אויב ברויכט איר א ויזה אין ארץ ישראל דאן פארבינד אייך אין אישי. אזוי אויך העלפן מיר מסדר ביטוח לאומי, מיר נעמען אראפ שווארצע זיגלעך פון מדינת ישראל וכדומה.
אמור יאמרהאט געשריבן:↑פרייטאג פעברואר 02, 2024 12:23 pm
1) פארוואס האט מען נישט געהרגעט אלע כנענים עס שטייט דאך אין די תורה לא תחיה כל נשמה ??
ענטפער פון דער ראש-החבורה שליט"א: עס זענען פארהאן עטליכע אורזאכן פארוואס מען האט נישט אויסגע'הרג'עט אלע כנענים. טייל פון די סיבות ווערן דערמאנט אין די ערשטע פאר פרקים פון ספר שופטים. די סיבות זענען ווי פאלגענד:
1.מען האט פשוט נישט געקענט, זיי זענען געווען שטערקער אין געוויסע שטעט און אין געוויסע ראיאנען. [*] 2.די אידן האבן נישט געוואלט אייננעמען אלע גוים. זיי האבן געוואלט לאזן געוויסע פעלקער אויף זייער ערד, מיטן ציל אז זיי זאלן זיין קנעכט אדער אז זיי זאלן צאלן שטייערן, וואס דאס האט זיך אקענאמיש געלוינט פאר די אידן. [*][*] 3.דאס איז געווען א השגחה עליונה, אז געוויסע שטעט זאלן בלייבן אונטער די כנענים, כדאי די אידן זאלן נישט פארגעסן תורת מלחמה, מען זאל זיך כסדר דארפן שלאגן מיט די כנענים און אזוי ארום געדענקען די תכסיסי מלחמה, וואס וועט צונוצקומען לעת מצוא. 4.עס איז געווען בהשגחה עליונה, כדאי אויסצופראבירן די אידן, צי זיי וועלן זיין געטריי פארן אויבערשטן און זיך חלילה נישט אפלערנען פון די גוים צו דינען עבודה-זרה, אדער זיך אויסצומישן חלילה מיט זיי.
[*] ליתר ביאור ערקלערן דאס אונז די חז"ל: אין די פסוקים איז פארהאן א סתירה. בשעת מיר געפינען אין ספר יהושע (פרק יא, סוף פרק כא ובעוד מקומות), אז יהושע בן נון האט אלעס איינגענומען און אלעס וואס דער אויבערשטער האט געזאגט פאר יהושע איז נתקיים געווארן, בשעת גאנץ כנען אן אויסנאם איז איינגענומען געווארן דורך די אידן. געפינען מיר אבער אין אנדערע מקומות (פרק יג, ובעוד מקומות ובכלליות בספר שופטים), אז די אידן האבן נישט מצליח געווען איינצונעמען אלעס, און גרויסע שטחים אין ארץ-ישראל זענען פארבליבן אונטער כנעני'שע אקופאציע.
חז"ל ערקלערן דאס, אז לכתחילה האט יהושע איינגענומען דאס גאנצע לאנד (אויסער די גבעונים מיט וועמען מען האט געשלאסן א שלום-אפמאך), נאר שפעטער זענען די כנענים צוריקגעקומען און צוריקגעכאפט זייער טערעטאריע. מיר האבן דאס אביסל אויסגעברייטערט אין אונזער שמועס, די מבוא אויף ספר שופטים, פונקטליכער ווי אזוי דאס איז צוגעגאנגען. נישט אלעמאל ווען מען נעמט איין א לאנד, קען מען דאס טאקע אנהאלטן אויף א לאנגע צייט.
[*][*] די אידן זענען טאקע באשטראפט געווארן צוליב דעם. מיר געפינען אין ספר שופטים (פרק ב), אז דער אויבערשטער האט געשיקט א מלאך צו די אידן און זיי געזאגט, אז צוליב דעם וואס זיי האבן געמאכט די דאזיגע חשבונות, וועלן זיי אצינד טאקע נישט קענען פארטרייבן די דאזיגע גוים, אפילו ווען מען וועט שוין וועלן פארטרייבן, און די גוים וועלן זיין א שטרויכלונג פאר די אידן רח"ל.
דרוקטדאזיך צו איינשרייבן צו באקומען א נאטאפעקאציע ווען עס גייט ארויף די רייכעשיעורים אויף נ"ך.
ב״ה איך האלט מיט די הערליכע שיינע שיעורים וואס ווערט פארגעלערנט מיט א געוואלדיגע קלארקייט, עס איז ממש צום זאך נישט קיין אריכות און אויכעט נישט טרוקן עס איז ממש צום דבר, ייש״כ כה לחי איך האב זייער הנאה.
