די אחראים: זייער נייגעריג , אחראי , thefact
נחום וואהלינער האט געשריבן: רוב היינטיגע נושרים האבן גארנישט צוטין מיט ספיקות באמונה... סתם בהפקירא ניחא לי'
זעירא דמן חבריא האט געשריבן:נחום וואהלינער האט געשריבן: רוב היינטיגע נושרים האבן גארנישט צוטין מיט ספיקות באמונה... סתם בהפקירא ניחא לי'
במחילת כבודך זייער א בלענק סטעיטמענט, און נישט איינשטימיג מיט די פאקטן.
זיכער איז אלעמאל געווען ביי כלל ישראל און אזוי היינט אויך דא אזעלכע וועלכע האבן בלויז געזוכט פריקת עול און הפקירות, בשרירות לבי אלך, איש הישר בעיניו יעשה...
זיי קומען פון געזונטע אוועקגעשטעלטע שטובער, מיט א פיינע שלום בית צווישן די עלטערן, און האבן גוטע קעפלעך, און דאך האבן זיי זיך נישט געקענט אריינפאסן אינעם מסגרת, און די די הבלי עוה"ז האט זיי גערייצט און געצויגן ביז..רח"ל.
אבער אויב האסטו געהערט די דעת המחנכים און מומחים אינעם נושא, סיי בכתב און סיי בעל פה, טענה'ן זיי קלאר און דייטליך אז רוב פון די "דראפ-אוט'ס" זענען "פאש-אוט'ס" (שמעתי מהרב ראססעל מומחה בתחום), ערגעצוואו אין זיין יוגנט האט ער בייגעוואוינט געוויסע מצבים צו אין מוסד אדער אין שטוב וועלכע האבן אים נישט געגען די געלעגנהייט מצליח צו זיין און זיין אנגענומען אינעם קאמיונטי, און פון דארט און ווייטעטר הדרך קצרה לשאול תחתי' ר"ל.
נישט אז איך וויל יעצט אריינגיין באריכות דן זיין איבער די ביטערע ערשיינונג פון "או.טי.די.", נאר צו קלארשטעלן דיינע ווערטער.
וואס איז יא אמת איז די ערשטע חלק פון דיין זאץ, אז מיט אמונה האט דאס כמעט קיינמאל נישט קיין פארבינדונג, דהיינו זיי זענען נישט אראפ פון וועג מחמת זייערע ספיקות און קושיות, נאר די אלע ענינים ווערן נולד ערשט נאכ'ן גליטשן.
עכ"ז לאחר המעשה האבן זיי שוין פראבלעמען מיט די אמונה אויכעט, ווייל זייער גאנצע אמונה איז מתחלה נישט געווען אויפגעבויעט געהעריג, נאר עפעס אזא סארט זאך משפה ולחוץ, ממילא איינמאל זיי פאלן אוועק האבן זיי נישט קיין כח און מקום וואו אהין צוריקצוגיין, ס'פעלט די יסוד ובסיס.
ויש בזה אריכות גדול, אין איין ווארט קען מען זאגן ס'איז: תחלתו תאווה וסופו כפירה ה"י!
בוחר בשירי זמרה האט געשריבן: 1- איז כמובן זייער שווער צו געבן עצות אן צו וויסן מער פרטים
2- איך האב נישט דורכגעליינט אלע תגובות- קען זיין אז מ'האט שוין גע'ענטפערט ערנסט
3- איך האב היבש עקספיריענס אין דעם
4- אויב איר זענט אינטערעסירט, וועל איך מער מרחיב בדיבור זיין אן אנדערס מאל. אצינד אייל איך מיך, נאר לכבוד א איד ווי אייך, וואס טוט אין דעם מוז איך שרייבן, [אפילו עס קען זיין אז איר דארפט בכלל נישט צוקומען לדידי ולדכוותי]
אויב ער ארבעט נישט און איז צושאסן, און דארף דיין סעקיורעטי, אדער קאמפאני, [אפילו אויב האט ער חברים קען עס נאך אלס זיין] , און ס'קען זיין אז דער שיעור וועט אנהאלטן לאנג, און דאן איז גוט צו לערנען מיט אים עפעס לומדיש און שיין ווי מנחת חינוך וואס וועט אים געבן א געשמאק
[אבער נאר אויב ער האט טאקע א גוטע קאפ –אסאך מאל ביי די מיני בחורים זענען זייערע גוטע קעפ נאר לפי ערך פון אנדערע בני גילם אבער באמת זענען זייערע קעפ בכלל נישט די בעסטע..
- און אויך איז ביי פיל פון זיי -אפילו אמת'ע גוטע קעפ- פאראן אן אומגעדולדיגקייט -בדוגמת עי די עיטש די. וואס –טיילווייז- צוליב דעם, זענען זיי אנגעקומען צו דעם איצטיגן מצב. און אפילו אויב נישט, זענען זיי אבער אזוי צושטורעמט פון כסדר'דיגע איטערנעט קשרים און טעקנאלאדזשי עדיקשאן, אז זייער מוח האט זייער ווייניג געדולד פאר קאנצערטראציע]
אויב איר זענט נישט זיכער אז דאס איז פאר אים, איז –לפי מיין עקספיריענס- די בעסטע זאך, צו לערנען הלכות פסוקות, בדוגמת קיצור שלחן ערוך.
אויב איז ער אומבאקוועם מיט לערנען הלכות וואס ער היט נישט אפ, דאן לערן מיט אים הלכות וואס זענען אים נישט קיין נסיון ווי למשל הלכות משא ומתן – רבית- צדקה – מעשר כספים-מזוזה וכדו'
הצלחה מרובה ושכרך הרבה מאוד [כמה בחורים וואס איך קען וואס זענען ארויס פון שאול תחתית נאר דורך דעם וואס איך האב מיט זיי געמאכט אזא שיעור]
בנוגע אויב ער הייבט אן צו פרעגן/ רעדן מער שאלות בנוגע זיין אידישקייט קען מען מאריך זיין אם תרצה, ועוד חזון
חלב ישראל האט געשריבן: איך קען נאך אריינרעדן דא אדער איך קום ווי א שירעם נאך א רעגן?
לערנען אמונה מיט אזעלכע חברה האט נישט קיין שום פשט, ממה נפשך, אויב איז ער אפגעפארן וועגן אמונה שוועריקייטן דאן קען ער דאך שוין די אלע זאכן און מיט דעם אלעם איז ער נישט איבערצייגט, מ'וועט זיך נאך אנפאנגען טענה'ן און דו וועסט לכאורה פארלירן. אויב אבער איז ער סתם א מומר לתיאבון צו להכעיס מיינט דאס אז ס'גייט איהם נישט אן צו אידישקייט איז אמת צו נישט, איז פארוואס סתם פארדרייען א קאפ?
לערנען הלכות פסוקות האט אויך נישט קיין פשט, איהם גייט דאך נישט אן וועלכע נעגל דער רמ"א זאגט אז מ'דארף ערשט אפשניידן, ס'קען איהם נאך רח"ל אויסקוקן ווי א לצנות און דו וועסט נאך מער קאליע מאכן ווי אויפטון.
וואס זאל מען יא טוהן? גוט אפלערנען א לומדיש שטיקל גמרא, א לומדיש שטיקל חסידות, אויב האט ער א גוט קעפל קען מען דורכטון א שטיקל רבי חיים, צו די זאכן פארשטייט יעדער.
בוחר בשירי זמרה האט געשריבן: בנוגע לומדות, עי' מיין אויבערשטע תגובה אין די קליינע אותיות
