אידישע וועלט פארומס

ווייל "שלום עליכם" זאגט מען אויף די מלאכים וואס באגלייטן אונז, נישט אזוי?

אוראייניקל האט געשריבן:

אין עמדין סידור שטייט, היות מ'האט אפגעזעגנט די צוויי מלאכים מיט צאתכם לשלום, פירט מען אויס אז ס'בלייבן נאך מלאכים פון די מצוות וואס מען האט געטוהן צו היטן דעם מענטש.

די תפארת שלמה זאגט (פרשת לך ד“ה ויקרא שם אברם פרשת וירא ד“ה והנה שלושה אנשים)
אז די מלאכים וואס מען רעדט ביי שלום עליכם איז טאקע די מלאכים וואס איז באשאפען געווארען פון די מצות וואס מען האט געטוהן במשך די וואך

ווייל די קושיא איז, וויבאלד מען האט שוין געזאגט צאתכם לשלום, ווי זאגט מען אז די מלאכים באגלייטן יא - כי מלאכיו יצוה לך...? - עס איז דא פארשידענע תירוצים דערויף, ווי די אויבנדטערמאנטע וואס מען האט דא דערמאנט.

ס'זענען דא וואס זאגן אז "צאתכם לשלום" רעדט מען צו די מלאכים פון אינדערוואכן, דעריבער פארשטייט מען שוין דער "כי מלאכיו יצוה לך".