Re: קרית יטב לב - בלומינגבורג ניו יארק
דעי וואך
- אטעטשמענטס
-
- BBG Q&A Series Week4- .pdf
- (349.67 KiB) געווארן דאונלאודעד 245 מאל
פון אימעיל:
יעצט וועלן מיר אויפן שפיץ גאפל אויסרעכנען נאך דעוועלאפמענט'ס וועלכע ווערן יעצט געבויעט אין שטאט, און ווי געזאגט וועט מען בעז"ה און די קומענדיגע אימעיל'ס באשרייבן כל אחת ואחת לבדו באופן פרטי.
אויף די ווינטערטאון גאס האט מען די וואך איינגעווארפן א אלטע הויז, וסותר על מנת לבנות ווי עס גייט אי"ה ממש בקרוב אויף געבויעט ווערן פרישע 38 דירות פארן פרישן וואוקס פונעם שטאט.
אויף מעין סטריט קארנער היי סטריט, האט מען אויך אראפגעווארפן א אלטע הויז, ווי עס גייט אי"ה געבויעט פרישע ווערן 4 דירות פארן שטאט.
די דירות אויף אלד ראוזע געפ גאס, וואס איז די בילדינג'ס שטייען שוין מיט איר פראכט און האלט שוין ביי די לעצטע פאזעס, האט ב"ה פאריגע וואך באקומען די לאנג ערווארטעטע AG אפראוועל. אויך האט מען באקומען א אפראוועל צו קענען אנהייבן טעסטן וואסער פאר נאך 140 דירות, ממש אין די זעלבע געגענט.
ווי אויך גרייט מען זיך בעז"ה צו בויען נאך א דעוועלאפמענט אויף היי סטריט, און עס איז שוין ב"ה געווארן אפראווד פאר 8 דירות.
פאר עטליכע וואכן צוריק איז פארגעקומען די ערשטע 'ווארק שאפ' פאר פרישע 200 דירות וואס וועט אי"ה געבויעט ווערן אנהייב פון מעין סטריט.
פאר 2 חדשים צוריק איז אריינגעגעבן געווארן - שוין צום צווייטן מאל - פלענס פאר 40 דירות, וואס וועט אי"ה געבויעט ווערן אויף מעין סטריט אונטערן יעצטיגן פאסט אפיס, און ווי אויך וועט די דעוועלאפמענט בעז"ה ענטהאלטן א ריזן ביזנעס צענטער פון 12000 סקווער פיס פאר אפיסעס, און עטליכע טויזענט סקווער פיס פאר געשעפטן אא"וו.
דאס ברענגט די ס"ה דירות וואס ווערן געבויעט / געפלאנט צו א סך הכל פון 859 פרישע דירות ממש און די גאר נאנטע צוקנופט!
