Re: די ברכה אויף 'מזונות' ראלס און ברויטן - תשפ"ג
איך קען ממש נישט משיג זיין וויאזוי מ'קען נעמען א תשובה ווי עס שטייט קלאר מפורש כדברי הב''י אז דער יסוד פון כיסנין איז געוואנדן אין קביעות וטעם, און זאגן אדער אפילו קלערן אז ער האלט ווי דער מהרש''ם, וואס האלט קלאר נישט דעם יסוד, און אז ביי רוב מ''פ דארפסטו נישט קיין טעם בכלל. אזוי מכחיש צו זיין די ווערטער פונעם מנח''א?farshlufen האט געשריבן: ↑ מאנטאג יאנואר 01, 2024 9:18 amסילוף, סירוב, חרם, שמטא וכו'.קושטא האט געשריבן: ↑ זונטאג דעצעמבער 31, 2023 8:56 pm
דער גראבער שקר אז דער תשובת מנח''א גייט בשיטת המקילים, בו בזמן ווא ס'איז מפורש בדבריו כדברי הבית יוסף אז אלעס איז תלוי אין קביעות וטעם, האב איך שוין פריער אויפגעוויזן, און ביטע זייט נישט נאכאמאל מסלף זיינע ווערטער, אביסל דרך ארץ לכבוד אותו צדיק שלחם כל ימיו נגד השקר.
זייט אזוי גוט, דברי חכמים בנחת נשמעים, נידערט די טענער אביסקעלע, דרך ארץ פאר די תוה"ק ולומדי'.
***
דאס איז ברור כשמש, דער מנח"א לערנט אז אפילו אזא טעם קלוש ווי מי חלב טוישט עס אויף א מזונות, דאס איז פיל פיל שוואכער ווי עפל דזשוס.
וואס וואלט איר געשריבן ווען איינער זאל ווען קומען דא און זאגן אז דער מהרש''ם שרייבט מפורש אז ס'האט נאר מיט קביעות וטעם, הא?
און אז מי חלב איז שוואכער ווי עפל דזשוס, אלא מאי וואס ווילט איר אויספירן, אז וויבאלד חלב איז נישט זיס, איז א סימן אז ס'האט נישט מיט קביעות? ס'שטייט דאך אבער מפורש בדבריו אז ס'האט יא מיט קביעות? וואס איך מיין צו זאגן איז, אז פאר איך גיי אפילו ענטפערן א תירוץ אויף אייער קשיא פון חלב, דארפט איר צו וויסן אז איר האט סך הכל א קשיא וואס דארף א תירוץ, אבער קיין אלא מאי אז ס'האט נישט מיט קביעות וטעם קענט איר נאך אלץ נישט מאכן, ווייל ער שרייבט מפורש כדברי הב''י אז ס'האט יא מיט קביעות וטעם, וואס דאס איז דאך מפורש אנדערש ווי דער מהרש''ם.
נו וואס איז טאקע דער תירוץ? זייער פשוט! היינטיגע מילך אפילו די רויטע באטלעך איז היפש געמישט מיט וואסער, און היפש ארום געפאטשקעט, האסט אמאל געהערט די אויסדרוק, א וואראמע שול מילך גלייך פון קוה ארויס? דאס האט ממש א שיכט פעטענ'ס אויף זיך, און האט אפילו א שטיקל זיסן טעם, בקיצור א שטיק פעט, דאס איז די מילך פון וואס די פוסקים רעדן, ממילא מיט אזא פעטע מילך מאכט מען נישט קיין ברויט לשבוע, פונקט ווי מ'מאכט נישט מיט שמן, ווייל צוליב רוב שמנונית שבו, נוצט מען דאס נאר לתענוג ולקינוח און נישט לשבוע, און דאס איז וואס דער טו''ז אין ס''ק ז' זאגט אז די וואס מאכן שמאל''ץ קוכן פאר לחם משנה איז נישט קיין פראבלעם ווייל ס'האט נאר מעט שומן, אבער אויב האט עס הרבה, נישט. והוא הדין בחלב.