אידישע וועלט פארומס

איך טוה דאנקן דעם אייבערשטען אז מיינע קינדער זענען היינט צוריקגעגאנגן אין די מוסדות נאכן זיין אינדערהיים פאר באלד צוויי וואכן, איך גלייב אז געוויסע קינדער האבן נישט די געהאט די מעגליכקייט צוריקצוגיין אין די מוסדות צו וועגן זיי פילן נישט גוט, צו וועגן אישו'ס וואס די עלטערן האבן מיט די הנהלת המוסדות (ווי מיינער א באקאקנטע האט געהאט), צו ווייל זיי ברויכען וואוינען אין אזעלעכע פלעצער ווי עס זענען נישט פארהאן קיין מוסדות, צו ווייל די עלטערן האלטן ליידער נישט ביים שיקן צו קיין מוסדות התורה. ב''ה פאר דעם

איך טוה ברבים דאנקן דעם רבוש''ע אז מיין זון ני''ו איז פיין מסודר מיט גוטע חברותות אויף קומעדיגע זמן הבעל''ט, נאככדעם וואס אין די עבר האט ער זיך אפאר מאל געמוטשעט דערמיט (דוקא צוליב זיינע כשרונות) און עס איז געווען היבש אפאר מאל א אנגעצויגענע טעמע אין די טעג צווישן יו''ט און התחלת הזמן. הודו לה' פאר דעם

איך טיע דאנקן דעם באשעפער אז איך בין אויפגעשטאנען געזינט אין שטארק, אין אז מיינע קינדער זענען בה אינדערהיים געזינט אין שטארק נאךדעים וואס זיי זענען געווען אוועק וועגן זייער נייע שוועסטער בעבי, הודו לד'

איך טוה דאנקן דעם רבוש''ע אז מיין קינד וואס האט פאר א לאנגע תקופה(פאר איבער א יאר זיכער) זיך געמיטשעט מיט באנעצן ביינאכט האט שוין פאר א שיינע פאר וואכן אויפגעהערט. הודו לה'

איך טוה דאנקן דעם אייבערשטן אז איך בין נישט כלו בבית צוליב קיין שום סיבה און איך קען גיין און קומען מיט א רוהיגקייט. הודו לה' פאר דעם

איך טוה דאנקן דעם אייבערשטן אז מיין טאטע וואס האט זיך געמוטשעט לעצטענס מיט א שטיקל קרענק איז די לעצטע צוויי וואכן אקעי

ב''ה פאר די רוהיגע טאג וואס כ'האב נעכטן געהאט אן קיין שום אינצידענטן אדער עגמות נפש, כ'האב נישט געהערט קיין שום בשורה לא טוב וועגן אדער אויף מיר, נישט געהאט קיין עמערדשזענסי'ס אינדרהיים( הצלה,פייער וכדו') נישט געהאט קיין בושות, פשוט געהאט א פיינע געשמאקע רוהיגע טאג, א מתנה פונעם רבש''ע. הודו לה'

איך וויל דאנקן דעם רבוש''ע אז איך קען גיין איינקויפן צרכי שבת אן דארפן צוקומען צו הילף פון אנדערע.הודו לה'

בלב מלא התרגשות והודאה טוה איך דאנקן דעם גרויסן גוטער באשעפער אז נאך וואכן פון טיפע זארגעניש און צאפעלניש און נאך א וואך פון שרעקעדיגע צאפלנישען און אנגסט זינט מען האט גענימען דעם MRI צו דערגיין וואס ליגט אונטער דעם מיסטריעזן שוואכקייט וואס האט מיר פלוצלונג באטראפן מיט אפאר חדשים צוריק אין נישט געהאלטן ביים זיך אפטראגן פון מיר צו מיין שטארקע פחד און צו די ערענסטע זארג ביי די דאקטורים וואס דאס קען מיינען איז אצינד צוריקגעקומען דער פריידיגע ענטפער פונעם MRI אז דאס איז ב’’ה גארנישט און ס’איז נישט דא פארוואס און פון וואס זיך צו זארגן. הודו לה’

מער פון דעם טוה איך דאנקן דעם רבוש’’ע אז די דאקטורים האבן מיך בכלל נישט געשיקט נעמען דעם שרעקעדיגן MRI און זענען זאגאר נישט געווען באזארגט פון די ערשטע מינוט אן, נאר מיך כסדר בארוהיגט אז דאס איז נאר א דורכגאנג און די שוואכקייט וועט פון זיך אליינס אוועקגיין נאך א שטיק צייט. ברוך ה’

אבער באמת טוה איך אסאך אסאך מער דאנקן דעם רבוש’’ע אז די שוואכקייט האט מיך קיינמאל בכלל נישט אנגעכאפט ב’’ה, און אויסער דעם וואס איך האב מיך דער גאנצער צייט געפוהלט אמבעסטן ב’’ה בין איך אויך נישט אריבער די אלע זארג, פחד און אנגסט, נאר מיט רוהיגקייט און מיט כח און געזונט אנגעגאנגען מיט די געשמאקע לעבן וואס דער אייבערשטער האט מיך באשאנקן
הודו לה’ כי טוב כי לעולם חסדו

שכח אייבערשטער, פאר די געשמאקע פרישטאג, וואס כ'האב היינט געהאט! אז ער מאכט מיך פילן הינגעריג, אין ער געבט מיך ריזיגע אויסווייל פין עסן, מיט א גוטע טעם, אין א גוטע קאליר!, אין איך ווער זאט!! שכח אייבערשטער!! (אין שכח, אז איך קען דיך דאנקן!!)

מיט לויב און דאנק טוה איך זינגן שירה פארן גוטער באשעפער אז נאכן נעמען א העירינג טעסט אויפן גוטהייסונג פון די פריימערי דאקטער איז היינט די רעזולטאטן צוריקגעקומען אז מיין קליינע מיידעלע הערט ב''ה פיין אויף ביידע אויערן און עס איז נישט דא פון וואס צו זארגן,(אנדערש ווי מיין שכן וועלכע איז אינפארמירט געווארן נאכן נעמען אזא טעסט אז זיין מיידעלע פארלירט נעבעך צוביסלעך איר חוש שמועה ל''ע). הודו לה' כי טוב

שכוח הייליגע לעכטיגע גוטע באשעפער פאר צושיקן די אשכול אין ריכטיגע צייט, און איהם לויבן פאר אלעס וואס ער טוט מיט מיך בפרט די מינוט וואס כהאב געפילט חושך ענן וערפל האט ער מיר אריינגעשיינט א אור. שכוח באשעפער.

טוה איך דאנקן דעם רבוש''ע אז כ'האב געהאט די מעגליכקייט צו באלוינן מיינע קינדער מיט עפעס וואס כ'האב שוין לאנג געהאט חשק זיי צו באלוינן מיט דעם נאר געווען צו טייער און יעצט איז עס מיר אינטערגעקומען אינטער די פיס בחינם. ב''ה פאר דעם