איך קען א היפשע 20 אידן דארט. די אויסדריק פון אך און וויי האב איך געהערט פון מיין חבר וואס וואוינט דארט, יא אן ערנסטע יונגערמאן וואס האלט נישט אויס די מצב דארט.
די מציאות איז אז עס איז דארט א סאושעל גרופע וואס איז היפש ווייט פון רוחניות וואס האט שוין אסאך אראפגעשלעפט. דאס איז סיי ביי די מענער און סיי ביי די נשים (און אויך צווישן ביידע ואכמ’’ל)
אדרבה, פרעג דיך נאך וויפיל פרויען פון היימישע וויליאמסבורגע און בארא פארקע משפחות האבן זיך דארט אויסגעטוהן די העטס און בענדס און די שייטלעך וואקסט פון טאג צו טאג.
איך ווייס זייער אסאך וואס דארט גייט פאר און איך גיי נישט דא אלעס אויספויקען.
#אך און וויי
איך בין גערעכט 98 פראצענט פון די צייט. וועם גייט אן די איבעריגע 3 פראצענט?
'ראיעל גראוו' איז א שיינע און רואיגע געגנט אין דזשעקסאן, ניו דזשורסי, וואו אהין עס האבן זיך אין די לעצטיגע תקופה ארויסגעצויגן פילע היימישע משפחות פון אלע שיכטן און קרייזן, מענטשן וואס האבן פארלאזט די רוישיגע שטאט מיט די ווירבלנדע גאסן, און זענען געקומען צו ווארימע מקום מנוחה ושלוה, א געגנט וואו מ'קען בעזהשי"ת האבן הרחבת הדעת און ערציען די קינדער אויפן שענסטן פארנעם.
אין אט די נייע הערליכע ווינקל וואס האלט נאך אינמיטן די אנטוויקלונג פאזע, האט זיך געגרינדעט די הערליכע קהלה נאה וחסודה "קהל שערי איש" וואס פאראייניגט אין זיך אלע תושבי השכונה, וואס האלטן זיך צוזאמען כאיש אחד בלב אחד, און דינט אלס די צענטראלע באזע פון תורה, עבודה, און גמילות חסדים, און עס פארשפרייט א רוחניות'דיגע ליכטיגקייט אויפן גאנצן ארום. אין שפיץ פון די קהלה קדושה שטייט דער באקאנטער רב און פוסק איש האשכולות הרב הגאון המפורסם רבי שמחה אהרן שטראלי שליט"א דומ"ץ וויען, וועלכער דינט אלס רב און מורה צדק, און איז מדריך די בני הקהלה על דרך התורה וחסידות.
גאנץ שנעל האט זיך איינגעזעהן דעם געברויך אהערצושטעלן א צענטער וואס וועט ענהאלטן אין זיך אלעס וואס א קהלה דארף האבן, א גרויסע היכל בית המדרש פאר די תפלות יעדן שבת און יום טוב, שטיבלעך פאר מניני תפלה אין די וואכן טעג, א מקוה, א היכל הלימוד, א אוצר הספרים, א בית הוראה פארן רב שליט"א, א שיינע ווינקל פאר די קינדער צו שפילן און פארברענגן ארום דעם בית השם, א זאל פאר שמחות, און נאך פארשידענע צוגעהערן, אזוי אז ס'זאל גארנישט פעלן פאר קיין שום איד אין אונזער געגענט.
