וואס באדייט די קאלירען אויף א פייער פאמפ?
כ'בין געוואויר געווארן אז די קאליר פון די פאמפ מיינט פאקטיש עפעס!
איינע פון די ערשטע זאכן שוועריקייטען וואס די פייערלעשער האבן ביים אנקומען צי א פייער סצענע איז צי טרעפען די ריכטיגע וואסער סופליי וואס זאל קענען צושטעלען די נויטיגע מאס וואסער זיך צי קענען ספראווענען מיטן פייער. צום ביישפיל: א קאר פייער פארלאנגט ווייניגער וואסער כדי עס צי פארלעשען ווי א ברענעדיגע בנין. די פייערלעשער האבן זיך זייערע וועגען וויאזוי צי האשטימען די קוואנטום פון וואסער וואס וועט אויספעלען צי פארלעשען סיי וועלכע פייער.
דא קומט אריין די קאליר פון די פאמפ'ס. די קאליר פון א פאמפ זאגט פארן פייערלעשער אויב די ספעציפישע פאמפ וועט קענען צישטעלען די נויטיגע פאדערונג זיך צי ספראווען מיט די ספעציפישע פייער. און דורכ'ן זעהן די קאליר קען דער פייערלעשער מאכן די נויטיגע באשלוסען אין געציילטע רגעים. אנשטאד אוועקגעבען אפאר טייערער - און צומאל קריטישע - מינוטען מיטן אויסגעפונען וואספארא סארט פאמפ דאס איז.
ווען די פייערלעשער זוכן אויף די ריכטיגע וואסער סופליי צי ניצען אויף צי באקעמפען א פייער, וועלען זיי קוקען אויף GMP. דאס הייסט וויפיל גאלאנען וואסער קען ווערען געשיקט דורך די סארס אין איין מינוט. די ציפערען גייען פון אינטער 500 גאלאן א מינוט, ביז אזוי הויעך ווי איבער 2500 גאלאן א מינוט(!).
אין רוב שטארק באוואוינטע געגענטער (א שטייגער ווי ניו יארק סיטי) קומט די וואסער פון רעזערווארען און טייכען וואס געפינען זיך היבט ווייט פונעם געגענט. די וואסער ווערט ציגעשטעלט דורך פאמפס וואס שלעפען/שטופען די וואסער דורך א סיסטעם פון גיגאנטישע פייפס העכער און אונטער די ערד. פון דארט ווערט די וואסער ציגעשיקט צי די בנינים, דערנאך צי די פריוואטע הייזער אין די געגענט.
יעדע וואסער סיסטעם איז אינטער די אויפזיכט פון די "וואסער דיסטריקט", וואו רוב וואסער ווערט פארניצט פאר טאג טעגליכען געברויך (טרינקען, קאכן, וואשען, וכד'). ווען ס'מאכט זיך חלילה א פייער איז די וואסער דיסטריקט מחיוב צי צולאזן די פייערלעשער זיך צי באניצען מיט די וואסער פון די געגענט, וואס דאס ווערט ערמעגליכט דורך די פאמפס וואס געפונען זיך אויף די גאסן.
למעשה ווי געשריבען איז דא א געוואלד מיט פארשידענע סופליי סיסטעמען, וועלכע קענען צישטעלען פון 1 ביז איבער 2000 גאלאן א מינוט. און דעריבער כדי עס צי מאכן גרינגער פאר די פייערלעשער צי אידענטיפיצרערן וועלכע סיסטעם ס'וועט צישטעלען די נויטיגע סכום וואסער האט די "ען.עף.פי.עי" (NFPA) די "נאציאנאלע פייער פראטעקשאן עידשענסי" רעקאמענדירט אז פייער דעפארטמענטס און וואסער דיסטריקטס זאלען נאכפאלגן א אייניגע אוועקגעשטעלטע סיסטעם פאר קאלירען.
אין די רעקאמענדעשאן באקאנט אלס "ען.עף.פי.עי-291" איז פארגעשלאגען געווארען אז א פאמפ וואס נעמט די וואסער פון א "פאבליק וואסער סופליי סיטעם" זאל די פאמפ חלק געפארבט ווערען "ברוינליך-געל", און די קעפעל פונעם פאמפ זאל געפארבט ווערען לויט די מאס גאלאן וואס דאס קען צישטעלען אין א מינוט. אינטער 500 גאלאן זאל זיין 'רויט', פון 500 ביז 999 זאל זיין 'אראנדש', 1000 ביז 1499 זאל זיין 'גרין', און 1500 און העכער זאל זיין 'בלוי'.
אויב די פאמפ נעמט נישט די וואסער פון א פובליק סופליי סיסטעם, למשל א קליינע געגנט, אדער א קאנדאמיניום, זאל די פאמפ זיין א צווייטע קאליר וואס דאס זאל אנצייגען אז דאס איז נישט פון די פובליק סיסטעם, די "ען.עף.פי.עי" האט פארגעשלאגען די קאליר 'רויט'.
די "או.עס.עיטש.עי" (OSHA) אדמיניסטראציע האט פארגעשלאגן נאכמער, אז א פאמפ וואס סופלייט "אומניצבארע וואסער" (וואס איז נישט געמאכט צי טרינקען) זאל זיין גאר א דריטע קאליר. און א פאמפ וואס איז אומבאניצט זאל געפארבט ווערען שווארץ, אדער איבערציען דערויף א שווארצע בעג.
די "גאלאן פער מינוט" איז נאר איינע פון צוויי חלקים וואס שפילען א ראלע אין וואסער סופליי. די אנדערע חלק איז די "פרעשור", באקאנט מיט די נאמען "פי.עס.איי" (PSI) "פ'ונט פער ס'קווער א'ינטש". די מינימום פרעשור וואס א פאמפ דארף פארמאגן איז 20 פונט פער סקווער אינטש (20 PSI). די "ען.עף.פי.עי" רעקאמענדירט אז אין פאל ואס די פאמפ שטעלט נישט צי 20 פונט פער סקווער אינטש זאל עס ארויסשטיין אויפן פאמפ און אויפן קעפל פונעם פאמפ.
די "ען.עף.פי.עי" באשטימטע נומערען איז נישט קיין "געזעץ" נאר א "פארשלאג" צי וואס רוב סיסטעמען שטעלן זיך צו. אין 2005 האט "Firehouse.com " דורכגעפירט א פאול וואס האט אויסגעפרעגט פייערלעשער אויב זייער דעפארטמענט ארבייט לויט די "ען.עף.פי.עי" קאלירן. 47% האבן געענטפערט אז זיי ארבייטען לויט די "ען.עף.פי.עי" קאלירן, 44% האבן געענטפערט אז זיי ארבייטען נישט לויט די ""ען.עף.פי.עי" קאלירן, און 8% האבן געזאגט אז זיי האבן נישטאמאל קיין פאמפס אין זייערע געגענטער, נאר אין פאל פון א פייער חלילה האבן זיי טראקס וואס ברענגען וואסער פון ארימיגע סארסעס און ברענגען עס צום סצענע.
די "ען.עף.פי.עי'ס" סיסטעם איז למעשה נישט די איינציגסטע. געוויסע געגענטער האבן זייער אייגענע סיסטעם פון קאלירען. א שטייגער ווי די "מארעגא-ארינדע קאליפארניע פייער דיסטריקט וואס ניצט די ""ען.עף.פי.עי" קאלירן פאר די אויבערשטע חלק פונעם פאמפ, אבער צי דערצי פארבן זיי די קעפל פונעם פאמפ לויט די סכום פון וויפיל "פרעשור" דימ פאמפ שטעלט צי.
סוי, ווען איר זיצט אויפ'ן גאס פארענט פון אייער דירה, און איר זענט לאנגווייליג, איז נישט קיין גוטע געדאנק צי אויסניצען די צייט מיטן אנפארבען די פאמפ'ס לויט אייער גיסטע..... אויב איר זענט דוקא יא אינטערסירט דערין, זאלט איר נישט זיין סורפרייזט אז איין טאג וועט מען קלאפען צי נ'ייך אויפ'ן טיר און מ'וועט אייך איינמעלדען אז על אף וואס איר האט אזוי שיין געמאלעוועט איז עס אבער נישט עפריצ'יעטעד.
#ראה היזהרנכם...