אייוועלט פרעזענטירט: "ביד היוצר" - ר' יעקב יודא דאסקאל
מורי ורא בושם!
מיר שטייען נאך אונטערן רושם פון די געהויבענע פייערדיגע קאכעדיגע הייסע ווארעמע טעג, ימי החנוכה העעל"ט, וואס מיר אלע האבן זיך דערנענטערט צום בוכ"ע, און זיך דעווארעמט די נשמה'לע אונטערן שאטן פון די הייליגע לעכטעלעך.
ווי ריכטיג און ווי ליכטיג איז ענק פארצושטעלן א פלאם פייערדיגן סידי, מיט א קאך און א ברען. א אמת'ע חסיד'ישע דביקות'דיגע סידי, מיט אלע מפרשים און מטעמים.
און דאס מאל זאלט עט'ס נישט זיצן! פאר אזא סידי ברויך מען זיך אויפשטעלן!!
אז מ'זאגט קאך און ברען, מיינט עס וויז'ניץ. און אז מ'זאגט וויז'ניץ מיינט עס:
הרה"ח ר' יעקב יודא דאסקאל הי"ו
המכונה ר' יענקי דאסקאל.
(וועגן די נ' אינעם יעקב, עיין בארוכה בשמועסניהם של ידידי בית אייוועלט – 'דרעזנער-שמעלצער' ותמצא נחת).
ר' יענקי איז ברייט באקאנט איבער די גארער וועלט אלץ חסיד'ישער ווארעם הארציגער בעל מנגן, אבער גאנץ ווייניג ווייסן אז זיינע ניגונים זענען גאר באקאנט און פארשפרייט.
למשל דעם אלטן 'הכל יודוך' קענט איר מסתמא. אזוי אויך דעם "ברוך הוא אלו' אשר טוב גמלנו' וכו', און אזוי נאך אסאך ניגונים. לעצטע יארן זענען מיר פארפלייצט געווארן מיט זיין 'ויהי נועם' (דורך מאטי שטיינמעץ), און זיין 'ביד היוצר' האט נישט אנגעטוהן קיין קליינעם היט. ווער רעדט נאך פונעם 'ויהי זרעי' וואס האט אפגעקלינגען און אפגעזינגען אין די ימי החנוכה. (בפרט נאך די מורא'דיגע מעשה וואס איז פארשפרייט געווארן איבערן ניגון, וואס יענקי האט פארציילט בפני מורו ורבו כ"ק אדמו"ר מוויזשניץ שליט"א).
יענקי איז פון די איינציגסטע היינטיגע קאמפאוזער'ס וואס זיינע ניגונים ווערן געזינגען אין אלע חצרות הקודש ביי די געהויבענסטע מעמדים!
און ווען ס'קומט צו זינגען... אוי ווי דער האקט שטיקער! דער האט א שטימע... מתוק מדבש איז נישט דאס ווארט! זיס ווי ציקער, מיט א פעסטקייט און קלארקייט. און ער לייגט אראפ א ניגון מיט א מורא'דיגע חן און געשמאק, פון א געדרייטע חזנות, דורכאויס הארציגע ניגונים, ביז הייבן א עוילעם ביזן הימלען און טומלען.
ר' יענקי איז נישט סתם א זינגער, און אפי' נישט א פשוט'ער 'בעל מנגן'. יענקי איז דערהויבנקייט!! העכערקייט!! ריינקייט!!! דביקות!! התעלות!! התעוררות!!
איז ווי גליקלעך זענען מיר ענק צו פארשטעלן אזא סידי, וואס פארמאגט 14 הערליכע חסידישע ניגונים, קאמפאוזט ביי יענקי'ן און נאך גרויסע מלחינים, און אלעס געזינגען דורך יענקי, מיט זיין מתיקות'דיגן זיסן שטימע.
אבער דא קומט'צעך די קרעדיט, אבער די גאנצע, פארן באליבטן ניק @אידישע קאפ. דער אידישע קאפ איז געווען די גאנצע אידישע קאפ פונעם סידי, פשיטא כמשמעא. פונעם אידישן קאפ ביזן שיך בענדלעך. ער איז געקומען מיט די איידיע, ער האט צאמגעשטעלט די ליסטע, ער האט געבויעט די סדר פון די ניגונים, ער האט צאמגעקליבן די אינפארמאציע פון די ניגונים, בקיצור, די גאנצע סידי, מרישא לסיפא, האט ער געטוהן, הוא ראשון והוא אחרון ומבעלדיו אין כאן לא סידי ולא שמתא!
את חטאי אני משכיר, אז כ'בין געווען היבש ביזי. און@איינס איז אויך געווען ביזי (מיטן מעכטיגן פארמעסט, און נאך). איז געקומען דער @אידישע קאפ, און מיר אנגעכאפט ביים אויער, און @איינס ביים גארגל, און צוזאמען אריינגעשלעפט בכוח אינעם פראיעקט, אונז זאלן מיטארבעטן מיט איהמ'ן מיט גוטן צו מיט קידושין! (גראדע ווען מיין אויער איז געווען נאנט צו איינס גארגל האביך געהערט וואס טוהט'צעך אינעם גארגל... פיינע נייעס דארט!). און נאר אדאנק איהם, און פארשטייצעך אדאנק דעם אלמעכטיגן ג-ט, שטייען מיר דא, אין א מזל'דיגע שעה, הנה זה באה עם הצאן.
און ווען איך קום אריין דא ווי א גרויסן חכם, עפנט'ס נאר דעם בוקלעט וואס אונזער וועלט באליבטער @איינס האט אהערגעשטעלט! מייסטער איז נישט דאס ווארט! אויבן אן איז נישט דאס ארט! און קוגל איז נישט דא טארט! @איינס האט שוין קונה בעל שם טוב געווען דא אלץ דער געטרייעסטער באליבסטער חשובסטער תוכנ'דיגסטער ניק, וואס איז אלעמאל דא אהערצושטעלן רייכע אינפארמאטיווע פראגראמען, אויפן העכסטן קוואליטעיט, פיל מיט תוכן הארץ און רייכקייט. די אייוועלט פארמעסט יוכיח, וואס ווען איינס איז אריין אינעם בילד (תרתי משמע) איז עס ארויפגעשפינגען מיט 100 שטאפלען העכער. און ווי פלעגט נאך יענער אלטער איד זאגן: ווי איינס איז נאר דא איינס!
שוין לאמיר נישט אויפהאלטן, טוצעך אן דעם גארטל, ויהי נועם וכו' ויהי זרעי וכו' און אשירה ואזמרה מיט א פרישקייט און א וויזשניצע קאך!
@אידישע קאפ, שעם זיך נישט, קום אריין מיט א קלארקייט! איינס, דו ווארט א סעקנד..
[offtopic] [align=center]הבהרה והתנצלות[/align]
די אישי קעסטלעך פונעם סטודיו האט'צעך שוין לאנג צופלאצט פון די אומצאליגע בקשות און דרשות, געשרייען און טענה'רייען, פארלאנגען און געזאנגען, רעיונות און כשרונות, געדאנקען און געשאנקען, פון אומצאליגע געלונגענע מוזיקאלישע חשוב'ע ניק'ס, וואס קומען אלץ אויף מיט געדאנקען פאר סידי'ס, עידית שבעידית, איינס בעסער און שטערקער פונעם צווייטן.
אבער נישט אלעמאל קומען מיר אן צו ענטפערן און זיך וויסנדיג מאכן פון אלע חשוב'ע ניק'ס וואס שיקן געדאנקען אדער אפי' גרייטע סידי'ס.
און מיר קענען קיינמאל וויסן אפשר זענען די'ע ניק'ס חשוב'ע אידן אדמורי"ם און רבנים, ראשי קהילה פרנסים און דיינים, צו חשוב'ע משפיעים און בעלי דרשנים!
אלזא, בעטן מיר איבער אלע ניק'ס, און מיר טוהען זיך אנטשולדיגן פון טיפן הארצן. האפנטליך אז מ'וועט נאך אנקומען צו אלעס.
מ'מוז פארשטיין אז געווענליך ארבעט מען אויף א סידי2/3 יאר. קאלעקשן עממ... כל שכן אזעלעכע פראפעשעניל'ע סידי'ס וואס אייוועלט פרעזענטירט, וואס פאקט איין אלע סידי'ס מימות יהושע בן נ', און מ'לייגט אריין אסאך אידישע קעפ און מחשבה זאל זיין השוה לכל חולי הנפש, (און ציווישן אונז גערעדט..מ 'צאלט אונז שוין קיין געהאלט א האלבע יאר... שששש), איז אוודאי געדויערט עס אביסל צייט.
נ.ב. מיר פלאנען מאכט א דעיט ווען ס'קומט ארויס א סידי וכדומה, איינמאל א חודש/2 וואכן וכדומה. זאל עס נישט ווערן באררינג וכדומה. פרטים וועלן נאכפאלגן וכדומה.
די רעדאקציע.. [/offtopic]