Re: משפטי טראמפ קאמענטארן און דיסקוסיעס
די חברה האבן זיך דעמאלטס גענומען צו מייקל קאהענ'ס ביינער, זעהנדיג אין עם א פעטע פישל. ווי מען זעהט איז ער דאן געווען אין היפש אן אומסטאבילע מצב, נאך דעם וואס אלע יארן איז ער געווען טראמפ'ס שיק אינגעל צו טוהן זיינע שמוציגע זאכן, און דא ער איז געבליבן אויסגעשפילט, ווען טראמפ איז אריין אין די ווייסע הויז און ער איז נישט מיטגעגאנגען און האט גארנישט באקומען.
און ווען מען האט עם אנגעהויבן דריקן אויף זיינע פערזענליכע זאכן האט ער גאנץ שנעל געפליפט אויף טראמפ. געמיינט האט ער אז אזוי וועט ער אפקומען גרינג, למעשה האט אבער די SDNY נישט געהאלטן ביים קאפערירן מיט די מולער חברה, און זיי זענען זיך באגאנגען קעגן עם בכל חומר הדין. און שפעטער ווען טראמפ איז ארויס פון אפיס האט ער עם פארשטייט זיך אויך נישט געהאלטן ביים געבן א פארדען, אנדערש ווי די אנדערע חברה וואס האבן נישט געפליפט וואס טראמפ האט זיי למעשה אלע געפארדענט צום סוף.
און ער איז געבליבן קרח מכאן וקרח מכאן. און דא איז זיין איינצוגסטע האפענונג געווען אז ער וועט אינטער ברענגן דעם טראמפ אין געריכט, און אזוי וועט ער גרויס ווערן ביי די דעמאקראטן.
איך האב שטארק מורא אז אויב וועט טראמפ ארויסגיין נאט-גילטי וועט זיך מייקל קאהען נעמען דאס לעבן..