וויפיל טבילות טובל'ט איר זיך

dell · דאנערשטאג יאנואר 19, 2012 2:17 pm

גייענדיג אין מקוה זעט מען אידן טובל'ן זיך יעדער מיט זיין אייגנארטיגן סדר. איינער מער איינער ווייניגער. וויפיל טובל'ט איר זיך? און אויב מעגליך געבן א סיבה פארוואס איר טובל'ט זיך אזויפיל מאל

דינסטאג אקטאבער 20, 2009 2:43 pm

איך פלעג מיך טובל'ן 3 [דאס איז א אידישע נומער, חזקה, אויך אין יו"ד ח"ב פירט מען זיך אזוי], ביז איך האב געהערט וועגן ד' טבילות כנגד ד' אותיות הוי"ה.

שמעק_טאביק · מיטוואך פעברואר 14, 2007 11:13 am

איך האב שטענדיג כוונות און בקשות, און איך טובל זיך ביז אלעס איז אויסגעבעהטן....

נחוניא · מיטוואך יולי 18, 2012 4:46 pm

וז"ל המגיד הקדוש מטריסק בספרו "מגן אברהם" (לפסח ד"ה מה נשתנה):
"וכמו שידוע שהכוונה הפשוטה של הטבילה שיטבול עצמו ב' פעמים, ויכוין בטבילה הראשונה להסיר ממנו בגדים הצואים, ובטבילה שני' יכוין להמשיך עליו לבושים הקדושים"
עיי"ש באריכות

לכתחילה אריבער · זונטאג מאי 09, 2010 7:20 pm

שמעק_טאביק האט געשריבן: איך האב שטענדיג כוונות און בקשות, און איך טובל זיך ביז אלעס איז אויסגעבעהטן....

און וואס טוט זיך מיט סוף זמן תפילה? נאר א וויץ, כ'האב אויך א גאנצע ליסטע.

leiby · זונטאג נאוועמבער 16, 2008 11:08 pm

לכאורה האט געשריבן: איך האב געהערט וועגן ד' טבילות כנגד ד' אותיות הוי"ה.

אלץ בחור האט מיין ראש ישיבה געזאגט דעם זעלבן טעם און צוגעלייגט אז מיט יעדן טאג וואס מ'טובל'ט זיך דעם סכום און מ'האט אינזין ביי יעדע טבילה קעגן דעם אות הייבט די שם אן צוביסלעך צו לייכטן,
(איך זאג נישט ווי ס'האלט היינט..)

לכתחילה אריבער · זונטאג מאי 09, 2010 7:20 pm

leiby האט געשריבן:

לכאורה האט געשריבן: איך האב געהערט וועגן ד' טבילות כנגד ד' אותיות הוי"ה.

אלץ בחור האט מיין ראש ישיבה געזאגט דעם זעלבן טעם און צוגעלייגט אז מיט יעדן טאג וואס מ'טובל'ט זיך דעם סכום און מ'האט אינזין ביי יעדע טבילה קעגן דעם אות הייבט די שם אן צוביסלעך צו לייכטן,
(איך זאג נישט ווי ס'האלט היינט..)

אזוי ווי דיין "עוועטאר"?

שמעק_טאביק · מיטוואך פעברואר 14, 2007 11:13 am

לכתחילה!!!

;l;p-

אלץ דעם ריכטיגן ווערטל..!! :lol:

msp · דאנערשטאג מארטש 10, 2011 10:03 am

איך אויך טובל מיר דריי מאהל
און מיין כונה איז צו זיין ווי שנעל מעגליך אינדרויסען....

מיטוואך דעצעמבער 14, 2011 10:36 am

שמעק_טאביק האט געשריבן: איך האב שטענדיג כוונות און בקשות, און איך טובל זיך ביז אלעס איז אויסגעבעהטן....

צוקער זיס · זונטאג אוגוסט 12, 2012 4:39 pm

מיין ראש הישבה פלעגט אלטס זאגן מען דארף אינזין האבן ביי די מקוה אריין אוון ארויס

שנאפס · מאנטאג סעפטעמבער 12, 2011 9:59 pm

אנעים זמירות · מאנטאג סעפטעמבער 24, 2012 11:03 am

אין שער המלך שטייט דאס אפילו ווער עס קען נישט מאכען קיין ש"י (כמנין קר"י) טבילות ערב יוה"ק, זאל כאטש מאכען זעכציג, כדי טיפות זאלען ווערן בטל בששים. אויב דאס איז אויך צו שווער זאל ער מאכען פיהר, יעדעס איינס צו א צווייטע ריכטונג און ביי יעדע אינזינען האבען נאך אן אות פונעם שם הוי"ה ב"ה.

msp · דאנערשטאג מארטש 10, 2011 10:03 am

אנ'אינטערעסאנטע ידיעה

bailout · מאנטאג סעפטעמבער 24, 2012 11:38 am

ערגעץ אינמיטן זומער האב איך געהערט ביי א פרק פארלערנען בשם איינע פון די בעלזע רביים צו טובל'ן פאר יעדע קינד.

מכטי1 · מאנטאג יאנואר 17, 2011 5:34 am

אדמו"ר ר' נפתלי מבאבוב זצוק"ל האט א תקופה (נאך פאר'ן ווערען רבי) געגאנגען אין סיגוט'ר מקוה ווען איינער האט איהם געפרעגט פארוואס ער גייט מער נישט אין באבוב האט ער געענטפערט אז לעצטענס האט איינער געפרעגט פארוואס יענע וואך האט ער זיך געטובלט דריי מאהל און היינט פיר וכו', זאגט ער איך האב נישט קיין כוונות און נישט קיין חשבונות, זייט'ס מיר געזונט און קוקטס מיר נישט נאך....

msp · דאנערשטאג מארטש 10, 2011 10:03 am

כדרכו בקודש
אזוי גאר באהאלטען

דארפסמאן · מאנטאג סעפטעמבער 24, 2012 12:01 pm

געווענטליך טובל איך מיך 3 מאל ווייל אזוי האט מיין טאטע מיך אויסגעלערנט, און ערש"ק נאך א טבילה לכבוד שבת, און א יארצייט פון א צדיק אדער משפחה נאר א טבילה לע"נ, אבער געווענטליך בין איך נישט און וואסער קיין 60 סקונדעס,

אזא טאג ווי היינט וואס די מקוה האט אויסגעקוקט ענדיש ווי א טשיקען זופ בין איך געגאנגען א קאלטע (עס איז געווען זייער קאלט אבער זויבער) אסאך מאל שפיר איך ווי איך גיי ברעכן ווען איך זעי די מקוה וואסער

דרךהמלך · מאנטאג יולי 30, 2012 11:38 am

אמאל געהערט א מעשה, איך ווייס נישט ווי קראנט עס איז
אין בעלזא האט מען נישט געטוישט דאס וואסער מיום כפורים זה עד יום כפורים הבא

האט דער בעלזער רב (מהרי''ד) אמאל געהערט ווי א איד זאגט אויף די מקוה וואסער 'עס שמעקט' [איך געדענק שוין נישט פונקטלעך וועלכע לשון ער האט געניצט]
האט זיך דער בעלזע רב אנגערופן די מקוה שמעקט? די שמעקסט!

וכך הוה עס איז געגאנגען א ריח ניחוח פון דעם איד
איז ער געקומען צום בעלזער רב.
האט איהם דער בעלזע רב געזאגט
די איינציגסטע עצה איז, ער זאל גיין אין מקוה ערב יוכ''פ, [ווען די וואסער איז שוין מסתמא פארגליווערט] און אויסטרונקען א גלאז וואסער פון די מקוה וואסער, וועט די ריח אוועקגיין
וכך הוה
[איך נעם נישט קיין אחריות אויף די מעשה, איך דערצייל עס נאר כפי המונח בזכרוני מזמן רב]

זיס · פרייטאג מארטש 27, 2009 1:06 am

ווי באקאנט גייען די ליטאים אין מקוה בלויז ערב יום כיפור.

מען דערציילט אז א לוטוואק איז אריינגעקומען ערב יום כיפור אין מקוה, האט ער זיך אנגערופן "פאראיאר איז די מקוה געווען ווארעמער"...

ידיד · מאנטאג יולי 16, 2012 6:37 pm

דרךהמלך האט געשריבן: אמאל געהערט א מעשה, איך ווייס נישט ווי קראנט עס איז
אין בעלזא האט מען נישט געטוישט דאס וואסער מיום כפורים זה עד יום כפורים הבא

האט דער בעלזער רב (מהרי''ד) אמאל געהערט ווי א איד זאגט אויף די מקוה וואסער 'עס שמעקט' [איך געדענק שוין נישט פונקטלעך וועלכע לשון ער האט געניצט]
האט זיך דער בעלזע רב אנגערופן די מקוה שמעקט? די שמעקסט!

וכך הוה עס איז געגאנגען א ריח ניחוח פון דעם איד
איז ער געקומען צום בעלזער רב.
האט איהם דער בעלזע רב געזאגט
די איינציגסטע עצה איז, ער זאל גיין אין מקוה ערב יוכ''פ, [ווען די וואסער איז שוין מסתמא פארגליווערט] און אויסטרונקען א גלאז וואסער פון די מקוה וואסער, וועט די ריח אוועקגיין
וכך הוה
[איך נעם נישט קיין אחריות אויף די מעשה, איך דערצייל עס נאר כפי המונח בזכרוני מזמן רב]

איך ווייס נישט אויב די מעשה איז אמת אדער נישט, אבער ס'שמעקט נישט גוט...

שנאפס · מאנטאג סעפטעמבער 12, 2011 9:59 pm

מיין מגי"ש אין ישיב"ק האט דערציילט אז אין בעלז פלעגט מען טוישן דאס וואסער טאקע ערב יום כיפור, און בעלזער רב (איך געדענק נישט וועלכע) פלעגט זיך אויסשווענקען דאס מויל יעדן טאג מיט די מקוה וואסער

אנעים זמירות · מאנטאג סעפטעמבער 24, 2012 1:05 pm

געזעהן אמאל ערגעץ (כמדומני אין איינער פון ספרי ר' אהר'לע ראטה - שומרי אמונים) טובל'ן איינמאל לתוספת טהרה, איינמאל להעביר בגדי חול און איינמאל להמשיך בגדי שבת. בעת הצורך קומט נאך א טבילה ביים אנהייב לטהרה.

ערב יוה"ק האב איך געזעהן דער באבוב'ער רב ז"ל (מהר"ש) זיך טובל'ן זעקס מאל.

שאינו יודע · דאנערשטאג מארטש 24, 2011 1:27 pm

עס איז דא מקורות אויף
3
4
7
14
60
310

שלעפשיץ · מיטוואך פעברואר 17, 2010 1:32 pm

מעשה שהיה:
איך קום אריין אין מקוה, סע געווען אביסל אסאך ווייניג פלאץ.

זיצט דארט א יוד עלטער ווי מיר היפש. ער ווייזט מיר איך קען זיך זעצן נעבן אים.
נישט אז לעבן אים איז געווען אסאך פלאץ - נאר ער זאגט מיר:

די גאנצע מקוה איז נאר איין יוד זאל מאכן פלאץ פאר א צווייטן.

סע מיר אריין אין די ביינער!