אידישע וועלט פארומס

שלג כצמר האט געשריבן:

מיטל מזרח ווינטל האט געשריבן: צק

באותו מקום ובאותו זמן!

איך האב נאך קיינמאל נישט גערעדט דערוועגן פריוואט אדער אין די עפנטליכקייט און איך שפיר אז איך לייד נאך פון דעמאלטס אויף א שטיקל טרואמע און עמאציאנאלן דיסארדער. (בפרט אז האלב כלל ישראל האט זיך שוין אויסגעשריבן און אויסגערעדט זייער נאכווייען אויף די היימישע פלאטפארמעס, טראכט איך אז מיין בויך וויי איז היפש נישט אינטרעסאנט).
אפשר אויב קען מיר איינער העלפן זאל ער אריינקומען אין אישי אדער ווייסעך ווי.

#איך_בין_דארט_געווען

שרייב'זשע ביטע דא.
ס'איז שוין א יאר אריבער.
מ'קען שוין איבערליינען.

העכסטנס ווער ס'וויל נישט, מוז נישט ליינען.

מיר ווארטן אויף דיין אשכול...

איך האב אביסל געשריבן דא .
א שכח פאר אלע ניקס וואס האבן זיך אנגערופן.

I was getting ready to go to sleep and a friend called me to come to the nearby shul to say tehillim

כ'בין ארויפגעקומען לייוו מיטצוהאלטן די תו"א הדלקה און אויסגעלאשן די וואליום ווייל ס'איז נאכנישט געווען ל"ג בעומר אין נ.י. נאך א 2 מינוט האבעך געזעהן אז עפעס איז נישט מסודר דארט און מ'מורמלט עפעס אריין אינעם רבין'ס אויער און ער פאנגט אן צו וויינען, כ'מיין אז דעמאלס האבעך געמאכט הויעך די וואליום (אויב כ'געדענק גוט) און נאך עטליכע מינוט האט מען אויסגעלאשן די מיוזיק און אנגעפאנגן שרייען אז מ'זאל ארויסגיין דורך... כ'בין צוריק געקומען אויף אייוועלט און געזעהן די נייעס

אין אפיס אויפן בענקל ווען מיין חבר שיקט מיר א מעסעדזש אז ברענטשעס פאלן

אויף א באס אויפן וועג קיין מירון

שטיין ביין האט געשריבן: ↑ דינסטאג מאי 24, 2022 2:15 am

אויף א באס אויפן וועג קיין מירון

און?

ביי מיין שוויגער

ערב ל"ג בעומר תשפ"א האלב דריי נאכמיטאג בין איך - אינאיינעם מיט נאך הונדערטער מענטשן - געשטאנען ביי תחנת בניני האומה אין ירושלים ווארטנדיג אויף א באס קיין מירון. נאך בערך א שעה ווארטן איז צוגעקומען צו מיר א באבובער אינגערמאן אין מיר געפרעגט אויב כ'בין גרייט צו צאלן פאר א קאר סערוויס, נעמליך ער האט באשטעלט א טענדער מיט 20 פלעצער און ער זוכט נאך 3 מענטשן. זייענדיג שטארק ערשעפט פון די שעות לאנג ווארטן אונטערן ברענעדיגן זון האב איך זיך באלד צוגעכאפט דערצו, טראץ די איבערגעטריבענע פרייז וואס דער דרייווער האט פארלאנגט.

שפעטער האב איך זיך דערוויסט אז דער איידעלער באבובער אינגערמאן הייסט הרה"ג ר' אברהם שמואל ענגלארד שליט"א און זיינע צוויי בא'חנ'טע קינדערלעך וואס זענען געזעסן פון פארנט זענען מער קיינמאל נישט צוריקגעקומען. זיי זענען נעבעך טראגיש פארשניטן געווארן ביים שרעקליכן אסון מירון תשפ"א. תהא נשמתם צרורה בצרור החיים.

בשעת דעם שרעקליכן אומגליק בין איך געזעצן אויף די פארענטשעס פון שטח תולדות אברהם יצחק און געזאגט תהלים לע"נ התנא האלוקי. פריער בין איך געווען ביי די גרויסע תולדות אהרן הדלקה אבער וואס א מינוט שפעטער איז די שטופעניש דארט געווארן אלס שווערער און שווערער און כ'בין ב"ה צייטליך אוועקגעגאנגען ווען ס'איז נאך געווען מעגליך.

כ'בין געזעסן אויף די פארענטשעס און געזאגט תהלים, ווען פלוצלינג הער איך א שטורעמישע געשריי: כולם לפנות את המקום עכשיו! באופן מיידי!און... אויפהייבנדיג די אויגן האט זיך ליידער אנטפלעקט דאס שוידערליך בילד... מחנות פון צוות הצלה, מד"א, פאליציי און סדרנים זענען געלאפן מיט א בהלה אין ריכטונג פון תולדות אהרן און כסדר צוריקגעקומען מיט בעטן באדעקט מיט ליילעכערה"י וואס זיי האבן פלאצירט אונטער מיינע פוס ביים שטח פון תולדות אברהם יצחק...

און אזוי בין איך געזעסן פון אויבן און צוגעקוקט צו די שוידערליכע סצענע ווען פלוצלינג ווער איך אינגאנצן באגאסן מיט וואסער דורך א צעשטורעמטער סדרן... אמרו לך לפנות את המקום לא? תעלם מפה!...

משוגענע אשכול דאס, ס'פירט מיר צוריק צו יענע מינוטן, איך בין געווען אויפן וועג אהיים פון כולל, ס'ליגט מיר אין די ביינער.

דא
https://goo.gl/maps/8eLCjLqRmArnDqiS9

איך האב געהאט טיקעטס צו פארן קיין מירון, אזוי ווי אלע יארן בעפאר. נאר אזוי ווי איך האב נישט געוואלט טוען קיין דריידלעך פון ווערן אן אינוונטר וכדו' און קיין נאנטע משפחה האב איך נישט דארט, האב איך געמוזט קענסלען.
די טרויעריגע שמועה, איז געקומען צוביסלעך, ווען מען איז געווען אין אפיס. קודם אז פארענטשעס פאלן און אז עס איז א מאסיוו טראגעדיע, וואס דאס האט מען געקענט ווי מען זאגט "לעבן אין דינייעל" אז עס קען נישט זיין ווייל אויף די לייוו הוקאפ האט מען נישט געזען קיין פארענטשעס וואס פאלן.
שפעטער ווען מען האט געהערט אז עס איז ביי שביל רבי דוב און אז עס איז דא צענדליגע טויטע, איז ארויפגעקומען צו מיין מעמארי מיין אייגענע איבערלעבעניש פון עטליכע יאר בעפאר.

דא קענט איר זען וואס איך האב געשריבן 9 יאר צוריק

viewtopic.php?p=863795#p863795

למען השם יעצט ביינאכט געדארפט ליינען דעי אשכול...

רק להתענג האט געשריבן: ↑ מאנטאג מאי 01, 2023 12:34 am

למען השם יעצט ביינאכט געדארפט ליינען דעי אשכול...

שכח איך האב יעצט געוואלט אנהייבען ליינען

יעקב לעהמאן האט געשריבן: ↑ מאנטאג מאי 01, 2023 12:20 am

אוי באשעפער ווי נעמט מען די כחות צוריק צוגיין אהין.
איך ליין די אשכול מיט שטורמישע בעקפלעש און פארנעפלטע אויגען...........

אוי

נאכן ענדיגן תהלים אויפן מרפסת כהנים גיי איך אראפ קיין קארלסבורג זיך צו דערכאפען דאס הארץ אין זיך תיקף צוריקגעיאגט צוקענען זיין ביים אנפאנג פון די תולדות אהרן הדלקה.

אויפן וועג ארויף האב איך מיטגעהאלטען אויפן סקרינס ווי מזינגט שוין ניגוני התעוררות האב איך זיך גענומען לויפען.

אנקומענדיג צו שביל ר' דוב האט עס מיר אויסגעקוקט צו אנגעשטאפט בין איך געגאנגען ווייטער צו די אנדערע וועג (כ'געדענקנישט וויזוי ס'הייסט).

כ'בין אנגעקומען ממש ווען מהאט אנגעפאנגען טאנצען לכבוד התנא.

סהאט אבער נישט אנגעהאלטען צו לאנג,

ס'האט זיך אנגעפאנגען מיט די געווענטליכע מוזיק/הצלה מוזיק/הצלה אבער גאנץ שנעל פארוואנדלט געווארען אין היסטערישע באפעלן,

"אוועק פון שביל ר' דוב"

"לאזט דורך הצלה"

קיינער האט נישט קיין מינדעסטן מושג וואס גייט פאר.

אה, דארטן פירט מען איינעם אויף א סטרעטשער, געמורמעלט א קאפיטעל תהלים און מ'גייט שוין מסתמא ווייטער טאנצען.

אבער וואס איז פלוצלינג דעי מיטינג מיט תו"א רבי אויפן בימה?

באלד רופט איינער אויס אויפן מייק, רבותי! די מצב איז נישט פשוט, אידן דארפען תפילות, לאמיר איינרייסען צוזאמען מיט אפאר קאפיטלעך תהלים.

שיר המעלות ממעמקים...

קורץ דערנאך "האירוע נגמר" "יעדער זאל יעצט אראפגיין פון בארג"

ס'הערשט א צעמישניש, איך בין געווען זיכער אז ס'איז נאר א טאקטיק פון די משטרה צו אויסליידגען די פלאץ אביסל, אבער גאנץ שנעל האבעך געזען אז דאס איז סיריעס ביזנעס.

כ'שטעל מיך ביי א זייט מיט מיין תהלים, כ'ווייס נאך אלץ נישט וואס האט פאסירט.

ביז א שוטר געט מיר א קלאפ "געב דיך א שאקל", גיימיר אראפ, א ברירה האב איך.

דא האט מיין סעלפאון באקומען סערוויס מיט צענדליגע פאונקאלס זיכער מאכען איך לעב

אויפן פראגע וואס איז געשען? א פארענטשע איז צאמגעפאלען מיט 5 טויטע רח״ל.

בקיצור, כאאס ביים באס סטאפ.

מ'ווערט געוואויר די ריכטיגע טראגעדיע.

די נומערן שטייגן.

בילדער קומען אריין.

די וועג קיין צפת געדוירט פינף שעה.

די געפיל איז אבל וחפי ראש.

כעבד ששפך לו רבו קיתון בפניו.

צומארגענס הער איך מיין חבר האט נאכנישט רעספאנט זייט נעכטן.

ס׳שמעקט נישט גוט.

ערב שבת אויפן וועג קיין ירושלים די ביטערע קאנפירמעשן.

שבת וינפש ווי אבדה נפש.

בתוך שאר קדושי מירון....

איך בין דאן נאך געוועהן אין די בחור'ישע יארן, איך פלעג קניפן ציצית פאר א שטיקל הכנסה, אבער נאכמער צו האבן וואס צו טוהן אין די זייטיגע צייטן. האביך געהאלטן דאן אינמיטן קניפן, ווען א חבר קומט אריין זאגן אז ער האט געהערט אויף קולמע אז ס'איז צואמגעפאלן א פארענטשע אין מירון, און ס'איז 20 טויטע. כ'האב געכאפט א שאק, קניפן ווייטער האביך שוין זיכער נישט געקענט. געוועהן דארט בחורים מיט אייוועלט אויף זייער פליפ פאון (פרעג מיך נישט וויאזוי) און זיי האבן געקיפט די עולם אפדעיטעד די גאנצע צייט. די חברה האבן אריינבאקומען ווידעאו'ס די גאנצע צייט פון מירון, כ'האב נישט קיין אנונג וויאזוי זיי האבן דאס געקענט קוקן, ווידעאו'ס ווי הצלה מאכט סי. פי. אר. און ווידעאו'ס פון בארי בעג'ס. וועך.. איך האב גלייך אוועקגעקוקט. כ'האב גענומען א תהילימ'ל און פרובירט צו מתפלל זיין וויפיל די פארשטיינערטע הארץ האט געלאזט.

יש משהו האט געשריבן: ↑ זונטאג אפריל 30, 2023 5:53 pm

אויבן ביי תולדות אהרן ביים הדלקה, ממש נעבן שביל ר' דוב.
(דארט אונטן די מיוזיק)
אוי אוי טאטע!!!

וואס האסטו מיטגעהאלטן?

גראז האט געשריבן: ↑ מאנטאג מאי 01, 2023 1:36 am

יש משהו האט געשריבן: ↑ זונטאג אפריל 30, 2023 5:53 pm

אויבן ביי תולדות אהרן ביים הדלקה, ממש נעבן שביל ר' דוב.
(דארט אונטן די מיוזיק)
אוי אוי טאטע!!!

וואס האסטו מיטגעהאלטן?

ס'א לענגערע מעשה, אי''ה מ'העט עס פארשרייבן איין טאג

מען האט אויפגעוועקט די גאנצע דארמיטארי זאגן תהלים

אין קיך