ספעשל עלעקשן פריימערי'ס אין אהייא'ס 15'טע דיסטריקט - דינסטאג ראה תשפ"א
די דיסטריקט איז א שטארקע רויטע דיסטריקט, און די היינט נאכטיגע געווינער איז ערווארטעט צו ווערן די קומענדיגע רעפובליקאנער קאנגרעסמאן פונעם דיסטריקט.
11 רעפובליקאנער קאנדידאטן לויפן פאר די זיץ, מיט 4 שטארקע קאנדידאטן וואס האבן בכלל א שאנס צו געווינען.
1) מייק קארעי - ער איז א ביזנעסמאן און א קאנסערוועטיווער, און באקומען די שטארקע אינדארסירונג פון געוועזענע פרעזעדענט טראמפ.
טראמפ לייגט אריין שווערע כוחות אז ער זאל געווינען, וויסענדיג אז די גאנצע לאנד קוקט צו זעהן אויב טראמפ'ס אינדערסירונג מאכט עפעס אויס און א רעפובליקאנער פריימערי.
2) דזשעף לערא - ער האט באקומען די אינדערסירונג פון געוועזענע קאנגרעסמאן פונעם דיסטריקט סטייווערס, און נאך פילע לעקאלע רעפובליקאנס.
3) ראן האד - ער האט באקומען די אינדערסירונג פון די מער ליבערטעריאן אפטיילונג פון די רעפובליקאנער פארטיי, אריינגערעכנט סענעטאר ראנד פאול, און קאנגרעסמאן טאמעס מעסי.
4) באב פעטערסאן - ער איז א סטעיט סענעטאר און געווארן אינדארסירט דורך אסאך לאקאלע פאליטיקאנטען.
די פארמעסט איז ערווארטעט צו זיין א שטארקע טעסט אויף טראמפ'ס אינדערסירונג.
קארעי האט טאקע די טראמפ אינדארסירונג, אבער די אנדערע 3 קאנדידאטן זענען סאך מער פאפעלער אינעם דיסטריקט.
אנקעטעס ווייזען איבער א שמאלע פארמעסט ציווישן די הויפט 4 קאנדידאטן.
די שטים בודקעס וועלן זיך שליסן 7:30 פארנאכטס, און מיר האפן אי"ה צו האבן דא לייוו רוזעלטאטן.