די אחראים: יאנאש , אחראי , געלעגער
לוי יצחק האט געשריבן: מילכיגער זאגט איבער???....
אהםםם... מ'טאר זיך נישט שערן ספירה, צוריק צום אלטן.
גוטמילכיגער האט געשריבן: ↑ דינסטאג נאוועמבער 26, 2013 12:39 pmשוין יארן וואס דא קומט פאר שרעקליכע עוולה. עפעס אזא מנהג אזוי, וואס האט שוין אנגעברענגט אן א שיעור אומגליקן בתוכינו. איך מיין אז ס'איז שוין געקומען די צייט צו זאגן פארן מלאך המשחית, הרף! גענוג איז גענוג!.
יעדער ווייסט וויפל טרערן דאס האט שוין געקאסט און וויפל שלום בית פראבלעמען דאס האט שוין געשאפן און נאך אלס גייט דאס אן! אין איין באוויסטע פאל דא (מפני הכבוד וועל איך נישט דערמאנען קיין נעמען ואכמ"ל) האט איינער באקומען א בראך און ס'האט גענומען א לאנגע צייט ביז ער איז צוריגעקומען ביתר שאת.
איך וויל ענק נאר דא מודיע זיין אז איך בין דא צו מאכן א עק דערצו.
--
די וועלט זאגט אז א איד א ארנטליכער בעל חוב האט אמאל נישט געקענט שלאפן א גאנצע נאכט פאר זיין שטר איז געווארן פעליג. הלמאי, ער האט נישט צו באצאלן! אזוינס איז נאך קיינמאל נישט געשעהן ביי אים! בקיצור דער האט זיך געווארפן אין בעט א גאנצע נאכט פון זייט צו זייט ביז ס'ווייב זאגט אים: משה! עד מתי? קאל אן זרח דעם מלוה און זיי אים מודיע אז דו האסט נישט וחסל. כמיין וויפל איז די שיעור צו זארגן...
הערנדיג די גוואלדאוונע עצה, גיט ער אזוי פירע פארטאגס א כאפ דעם טעלעפאן און ער קלינגט זרח'ן.
נאך פיר מאל האט זיך אפילו אזא אנגעפאשעטער עושר ווי זרח אויפגעוועקט און אויפגעהויבן מיט א דעשראקענעם הייזעריגן
- "האלא???!!!
- יא רבי זרח, דא רעדט משה. אוי איך האב אייך אויפגעוועקט?
- ניין, חלילה. די טעלעפאן שוין אויפגעוועקט פאר אייך. אבער למעה"ש וואס גייט פאר?
- גארנישט, איך האב אייך נאר געוואלט איבערגיבן א וויכטיגע ידיעה.
- וואס?
- איז אזוי איר געדענקט אז מיין שטר צו אייך ווערט מארגן פעליג?
- נעוואדע
- איז אזוי. אין בידי פרוטה לפורטה. אין לי איך קען דאס נישט באצאלן.
- אוי וויי! פארדעם קאלסטו מיר אזוי ביינאכט?
- חלילה! נישט וועגן דעם. נאר אז ביז יעצט בין איך נישט געשלאפן, יעצט זאלט איר נישט שלאפן...
בקיצער לאמער אייך נישט אויפהאלטן און נייגעריג האלטן. איך רעד דא פון די מנהג אז ווען מ'קומט אן צו א געוויסע מספר תגובות מוז מען שרייבן עפעס א ארטיקל אפצוצייכענען די שמחה. היות איך האלט שוין אט דארט שלאף איך שוין נישט קיין נעכט טראכטנדיג "וואס קען מען שרייבן דא? תבן אתה מכניס לעפריים?" גלייבטס מיר, איך פיל אז אטאטא פלאצט עס!
על כן וויל איך דא מכריז זיין בשער בת רבים בשם אלע געליטענע! איר זענט באפרייט! הגיע זמן גאולתכם! פון יעצט און ווייטער ווען איר קומט אן צו א MILESTONE דארפט איר נאר ארינקומען דא און אריינלאזן א קרעכץ און יעדער וועט פון דעם פארשטיין אז איר האלט זיך נישט ביים פארשקלאפן צו די היינצייטיגע מנהגים.
זארגט אייך נישט די מזל טוב! מיט די קוילעכויס וועט איר באקומען אזוי אויך...
--
געשריבן לרגל מיין געקרוינט ווערן אלס שר חמש מאות. יה"ר אז איר זאלט אלע אזוי הנאה האבן א גאנץ לעבן וויפל איך האב פון דעם פלאץ! דאס איז די בעסטע ברכה וואס איך קען אויסטראכטן פאר מיינע בעסטע פריינד!
