וויצע פרעזידענט קאמאלא העריס
ברוכים הבאים!
די ניו יארק טיימס אין אן ארטיקל איבער וויצע פרעזידענט העריס פארציילט אז ביי א באזוך פון סענאטאר מענשין אין ווייסן הויז האט פרעזידענט ביידען זיך געוואנדן צו זיין וויצע הארט איידער מענשין איז ערשינען אבער אנשטאט בעהטן איר ראט אדער צו זיין פארמישט אין די געשפרעכן האט ער בלויז געבעטן אז זי זאל אים העפליך באגריסן און זי האט טאקע אזוי געטוהן און זאפארט פארלאזט דעם צימער
לויט א רייע קוועלער איז די אינצידענט בלויז איין ביישפיל פון א פאל אין וועלכע ביידען גלויבט אז העריס אנוועזנד ביי פארהאנדלונגען איז נישט אלעמאל א בענעפיט איבערהויפט ווען עס קומט צו שליסל סענאטארן מיט ווען ביידען האט בעסערע באציאונגען ווי העריס
די טיימס ציטירט אויך פון דעמאקראטישע קאנגרעסמאן קולער וועלכע האט בעפאר א באזוך פון העיס צום גרעניץ גערופן און פארלאנגט אז ער וויל רעדן מיט איר בעפאר און איר העלפן צוגרייטן אבער ער האט קיינמאל באקומען סיי וועלכע אנטווארט
קולער האט געזאגט אז עס שיינט ווי העריס איז נישט אינטערסירט איןן די אימיגראציע טעמע און ער איז פארטיג מיט איר און וועט זיך קומענדיגע מאל ווענדן גראד צום וועסט ווינג וועלכע ענטפערט כאטש טעלעפאן רופן
די טיימס פארציילט אויך אז העריס האט זיך אויסגערעדט צו אירע געהילפן איבער די נעגאטיווע דעקונג איבער איר און עס אנגעלייגט אויפן פאקט אז זי איז נישט קיין ווייסע מאן
העריס איז אין רעגלמעסיגע פרוי קלינטאן וועלכע האט אויך באוויינט די פאקט אז פרויען און מינאריטעטן האבן א צווייטע סטאנדארד ווי ווייסע מענער און זאגט אז העריס ליידט פון די זעלבע פראבלעם ווי זי
קלינטאן האט שוין באזוכט העריס און ווייסן הויז צוריק אין נאוועמבער למספרם און העריס רופט איר אן פאר ראט און טאט ווי צום ביישפיל איידער איר רייזע קיין וויעטנאם און סינגאפור צו הערן איבער איר ערפארונג אלץ א געוועזענע פרוי אויסערן סעקרעטארשע
העריס שמועסט זיך אויך אדורך מיט אנדערע פרויען וועלכע האבן געהאלטן אזעלכע פאזיציעס א שטייגער ווי קאנדאליזא רייס און מעדעלין אלברייט
די טיימס קוועלער זאגן אבער אלע אז די פערזענליכע באציאונגען צווישן ביידען און העריס זענען ווארים און גוט און דער פרעזידענט לאזט איר אריינרעדן און שטעלן פראגן אויף א ברייטע פארנעם און ביי זיצונגען מיט עקאנאמישע און אימיגראציע און אנדערע עקספערטן קוקט עס צומאל אויס ווי די צוויי שפילן שטעקן און מייער ווען ביידען איז מער צוגעלאזן און העריס קומט דערנאך אריין מיט אלץ געוועזענע פראקוראר מיט שטרענגערע פראגן און דרוקט אויף די באאמטע בעסער צו ערלקערן זייערע שטעלונגען און שריט
די מענטשן ארום העריס רעדן זיך אבער פארט אפ אז זי ווערט באזייטיגט און נישט באהאנדלט מיט רעספעקט און ברענגן אויף א לעצטיגע פאל ווען דער פרעזידענט האט פארהאנדלט מיט געזעצגעבער און העריס איז געווען אנוועזנד אבער ביים ארויסשטעלן א סטעיטמענט איבער די זיצונג האט מען בלויז דערמאנט א זיצונג מיטן פרעזידענט און ארויסגעשניטן איר באטייליגונג
ווערנדיג אנגעפרעגט האט די ווייסע הויז געגעבן אן אנטווארט אז די וועלכע האבן צוגעגערייט די סטעיטמענט האבן עס געטוהן אנהויב פון די מיטינג און עס באזירט אויף די אינפארמאציע וואס זיי האבן דאן געהאט איידער די וויצע פרעזידענט איז ערשינען און זיי האבן טאקע שפעטער צוגעלייגט איר נאמען אין די סטעיטמענט
באזונדער דערמאנט די טיימס איבער די פלייץ פון רעזיגנאציעס אין די לעצטע מאנאטן אינערהאלב די צירקל פונעם וויצע פרעזידענט און ציטירן פון גיל דארען וועלכע האט געארבעט פאר העריס ווען זי איז געווען אטוירני דזשענעראל אין קאליפארניע
דארען זאגט אז העריס קען באליידיגן און זיך אויפפירן אומפראפעסיאנאל האט איבערגעלאזט זיין פאזיציע נאך פינף מאנאטן אויפן דזשאב נאך אן אינצידענט אין וועלכע העריס האט אפגעזאגט א ביטע זיך צו באטייליגן ביי א שטאב בריעפינג איידער זי האט געזאלט געבן א פרעסע קאנפרענץ און נאך די פרעסע קאנפרענץ אין וועלכע זי האט זיך ארויסגעשטעלט אלץ נישט געהעריג אינפארמירט האט זי אנגעשריגן א שטאב מיטגליד ביז טרערן פארן איר נישט געהעריג צוגרייטן
