבן געזאגט ס'נישט מעגליך, קיינער האט נישט פאראויסגעזאגט אז אין ווינציגער ווי דריי יאר וועט שטיין אן ארגאנעזאציע וואס וועט האבן קרוב צו פערציג מעמבער און רעאגירן צו רוב רובו קאלס פון די מאנסי אומגעגענט.
די ציל איז אז די פייער דעפארטמענט זאל זיין ווי ספרינג-הילל קעגן הצלה, יעדער זאל וויסן א היימישע איד האט נישט מיט די ברוער פייער דעפארטמענט, איז דאס אויספירבאר, לכאורה יא, אינגאנצן זיכער נישט, ווייל ביי הצלה איז עס אויך נישט הונדערט פראצענט.
די מלחמה יעצט איז גייט דאס געשען אדער נישט, און דאס איז די מלחמה מיט די פיקטשערס, דאס הייסט ווי ווייט קען מען ארויסטראגן די מחלל שבת מחוץ למחנה און וויפיל איז ער יא עקסעפטעד ביי אונז, גייען אונז מצליח זיין אינגאנצען? אויב נעמט מען אריין אין חשבון טבע לכאורה נישט. הייסט געפוילט ביי איין אידיש נפש אז זיך צו דרייען מיט מחללי שבתות איז קיין מהלך, און דאס וועט מציל זיין אים און זיין אלע דורות א תועלת? אוודאי יא. דאס מיינט מ'דארף טוען און טוען און נישט אויפטוען, מ'קען נישט פארעכטן די וועלט, אבער יעדע משהו געטוען איז אויך אן אויפטיה.
און וואו געזאגט דאס אלעס איז נאר מיט די דרך הטבע אין די חשבון, איך מיין אז ווי מ'שטייט יעצט איז אויך נישט געווען אין פלאן על פי הטבע צוויי-א-האלב יאר צוריק, איז וועלן מיר זיך טרעפן אין צוויי-א-האלב יאר פון יעצט בס"ד.
נעכטן איז פארגעקומען א דרשה אין ביהמ"ד סאטמאר - מהר"א - מאנסי בנוגע די שבת סיסטעם והמסתעף, דערביי האט ר' יחזקאל ווייס שליט"א געזאגט א סטעיטמענט אין די ענגלישע שפראך, בייגעלייגט איז די חלק אין ווידאוי, [ווען איך וועל באקומען די ראקארדינג וועל עס ארויפלייגן בס"ד].
כ"ק אדמו"ר מלויעב טשערנאבל פארשעי הרה"צ ר' ברוך בן ציון טווערסקי שליט"א האט די וואך שבת פאר קריאת התורה ארויף צום בימה און אויסגערופן: 'היות ס'האט זיך געגרינדעט א מצילי אש אין מאנסי, וואס זיי טוען אלעס על פי הלכה, במילא איז אסור צו רופן די ברוער פייער קאמפאני און מ'דארף רופן די מצילי אש אנשטאט דעם, מצילי אש'ס נאמבער איז 845.426.9111', אתה הראת לדעת...
שבת נאכמיטאג געווען אן Automatic Alarm אויף Sophia St און מאנסי, נאך עטליכע מינוט איז דארט געווען די פאליס, נאך צען מינוט וואס האט געקלינגען איז דארט געווען די ערשטע טראק [ווי שרייט ר' יחזקאל ביים שיעור אין ביהמ"ד סאטמאר, פיקוח נפש!!! סעיפטי!!!], און צען מינוט שפעטער די צווייטע טראק [און דאס איז געפערליכע עולה אפילו לפי די וואס ווילן שרייען אז אן Automatic Alarm איז פיקוח נפש אין מ'טאר נישט ווארטן קיין מינוט, און ס'דארף זיין דורך אידן. ווייל אויב קומט אן די פאליס און זעט אז ס'ברענט פאקטיש, וואלט ער שנעל גערופן פאר בעקאפ, און אז ער האט נישט גערופן, און די ערשטע טראק שטייט דארט שוין פאר עטליכע מינוט, היתכן ס'פארט ארויס א צווייטע טראק פון די גאראדזש].
די אינגערמאן וואס האט עס מיר פארציילט איז דארט געווען אין מוחה געווען אויף די חילול שבת, און די פאליס האט אים אפירגעהאלטן, די אינגערמאן האט געזאגט אז ער שעצט זייער די פייער דעפארטמענט, אבער דאס פארדעקט נישט די חלק וואס זיי זענען מחלל שבת, און ער בלייבט דא מוחה זיין כל עוד זיי זענען דא, וכן הוה.
זונטאג אינדערפרי איז אויסגעלייגט געווארן די פאלגנדע צעטל אין בתי מדרשים:
צוויי מעשיות.jpg (347.1 KiB) געזען 15458 מאל
ס'האט געהאט א צווייטע זייט [וואס איך האב נישט] וואס איז געשטאנען [בערך אזוי]: איז וואס זאגט איר מעג מען רופן ברוער אום שבת קודש? אויב ווייסט איר נישט דאן אדרבה פרעגט אייער מורה הוראה.
היינטיגן מיטוואך פרשת אמור איז אפגעהאלטן געווארן די 'פיינעל' פאר די ערשטע טייל פון די ערשטע 'מצילי אש ד'ראקלענד' קלאס, דאס איז די געשריבענע טעסט וואס נעמט אריין אלע לימודים וואס מ'האט געלערנט אין די פארגאנגענע אכט חדשים כדאי צו ווערן א 'פייער-פייטער-וואן', צוליב עטליכע סיבות האט מען צוטיילט די קלאס, און די ערשטע טייל פון די ערשטע גרופע מצילי אש מעמבערס האבן היינט גענומען די פיינעל, אין ב"ה געקענט מיט גרויס צעפרידנקייט. לרגל די מאורע איז די רב הרה"ג ר' יחזקאל שרגא ווייס שליט"א אראפגעקומען צום 'פייער אקעדעמי', מיטצוהאלטן פון דערנאנט די געוואלדיגע דערגרייכונג, און דערביי האט ער געשענקט פאר די אינסטראקטער א טשאקלעד פלעטער, זאגענדיג אז דאס איז אן איינגאבע פאר די צווייטע מצילי אש גרופע וואס ווערט יעצט צוזאמגעשטעלט, און ווערט בקרוב אנהייבן די פייער טרעינונג.