נגיעות אין ס"ת באמערקט דורכן קאמפיוטער
די עיקר פסול איז אז מ'טרעפט נגיעות צווישן די אותיות, א זאך וואס מגיהים קוקן נישט גענוג, און טוהן נישט קיין גרינטליכע ארבעט ביים בודק זיין (ער באשילדיגט דארט די מגיהים אז זיי טון נישט גוט זייער ארבעט), און די ביז יעצטיגע סקען בדיקה איז געווען אויסגעשטעלט אז ס'האט נאר אויפגעכאפט חסירות ויתירות, לעצטענס אבער האט איינער אויפגעסעט א נייע זאך אז די סקען בדיקה זאל אויפכאפן אויך אנדערע פסולים און למעשה טרעפט מען נגיעות אין כמעט יעדע ספר תורה!
ער דערציילט דארט א מעשה מיט הגה"צ ר' בנציון בלום דומ"ץ באבוב וואס ביי אים אין שול זענען דא 5 ספרי תורות און נאך די בדיקה מיט דעם סקען האט זיך ארויסגעשטעלט אז 4 פון די 5 ספרי תורה זענען געווען פסול! דער סופר פון די יעצטיגע ספר תורה וואס 'מורא מקדש' שרייבט יעצט דערציילט דארט פאר אב"ד וויזניץ שליט"א אז איין ספר אין באבוב האטער געשריבן און מ'האט דארט יעצט געטראפן 2 נגיעות.