אידישע וועלט פארומס

זייער דערפרישענד די אשכול

יישר כח.

נו, געגאנגן, הייב אן.

אראפ גיין פון אונטערנעט

וואס איז דאס עבודת השם? עפעס א אנדערע זאך ווי תורה, מצוות און מידות?

ותיק וחסיד האט געשריבן: ↑ דאנערשטאג מאי 04, 2023 12:11 am

וואס איז דאס עבודת השם? עפעס א אנדערע זאך ווי תורה, מצוות און מידות?

ניין, די וועג צוציקומען צו די תורה וכו'

לגבי א מסכתא בקביעות, איך האב א עולם הבא (והזה...) מסכתא, ברוך השם פאר דעם!

על הנ”ל אויב עבודת השם איז עפעס אנדערש פון תורה, מצוות, ניין! ווי גייט די אויסדרוק:"מ’איז געקומען אויף די וועלט צו ארבעטן”. דאס מיינט בוודאי עבודת ה’.

ותיק וחסיד האט געשריבן: ↑ דאנערשטאג מאי 04, 2023 12:11 am

וואס איז דאס עבודת השם? עפעס א אנדערע זאך ווי תורה, מצוות און מידות?

בדרך צחות (מילתא בדיחתא פארן לערנען) צו ארבטן אויפן נאמען...

ותיק וחסיד האט געשריבן: ↑ דאנערשטאג מאי 04, 2023 12:11 am

וואס איז דאס עבודת השם? עפעס א אנדערע זאך ווי תורה, מצוות און מידות?

עבודת השם מיינט: דינען דעם אייבערשטן. האסט נישט געוויסט? אוואדע האסטו געוויסט.

סשטייט דא אבער גאנץ א שטארקע שאלה, מען רעדט פון דאווענען פן לערנען און פון עבודת השם, וואס איז דאס עבודת השם?

אבער סאיז נישט אזא קאמפליצירטע הסבר, די אלף בית פון די הסבר האט שוין לכאורה יעדער געהערט, אבער ווי מער מען טראכט אריין אין די הבנה דערפון וועט מען אלס מער שטייגן אין... יא, עבודת השם.

דער בני יששכר ברענגט פון חובת הלבבות אז א עבד ווייסט יעדער אז ער איז פולי משעובד צו זיין האר, זיין גאנצן אנוועזנהייט איז געבינדן צום הער, אפילו יעצט אויפן מינוט שטייט ער ליידיג, אבער ער איז פולקאם גרייט אויב זיין האר גייט אים ארויסגעבן א באפעל, און ווען ער טוט די עבודה וועט ער נאר זיכער מאכן אז דער הער זאל זיין ציפרידן אויפן בעסטן פארנעם.

מיר זענען עבדי השם, מקען דאווענען און לערנען, און דער באשעפער איז אפילו העכסט ציפרידן דערפון, האסט געטוען וואס דו דארפסט. אבער צו זיין אן עבד השם אויף א ריכטיגן פארנעם, פעלט זיך אויס אז דאס דאווענען לערנען און מצוות זאלן זיין "עבודת השם" דאס ארבעט פארן באשעפער, דער הער.

דעי יסוד קען מען אריינטראכטן ווען אימער מען דערמאנט זיך נאר דערפון. זאל עס זיין פארן דאווענען אדער אינמיטן דאווענען, סאיז קיינמאל צו שפעט, סתם אזוי אינמיטן טאג, איך בין דעם אייבערשטנס א קנעט, כבין גרייט פאר אים. און דעמאלסט גייט אלעס אנדערש, סזעצט זיך גרינגער צום לערנען, אמער איך טו יעצט דעם רצון השם, און בשעתן לערנען אויב קען דיר אינמיטן בייפאלן די מחשבה איז דאס נישט מער און נישט וויניגער ווי ריין "תורה לשמה"וואס קען זיין מער פון דעם. די עקר איז אז די מחשבה דארף מען כסדר ארויפברענגען צום אויבערפלאך, און עס דערהייבט דעם בשר ודגים צו א מער רוחניותדיגע חפץ.

און צום פותח האשכול, א ריזן שכוח פא די איידיע, דיין זכות איז גרויס, א יוד האט א ליידיגע מינוט און לאנדעט אויפן אייוועלט און טרעפט זיך מיט דעם געהענגל, און עפנט זיך אביסל די אויגן, אה, זכאה חולקנך!

יין רב האט געשריבן: ↑ דאנערשטאג מאי 04, 2023 12:42 am

מזאגט יעדן טאג ביים דאווענען יהי חסדך ה’ עלינו כאשר יחלנו לך
עברי טייטש (כהאב נאכנישט אריינגעקוקט אין די מפורשים על אתר) מיינט עס זאל די חסד פונעם אייבערשטן זיין מיט אונז אזויווי מיר האבן געהאפט צי די, סהייסט אזוי : לויט וויפיל בטחון מהאט אזויפיל בעטן מיר פונעם אייבערשטן חסדים, אז איינער האט 100 בטחון העט ער באקומען 100 חסדים, און אויב נאר 80 וועט זיין 80 וכו’

שטעלט זיך די פראגע, יודע לב מרות נפשו ליידער האבן מיר אסאך צי ארבעטן אויף שלימות הבטחון ממילא קען ח”ו זיין א קללה דאס אז די חסד ה’ וועט נאר זיין לויט די פיצעלע מאס בטחון וואס מיר האבן?

נאר פשט איז פארקערט מיר בעט דא אויף בטחון, יהי חסדך ה’ עלינו כאשר יחלנו לך אז די חסד ה’ מיט אונזער בטחון זאל זיין די זעלבע מאס. equal בלע”ז, און דער חסד ה’ איז דאך ממילא אויף אונז בלי גבול אזויווי מזאגט ביי תפלת מודים, ממילא בעטן מיר אז מיר זאלן האבן אויך בטחון בלי גבול אזויווי די חסד ה’

דערנאך בעטן מיר אבער הראנו ה’ חסדיך אפי’ מיר גלייבן טאקע אז אלץ איז חסדים זאל אבער דער אייבערשטער העלפן אז סזאל זיין חסדים גלוים נישט נאר נסתרים

זייער שיין!

כטראכט אפשר קאן זיין אזוי פשט, מבעט מיר דא אז די אייבערשטער זאל אונז נישט משפט'ן אויף אונזערע מעשים, וויל סוועט נישט טויגן, דער רבוש"ע ווייסט אז מיר ווילן אלע זיין גוט, טיעף אין הארצן האבן מיר אלע שטארקע תשוקות און רצונות , נאר ליידער נישט אלעמאל האמיר די כוחות עס ארויסצוברענגן מכח אל הפועל,

בעטן מיר יהי חסדך השם עלינו כאשר "יחלנו" לך, קוק אויף אונזערע נקודות האמת , אונזער תקווה און צפית לישועה וואס מיר אלע האבן באמת.

לייבל פריש האט געשריבן: ↑ מיטוואך מאי 03, 2023 11:37 pm

קטנתי וגם חונכתי, און אויסגעוואקסן קינדערישע געדאנקען פון ארומבארדענען, מ’דארף זיך מיישב זיין אביסל, יעצט ווער וועט זיין מורה דרך אין רוחניות?? יעדן טאג געהערט פרישע שיעורים, דרשות, געדאנקען, משלים ועוד וכו’, נישט אלעמאל געשפירט אמת’ע חיזוק, סיפוק, אין מיין אידישע לעבן אויפן כדור הארץ, בינעך ביסלעכווייז געקומען אביסל צו אן החלטה’לע (זייענדיג נישט אזוי זיכער מיט זיך אליינס, ווי יעדעם...), אולי ברויך איך אויפהערן אויסהערן שיינע געדאנקען, מליצות, גימטריות, פשוט לערנען תורה, וואס יעדע אידיש קינד קען דערצו אויף א געוויסע וועג דערגרייכן... איי וויאזוי? דערפאר דארף מען אויך לערנען תורה... ווייל די תורה איז א וועג ווייטער אויך פאר די וואס ווילן לערנען וכו’ ודו”ק.

עד כאן איז מיין פשוט’ע אבער העכסט וויכטיגע מעסעדזש צום אנהייב פון א נייע אשכול (נאך פאר’ן שרייבן ”בכלל” אין אייוועלט!!!) ווייל מיין נשמה זוכט און הונגערט פאר עכט לעבן און טראכטן תורה און אמונה בהשם יתברך! אדרבה ווער ס’זוכט דאס גלייבן איז מכובד ארויפצוקומען, דא רעספעקטירן מען יעדער דורש ומבקש, כ’וויל נאר בעטן די שפראך ”דא” זאל נישט זיין די אלגעמיינע שפראך פון אונזערע שכנים דא אויף אייוועלט, איש איש בשמו הטוב יבורך! נאר דא זאלן ארויפקומען אידן וואס קענען רעדן עבודת השם אויף א לכתחילה’דיגע וועג פון דינען דעם הייליגן באשעפער.
עצות זענען עקסעפטע”ד פון יעדע ערליכע משפיע וואס דער יהדות החרדית פארמאגט, ווילאנג עס גרעניצט זיך נישט אין פאליטיק, לשון הרע, רכילות, חס ושלום.

תקנה גדולה שנו ”כאן”, עצות יפות ונכונות לעבודתו יתברך:
נ. ב. ס’דארף נישט זיין קיין טויזענטער אידן, דער עיקר די איכות זאל זיין כהוגן!

קודם ברויך מען בעטן די מנהלים אריבע ציפירן דעם אשכול אין בית מדרש אריין, דא אין פאליש ווערט מען געשטערט פינעם עולם וואס ליפטערט זיך אביסל אויס נאך א שווערע טאג ארבעט צי האבן כח צי דינען דעם הייליגן בורא,
צווייטענס בינעך נישט אזוי זיכער אז דיין החלטה פון נישט הערן שיעורים איז אזוי גיט.. מען דארף נאר וויסן וואס צי הערן, עס איז דא מגידי שיעורים וואס זאגן בעיקר חיזוק און עס איז דא וואס לערנען אויס דעם עבודת ה׳
אז די האסט געעפענט דעם אשכול קיקט אויס ווי די האסט דיר היינט געשפירט זייער אנגעזעצט אויף דיין טריקענע מצב, דיין נשמה איז דארשטעריג פאר איר שפייז, דאס איז א גיטע סימן מאך נאר זיכער עס נישט אנצישטאפן מיט קענדיס און דזשאנק נאר מיט געזינטע נארהאפטיגע שפייז וואס די נשמה האט ליב
א שטייגער א שעה צוויי רציפות גמרא מיט א נעימות אויפ׳ן קול, אדער א דאווענען מיט כוונה פון אנהייב ביזן סוף, אדער זיך צי טוהן חסד, ווער א חסד מעמבער וכדו׳
דערנאך דארפסטו צי פארשטיין אז יעדע זאך וואס א מענטש טוט ווי למשל עסן שלאפן ארבעטן וכדו׳ דאס איז דאך א שטיק עבודת ה׳ אויב מען טוט דאס מיט די ריכטיגע כוונה אזוי ווי עס ווערט אויסגעשמיעסט אין אלע מוסר ספרים, די גאנצע מעת לעת ווערט א שטיק עבודת ה׳

אזוי הייבט מען ציביסלעך אן שפירן א טעם אין אידישקייט,
א גיטע און געשמאקע קוואל צי לערנען איבער עבודת ה׳ אויסער חסידישע ספרים איז הרב ר׳ שמעון שפיצער שליט״א
הונדערטער הינגעריגע אידן פון אלע עידזשעס האבן געטראפן זייער נשמה דורך דעם איד
חזק ואמץ

יישר כח ”גיכער”.

הרה"ק רבי נח לעכאוויטש זי"ע האט געהאט א תלמיד הצדיק רבי ישעי ווילנער זצ"ל האט ער איין טאג זיך ארים געדרייט פארען דאוונען מיט א קשיא פ"וו זאגט מען אני מאמין ממנ"פ אויב גלייבט מען באמת דעמאלץ וואס פעלט אויס דאס צו זאגען האט די רבי גענטפערט אני מאמין איז א תפלה אז מזאל עס קובע זיין אין הארץ אמונה שלימה

קודם שכח פארן פותח האשכול

יעצט איין וויכטיגע און יסודותדיגע הערה

World Champion האט געשריבן: ↑ דאנערשטאג מאי 04, 2023 12:13 am

ותיק וחסיד האט געשריבן: ↑ דאנערשטאג מאי 04, 2023 12:11 am

וואס איז דאס עבודת השם? עפעס א אנדערע זאך ווי תורה, מצוות און מידות?

ניין, די וועג צוציקומען צו די תורה וכו'

איך מיין אז איר האט א גרויסע טעות, עבודת השם איז נישט קיין מיטל אנצוקומען צו תורה און מצות, אדרבה ואדרבה, תורה און מצות זענען אופנים אנצוקומען צו זיין אן עבד ה', ווי די זוה"ק זאגט אז די תרי"ג מצות זענען תרי"ג עיטין, תרי"ג עצות צו ווערן אן עבד נאמן להשי"ת.

איך האב נישט קיין צייט מאריך צו זיין, ממילא וועל איך נאר אויפן שפיץ גאפל ארויס ברענגען וואס סקומט ארויס ווען מאיז זיך באמת מתבונן אין די יסוד אז אפילו ווען איינער איז שוין מקיים אלע תרי"ג מצות און איז א תלמוד חכם מופלג, איז ער בכלל נישט אנגעקומען צום ציל, ווייל די ציל איז נישט דאס לערנען נאר די ירא"ש וואס קומט ארויס פונעם לערנען, און אויב לערנט ער אויף א וועג וואס ברענגט אים נישט קיין ירא"ש - ואכמ"ל - איז נבילה טובה הימנו , ממילא איז די ערשטע זאך אויפן פלאן "וויאזוי טוה איך ריכטיג אויסניצן די עצות פון השי"ת צו ווערן נענטער צו אים" און פארשטייט זיך דאס געשענט נאר מיט ישוב הדעת און מיטן זיין מקושר צו ערליכע אידן און לערנען ספרי מוסר וחסידות והבן כי קצרתי מאוד

כח און מח האט געשריבן: ↑ דאנערשטאג מאי 04, 2023 11:51 am

קודם שכח פארן פותח האשכול

יעצט איין וויכטיגע און יסודותדיגע הערה

World Champion האט געשריבן: ↑ דאנערשטאג מאי 04, 2023 12:13 am

ותיק וחסיד האט געשריבן: ↑ דאנערשטאג מאי 04, 2023 12:11 am

וואס איז דאס עבודת השם? עפעס א אנדערע זאך ווי תורה, מצוות און מידות?

ניין, די וועג צוציקומען צו די תורה וכו'

איך מיין אז איר האט א גרויסע טעות, עבודת השם איז נישט קיין מיטל אנצוקומען צו תורה און מצות, אדרבה ואדרבה, תורה און מצות זענען אופנים אנצוקומען צו זיין אן עבד ה', ווי די זוה"ק זאגט אז די תרי"ג מצות זענען תרי"ג עיטין, תרי"ג עצות צו ווערן אן עבד נאמן להשי"ת.

איך האב נישט קיין צייט מאריך צו זיין, ממילא וועל איך נאר אויפן שפיץ גאפל ארויס ברענגען וואס סקומט ארויס ווען מאיז זיך באמת מתבונן אין די יסוד אז אפילו ווען איינער איז שוין מקיים אלע תרי"ג מצות און איז א תלמוד חכם מופלג, איז ער בכלל נישט אנגעקומען צום ציל, ווייל די ציל איז נישט דאס לערנען נאר די ירא"ש וואס קומט ארויס פונעם לערנען, און אויב לערנט ער אויף א וועג וואס ברענגט אים נישט קיין ירא"ש - ואכמ"ל - איז נבילה טובה הימנו , ממילא איז די ערשטע זאך אויפן פלאן "וויאזוי טוה איך ריכטיג אויסניצן די עצות פון השי"ת צו ווערן נענטער צו אים" און פארשטייט זיך דאס געשענט נאר מיט ישוב הדעת און מיטן זיין מקושר צו ערליכע אידן און לערנען ספרי מוסר וחסידות והבן כי קצרתי מאוד

יראת שמים איז א חלק פון די תורה. דו האסט נישט געכאפט וואס איך האב געזאגט!