Re: רבי דוד'ל טווערסקי מסקווירא זצ"ל - ט"ו כסלו תר"פ
הרה"ק ר' אלעזר האט דאך געגעבן א נאמען פארן אייניקל על שמו פונעם פעטער דער חתן לפנים - שמעתי
"אין זידיטשוב ברענט א פייער
.... און קיינער קען דאס נישט פארלעשן"
דער מהרש"ב האט אמאל אינדערהיים גע'חתמ'עט אויף א קול קורא צוזאמען מיט הרה"ק רבי דוד'ל סקווירער זצ"ל, דער זיידע פונעם רבי'ן זאל זיין געזונט. זיי זענען אוועק דעם זעלבן יאר, רבי דוד'ל סקווירער איז אוועק ט"ו כסלו תר"פ, און דער מהרש"ב איז נסתלק געווארן ב' ניסן תר"פ.
עס האט דערציילט דער ראחמיסטריווקא רבי זצ"ל חדב"ן, אז ר' דוד'ל סקווירא'ר האט אמאל געשיקט צוויי שלוחים מיט א געוויסע שליחות צום מהרש"ב בשעת דער מהרש"ב איז געווען אין קיוב. דער מהרש"ב ווען ער איז געו ו ען אין דער פרעמד האט זיך געפירט ווי א סוחר, ער איז געגאנגען אנגעטון מיט צוויי גאלדענע קייטלעך, אויף די רעכטע זייט און אויף די לינקע זייט וכו'. ווען זיי זענען צוריקגעקומען קיין סקוו ירא האט ר' דוד'ל זיי געפרעגט וואס זאגן ענק אויף אים? האט איינער זיך אנגערופן מיט א התפעלות אויפן מהרש"ב: "אונז האבן געזען צוויי גאלדענע קייטלעך און אינמיטן איז דא א צעבראכענע הארץ... האט ר' דוד'ל סקווירא'ר געזאגט: "ער איז א מבין".
(א חסידישע מלוה מלכה / גליון כ''ג / פרשת אחרי / ניסן תשפ''ד)
