רבי ישראל מרדכי טווערסקי זצ״ל - מראחמיסטריווקא ארה״ק - תרפ״ט - כ"ב סיון תשס״ד
רבי ישראל מרדכי טווערסקי זצ״ל
מראחמיסטריווקא - ארה״ק [/align]
איז געבוירן צו זיין טאטען הרה״ק רבי יוחנן זצ״ל ביום ז׳ סיון שנת תרפ״ט אין ירושלים עיה״ק ווי זיין טאטע איז ארויף מיט געציילטע יארן פריער פון רוסלאנד.
און צו זיין מאמע הרבנית הצ׳ רבקה ע״ה בת הרה״צ רבי נחמן יוסף ווילהעלם ז״ל.
ער האט געלערענט אין די ישיבה פון ״חיי עולם״ און אויך אין ישיבת ״שפת אמת״
ער איז געווארן אן איידעם ביי הרה״צ רבי סענדר אורי זצ״ל - מנכדי מרן הרה״ק ה״בני יששכר״ זצ״ל.
כ׳ כסלו שנת תשמ״ב איז זיין טאטע נסתלק געווארן האבן די גוטע אידן מכתיר געווען רבי ישראל מרדכי באדמורת ראחמיסטריווקא ווען צו זיין האנט שטייט אויך אחיו כ״ק מרן הרב הצדיק אדמו״ר רבי חי׳ יצחק שליט״א מראחמיסטריווקא - ארה״ב.
דער ראחמסטריווקא רבי טראץ זיין גאר באשיידענעם לעבענסשטייגער איז ער געווען מפורסם זייענדיג פון די אדמורים הכי חשובים בארה״ק, ארויסשיינענדיג מיט זיין געוואלדיגע פשטות׳דיגן הנהגה און עניוות׳דיגן מהלך וואס האט באצויבערט יעדן. און צוגאב זייענדיג אויך א קלוגער צדיק פון וועם מען האט געקענט פיל נהנה זיין בעצה ותושיה.
ער פלעגט זאגן אז פון די גאנצע ירושה פון זיין טאטען איז אים פארבליבן נאר דער ״כלום שבכלום״
זיין עיקר צייט נאך פון זיין פריעסטע יוגענט האט ער עוסק געווען בלימוד התורה בשקידה עצומה ובהתמדה רבה וואס מיט די שקידת התורה האט ער אנגעהאלטן כל ימיו אפי׳ בימי אדמורת, זיין גאנצע התנהגות מצד זיין אדמורת האט ער זיך געפירט בדרך ביטל גייענדיג אן קיין גבאים צו די זייט וכדומה, און ניטאמאל מיט די בגדי כבוד של אדמו״ר, נאר גענומען דעם תפקיד של רבנות כמו בכפיה.
ער האט פיל קאפ און מח אריינגעלייגט אין זיין בארימטע ישיבה ״מאור עינים״ וואס ער האט נאך געגרינדעט צוזאמען מיט זיין טאטען רבי יוחנ׳טשע זצ״ל, בשנת תשכ״ג להנציח שמם של אדמורי בית טשערנאביל שנוספו בשואה.
די רבי האט פיל צייט משקיע געווען אין די ציעורי הצאן, אויפפאסענדיג אויף די תורה ויר״ש פון די בחורי חמד.
נסתלק כ״ב סיון שנת תשס״ד - ונטמן באוהל ראחמיסטריווקא בהר הזתים.
בנו ממלא מקומו: כ״ק מרן הרב הצדיק חו״פ אדמו״ר רבי דוד שליט״א.
עוד בן הרב נחמן יוסף שליט״א - מרביץ תורה בחסידות ליובאוויטש קראוין הייטס.
- אטעטשמענטס
-
- IMG_4069.JPG (166.27 KiB) געזען 2595 מאל