צאת הכוכבים - 40 מינוט, האמנם יש דעה כזאת? וכמאן?
ווי באקאנט איז דא דריי שיטות להלכה אין זמן צאת הכובים:
א, ר"ת וסייעתו - מ"שקיעת" החמה עד ג' מילין ורביע, איז יום וודאי, מג' מילין ורביע אחרי "שקיעת" החמה עד ד' מילין ביהש"מ, ואחרי ש"תשקע" חמה איז לילה.
ב, שיטת הגאונים, הובאו דברים בראב"ן ובמהרם אלאשקר - מ"שקיעת" החמה, עד ג' רבעי מיל ביהש"מ, נאך דעם איז לילה וודאי.
ג, שיטת היראים - מג' רבעי מיל לפני "שקיעת" גלגל חמה הרי זה בין הש"מ, אחרי שקיעת גלגל החמה החמה איז לילה וודאי.
די אלע פלוגתות בין הפוסקים, איז בכללות צווישן די דריי שיטות (בעיקר ר"ת וגאונים).
די אלע חילוקי דין ופלוגתות היוצאים מהם, כגון זמניות או שווות, שיעור מיל. בקיאות בסימני הכסיף, בקיאות בכוכבים הנראין בלילה, ועוד, איז צוווישן די דריי שיטות.
ווייס איך כסדר, אז מטי משמיה דחזון איש שפסק אז זמן צאה"כ איז פערציג מינוט, אנדערע זאגן משמו גאר פופציג, מאנכע טענה'ן פינף און פערציג.
ווייסט איינער וואו שטייט אפילו ברמז, אין ספר חזון איש, אין די אגרות אדער סיי ערגעץ וואו, איין ווארט וועגן דעם?
איז אזוי, איז דער שיעור האמור לגבי מחמיר זיין אין שבת אדער מהדר זיין אין תוספות שבת איז אויך גענוג ראוי צו פרעגן וואס דאס מיינט.
אויב אבער ווי אנדערע טענה'ן חי וקים, אז חזון איש האלט אז ביז פערציג איז יום (ווען הייבט זיך אן לויט דעם בהש"מ?) איז די פראגע איין ווארט:
כמאן???