אזוי ווי מען האפט צו שרייבן נאך, און היבש איבער אלף פעמים האט מען שוין געליינט דעם אשכול, ווערט דערוילעם געבעטן צו ארויסהעלפן און מגיב זיין הן לטב והן למוטב.
דו פרעגסט?? טראץ וואס כ'האב שוין געהערט/געליינט רוב דעטאלן וואס דו ברענגסט, האב איך עס קיינמאל נישט אזוי פארשטאנען און מיטגעפילט. מיין שנאה צו די יוונים/מתייוונים איז ארויף מיט גאר אסאך שטאפלען.
אברהם בן ארי' האט געשריבן:
פארגעסן צו שרייבן, די וועג וויאזוי דו לייגסט עס אראפ איז סאמטינג אוט אף דיס ווארלד! די שפראך, לשונות, מליצות, הומאר, און אלעס ארום. ביזט א מייסטער שרייבער. איך באלעק מיר דערמיט.
שוין לאנג געווארט אויף אזא געשרייבעכט'ס מיר האבן מעשי אבות, מעשי בראשית, איך וועל דיר ראטעווען, און א ספר אויף דעם ערשטן חורבן, און בניית בית שני (געדענק איך נישט דעם נאמען יעצט, פון דעם זעלבן מחבר ווי איך וועל דיר ראטעווען, אולי דער נאמען וזכרתי)
וואס די מעלה פון די ספרים איז, אז מ'קען ממש מיטלעבן דעם מציאות ווי ס'האט זיך דעמאלט'ס אפגעשפילט און שוין לאנק וואס איך ווארט אויף חנוכה אזא געשרייבעכט'ס, איך זאל קענען אליין מיטפילן, וואס האט זיך דעמאלט'ס אפגעטון
זאלסט האבן צייט, און הצלחה, און ענדיגן עד גמירא ייש"כ
כשמ"ו כן הוא
סיין זיך אויף מיט די לינק צו Webull stocks platform, און איך און די וועלן פארדינען free stocks נאכן deposit $100 די ערשטע 30 טעג פון אויפסיינעןhttps://act.webull.com/nt/1tSOfvYQhs4K/
אברהם בן ארי' האט געשריבן:
פארגעסן צו שרייבן, די וועג וויאזוי דו לייגסט עס אראפ איז סאמטינג אוט אף דיס ווארלד! די שפראך, לשונות, מליצות, הומאר, און אלעס ארום. ביזט א מייסטער שרייבער. איך באלעק מיר דערמיט.
רבותי, עס איז געבראקטע צרות, די רשעות'דיגע מתיונים זעהן איין אז דערוילעם האלט נישט ביים ווערן'אויפגעקלערט', עס איז זיי גוט און זיס מיט די מסורה'דיגע תורה, מיט אלע תקנות פון די רבנים. כאטש וואס די מתיונים/צדוקים/בייתוסים מאכן א לעבן, זיי האבן די גאנצע געלט און די גאנצע פירערשאפט פון לאנד, אפילו די ביהמ"ק האבן זיי, דאך ווייסן די ערליכע יודן אז די תורה איז זיסער פון זייערע גליקן. די מתיוונים האבן דיסיידעד עס צו נעמען צו די נעקסט לעוועל. זיי האבן ערלעדיגט א בריוו פון אנטיוכוס אז מען טאר מער נישט היטן קיין יודישקייט. זיי האבן אים מסביר געווען אז זיי טרייען אויפצוקלערן די יודן, און זיי לאזן זיך נישט. די איינציגסטע וועג וועט זיין מיט כח. עס איז בכלל נישט שווער געווען אים איבערצורעדן, און ער האט זיי געגעבן די בריוו וואס זיי האבן געוואלט. ספעציעל האבן זיי זיך פארלייגט אויף די סימבאלישע זאכן וואס מאכט א יוד שפירן ווי א יוד, שבת, חודש/ימים טובים, און ברית מילה. און דאס איז נישט סתם. זיי סטראשענען מיטן לעבן ווער עס וועט געכאפט ווערן עובר זיין אויף זייער באפעל.
יעצט קומט אריין באריכטן אז זיי האבן שוין אפילו געטוהן למעשה ר"ל. ביי שלטיאל איז געבורין א קינד, און פארשטייט זיך אז ער האט געמל'עט זיין קינד ווי די דין. די באנדיטן זענען געוואר געווארן, האבן זיי אים אראפגענומען די קאפ, דערנאך האבן זיי גענומען זיין אומגליקליכע פרישע אלמנה, געבינדן די הענט פון אינטערוויילאכטס, אויפגעהאנגן די פיצל ניו-בארן בעיבי פון די מאמעס האלדז, און בשעת וואס דאס קינד האט זיך געשטיקט און געווארפן, פייניגען זיי איר צום טויט ר"ל. אנבעליוועבעל, ישראל כשהן יורדין. וויפיל קען דען דאס הארץ פארנעמען? אבער וואס קענען מיר דען טוהן דערצו? זיי האבן דאך טויזענטער גריכישע סאלדאטן סטאנציאנירט דורכאויס די לאנד. אונז קענען זיך נישט קריגן מיט זיי. די איינציגסטע מלחמה וואס מיר קענען, איז מלחמתה של תורה. דער באשעפער זאל זיך שוין מרחם זיין אויף זיינע געטריייע באדינער. דאס איז לכאורה א שטראף אויף דעם וואס מיר אליין האבן זיך נישט גענוג אנגעשטרענגט אויף כבוד שמים. ווען מיר וואלטן געווען גענוג ערליך, וואלטן מיר קיינמאל נישט צוגעלאזט אז אזא גרופע זאל זיך בכלל פארעמען פון די ערשטע מינוט. אוי לנו כי חטאנו, און יעצט ליידן מיר די קאנצעקווענצן. השם יצלינו. די הארץ פלאצט פאר צער.
היינט הענגט פלאקאטן דא אין מודיעין אז יעדער מוז זיך צאמקומען אין צענטער פון שטאט, אנשים נשים וטף. עס איז אינטערגעשריבן דורך די גריכישע גענעראל אלקידוס. איך האב א געפיל אז ער גייט נישט דארט טיילען דאונאטס... איך ווייס נישט וואס יא, אבער אז ער הייסט קומען, דארף מען קומען.
וואוו! דו האסט נישט קיין אנונג וואס דארט איז געווען, איך קען עס נאך אלס נישט גלייבן! פרעג נישט!אקעי, לאמיך זיך בארואיגן און דערציילען געהעריג. איז אזוי. דער שמוציגער גענעראל האט געלאזט בויען א שטיינערנע מזבח אין צענטער פון שטאט. און ער האט געטרייט איבערצורעדן נישט קיין אנדערע ווי דער אלטער צדיק מתתיהו זאל מקריב זיין א דבר אחר פאר איינע פון זיינע געטער. ער האט געטרייט מיט גוטן און בייזן, אבער פארשטייט זיך אז עס האט אים גארנישט געהאלפן. מתתיהו איז געבליבן שטיין ווייט אוועק פון זיין פארשונקענעם מזבח, און געזאגט, דו פאלגסט דיין קעניג, און איך פאלג מיין קעניג. נאך וואס דאס האט נישט געארבעט, האט אלקידוס אויסגערופן הויך 'ווער וועט זיין די ערשטע דרייסטע יוד וואס וועט זיך ארויסשטעלן אלס העלד און מקריב זיין די קרבן? עטס זעטס דאך אלע ווי איר קומט אהן מיט קלעבן צו אייער אלטמאדישע רעליגיע' קודם האט זיך קיינער נישט גערירט פון פלאץ, אבער נאך א האלבער מינוט האט זיך שמייקע יעקלס ארויסגעשטעלט אז ער איז גרייט. איך האב שוין לאנג באמערקט אז ער איז עפעס פויגעלדיג, איך האב אבער נישט געוויסט ווי ווייט עס האלט. דער שמייקע וואקט צו מיט א געמאכטע דרייסקייט און גרייט זיך צו מקריב זיין דער קרבן! מיין הארץ איז פארקלעמט, מיין מח איז ציטומעלט, ווי זעמיר דא אנגעקומען?!??! רבונו של עולם!!!!
אבער וואס איז געשען נאכדעם, איז נישט צום גלייבן. ווייסטאך אז דער אלטער מתתיהו איז א כהן, אן אייניקעל פון לוי וואס יעקב האט שוין געשאלטן זייער כעס, ארור עפם כי עז. זייט דעמאלס זענען אלע כהנים אזוי היבש, אהם, לאמיר עס אנרופן לעבעדיג. פלוצלינג פונעם אנדערען עק קומט דער אלטער מתתיהו צו לויפן, זיין פנים ברענט פאר כעס, זיין פיס לויפט ווי א הערש, זיין לאנגע ווייסע בארד צישטרויבעלט זיך אויף אלע זייטן, עס האט אויסגעזעהן ווי ער גייט עקספלאודן! איך האמיך פשוט דערשראקן! זעהט אויס אז די כבוד שמים ברענט אין אים. ער לויפט צו צו שמייקע, שלעפט ארויס א שווערד פון אינטער זיין קלייד, און ניטש מער און נישט ווייניגער שמייסט אים אראפ די קאפ!. דער אלקידוס שטייט ווי א באגאסענע מיט הייס וואסער, ער ווייסט נישט וואס דא געשעהט. דאס איז דער אלטער שטילער מתתיהו?!?! אבער מתתיהו לאזט אים נישט טראכטן קיין סך, מיט א הימלישע גבורה שניידט ער דורך זיין פארגרעבטן האלדז פון ווי ער וואלט זיך ווען טרענירט אין גימנאזיום פאר לאנגע יארן. יעצט איז שוין נישטא קיין וועג צוריק, מתתיהו זעצט זיך ארויף אויפן פערד, און שרייט הויך [align=center]'מי לה' אלי! פאר וועם די כבוד פונעם אויבירשטן איז טייער, זאל קומען מיט מיר! אונז גיימער מלחמה האלטן מיט די וואס פארשוועכן זיין כבוד'[/align]
וואס גייט פאר מיט אים? ער מיינט טאקע אז ער גייט מלחמה האלטן מיט די גריכישע אימפעריע? איך הער אז ער פלאנט זיך אויסצובאהאלטן אין די ארומיגע בערג און היילען, און פון דארט וועט ער פירן די מלחמה. אזוי אויך וועט ער דארט קענען דינען דעם אויבירשטען אהן שרעק. עס זאגט זיך טאקע גרינג, אבער וואוינען אין א הייל איז בכלל נישט קיין פאן. איך מיין איך גיי נישט. איך זעה אז פונקט די אלע יודן וואס מען הערט נישט פון זיי קיין הויך ווארט, אויסער ווען זיין פלאמען אריין אין א נשמת, זיי זענען גרייט צו מלחמה האלטן פארן כבוד פונעם באשעפער. בשעת וואס די אלע וואס פלוידערען ביי יעדע קופקע וואס מען דארף אלס טוהן, שארן זיך שטילערהייט אין א זייט. זאל דער באשעפער זיי ארויסהעלפן, זיי מיינען עס דאך אזוי תמימות'דיג און אמתדיג. אבער בדרך הטבע זעה איך נישט זיי זאלן קענען עפעס אויפטוהן. איך גיי אהיים צו מיין בעט. עס איז צו באקוועם, און מיין לעבן איז מיר נאך צו טייער.
שמו האט געשריבן:
שוין לאנג געווארט אויף אזא געשרייבעכט'ס מיר האבן מעשי אבות, מעשי בראשית, איך וועל דיר ראטעווען, און א ספר אויף דעם ערשטן חורבן, און בניית בית שני (געדענק איך נישט דעם נאמען יעצט, פון דעם זעלבן מחבר ווי איך וועל דיר ראטעווען, אולי דער נאמען וזכרתי)
וואס די מעלה פון די ספרים איז, אז מ'קען ממש מיטלעבן דעם מציאות ווי ס'האט זיך דעמאלט'ס אפגעשפילט און שוין לאנק וואס איך ווארט אויף חנוכה אזא געשרייבעכט'ס, איך זאל קענען אליין מיטפילן, וואס האט זיך דעמאלט'ס אפגעטון
למעשה האב איך עס בעיקר געשריבן כדי איך זאל האבן פון ווי צו דערציילן פאר די קינדער ביי די חנוכה לעכט, און אזוי ווי איך פלאן נישט צו צינדען נאכאמאל ביז נעקסטע יאר, וועט די שרייבעריי אויך ווארטן אויף דעמאלס.
