מעג מען בעטן טייערע פרייזן אין די וועלט אריין? ..

ראש העיר · דינסטאג מארטש 14, 2017 10:30 am

מעג מען בעטן טייערע פרייזן אין די וועלט אריין? להלכה

אזויווי איך האב באמערקט א שטרענגל איבער בעטן ביליגער ווי די מארקעט פרייז "להלכה", וויל איך אויך הערן פון די בעלי תריסין וואס טוט זיך מיט בעטן טייערער ווי די מארקעט, צום ביישפיל גראסעריס אדער האלסעילערס וואס בעטן פאר געוויסע פראדוקטן אין דער וועלט אריין..

א קורצע תקופה ווען די ווייץ שניט איז געווען מאגער און אויסגעשלאגן, איז די פרייז פון מעל ארויף, צו דער זעלבער צייט האבן אונזערע חטאים גורם געווען אז אויך די צוקער שטאנגען האבן געהאט א שווערן ווינטער, איז די צוקער אויך ארויף, מיט די כוח פון ביידע פאקטארן זענען די בעקערייען ארויפגעשאסן מיט די פרייזן ווי מיט א שאטל, אן קיין גבול, נישט לאנג נאכדעם איז צוקער אראפ, און אויך די מעל האט גענומען טראסקענען ווי אן אוואלאנש, אבער די בעקערייען און גראסערייען זענען געבליבן שטאל פעסט מיט די הויכע פרייזן, אזוי אויך זענען דא פיל געשעפטן פון אלע סארטן וואס בעטן פרייזן לויט ווי די די גוסטע שלאגט זיי פאר, ולית מאן דימחי בידייהו, וויל איך וויסן אויב איז טאקע נאר א פראבלעם ווען איינער ברענגט אראפ די פרייזן, אדער אפשר איז כדאי אויך מעיין צו זיין צו איז דער ענין פון זיין "מייקר את השער" אויך עפעס אן עולה..

משהזוךמיר · מיטוואך מארטש 15, 2017 5:03 am

הרב מעיאר, אט דאס הייסט גענוצט דעם קאפ!!! (ווייל איך טענה דאס שוין פון לאנג...)
למשל קדם, וואס קען פארקויפן פאר שאפרייט פאר אזוי ביליג אז זיי קענען עס פארקויפן פאר $1.99 , ווער זאגט אז זיי האבן א רעכט צו בעטן פון שמשים און היימישע סטארס איבער פיר דאלער? איז עס נישט בגדר מייקרי שער?

רצון טוב · מיטוואך מארטש 02, 2016 3:12 pm

ביי די פלייש קומט עס אויך פאר, מקומות ווי אידן האבן א אויסוואל נישט צו ניצען די היימישע פלייש ריקט מען אראפ די פרייז
און ביי אינז מיז מען צאלן טייערער ווייל די מיזט דאך ממילא דעס קויפן בלית ברירה

די פלייש יאטקע טענה'ט אז נאר אזוי באלאנסירען זיי זייער אינקאם, אז ביי אינז איז עס טייער און אין די פרעמד ביליגער.

דריידל · דינסטאג יולי 07, 2015 2:13 pm

לענ"ד איז נישטא מער אזא זאך ווי מייקר השער. היינטיגע צייטן איז א גלאבעל אקאנאמי און קיינער קען נישט קאנטראלן די מארקעט. טאמער איז קדם צו טייער האסטי א ברירה צו קויפן טרויבן און אליינס אויסקוועטשן און מאכן גרעיפ זשוס. איי ס'האט נישט אזא גוטע טעם ווי קדם? האסטי א ברירה צו צאלן און קדם איז בארעכטיגט צו טשארזשען די מערסטע וואס זיי קענען. זייער גרעיפ זשוס איז גוט ווייל זיי האבן אסאך אינוועסטעט דערין און זיי מעגן פארדינען אויף זייער ארבעט וויפול זיי ווילן.
די זעלבע איז מיט אלע מינים עסן. פלייש איז טייער? לערן דיך הלכות שחיטה, קויף א טשיקען און מאך עס אליין כשר. ס'מאכט א שמוץ? פארפאלן, טאמער ווילסטי זיין באקוועם זאלסטי צאלן. קיינער איז נישט מחיוב צו לייגן א פינגער אין קאלט וואסער פאר אומזיסט.
קליידער, היטן און שיך זענען טייער? קענסט גיין צו טארגעט, וואלמארט און נאך און קויפן ביליגע קליידער. טאמער ווילסטי דוקא א געוויסע סטייל וואס איז פאפיולער און וומ"ס, ב.פ. קענסטי צאלן אבער פארלאנג נישט אז א צווייטער זאל דיר עס צושטעלן און די וועסט אפמאכן וויפול ער מעג פארדינען.

א באנדע ספאילד חברה. גייטס ארבעטן וועט איר פארשטיין וואס מיינט בזיעת אפיך תאכל לחם/בנפשו יביא לחמו. רוסלאנד האט פראבירו צו קאנטראלירן די פרייזן און קיינער איז נישט געווען אינטערעסירט צו ארבעטן. טאמער וועט מען נישט אויפהערן מיט די שטיק וועט די עסן אינדארסטרי אויסקוקן ווי דירות ווי אסאך אידן ווילן נישט בויען / פארדינגן פאר אידן

קאמפיוטער עקספערט · מיטוואך מארטש 15, 2017 11:14 am

דו פסקנסט מיט סברא?
און בכלל מען קען דיין סברא אפפרעגען

דריידל · דינסטאג יולי 07, 2015 2:13 pm

קאמפיוטער עקספערט האט געשריבן: דו פסקנסט מיט סברא?
און בכלל מען קען דיין סברא אפפרעגען

נו אדרבה, לאמיר הערן וואס די האסט צו זאגן און מיט א משא ומתן אין דעם ענין עמיר ארויסקומען מיט א ברירות וואס מ'האט צו טון הלכה למעשה

ר' יום טוב · מיטוואך מארטש 15, 2017 11:47 am

איך בין אביסל באקאנט אין די היימישע ריטעיל אינדוסטרי. די וואס זענען באקאנט ווייסן, אז אויב למשל דער גראסערי בעט בטעות 5 טאללער פאר א באטעל מילך, וועלן עס 90 פראצענט ציבור עקסעפטן. איז מה יעשה הבן שלא יחטא.

דער פראבלעם איז, אז רוב ציבור קוקט קיינמאל אויף פרייזן. מען קוקט אויף קאנוויניענס און קאסטומער סערוויס.

מחנך · דינסטאג מאי 03, 2016 10:49 am

דריידל, איך האב א בעסערע עצה ווי אויסקוועטשן א הענגעל טרויבן, איך גיי צו בינגא און איך צאל 30 פערצענט ביליגער ווי מיין געווענדליכע גראסערי, דו זאגסט ס'איז היינט א אופען מארקעט? איך נעם טאקע גוט עדווענטידש פון עס,