מיר עפענען בעזרת השם יתברך אויף א נייע 'בחצרות אשכול' נאך וואס די פריערדיגע האבן מיר געפענט אריבער צוויי יאר צוריק.
דער עולם איז געווען זייער פרייליך עטליכע וואכן צוריק אז מ'האט דערגרייכט 1,000 בלעטער אינעם אשכול, אבער מיר וועלן אייך פארציילן א סוד, די אשכול האט שוין 1,369 בלעטער, דאס הייסט אז בערך 350 פערמעקטע בלעטער, דאס איז אן ערך פון קרוב צו 10,000 פארמעקטע תגובות.
עס הערשט צומאל א פראבלעם אין קלארקייט ביים ציבור. די בחצרות אשכול איז געפענט געווארן מענין לענין, און דאס איז די סיבה וואס צוליב דעם האט פארפעלט צו ווערן געשטעלט תקנות אויפ'ן ערשטן בלאט. דאס האט געברענגט אז געוויסע האבן זיך באנוצט מיט'ן אשכול נישט ווי עס איז געשטעלט געווארן.
אנדערע ווינדערן זיך פארוואס מ'מעקט אזויפיל, און פארוואס מ'לאזט נישט שמועסן דארט. די תירוץ איז, די גאנצע 'בחצרות אשכול' איז א שטארקע דיעבד פון אונזער זייט, מיר וואלטן דאס געוואלט אינגאנצן פארמיידן, נאר צוליב בקשת הציבור וואס ווילן וויסן נייעסער און באריכטן פון היימישע מקומות דא ביי אונז, האבן מיר דאס געלאזט.
געוויסע האבן געטראפן א פלאץ צו פראפגאנדירן זייער חסידות, און דאס ברענגט א קייט פון רעאקציעס, ווייל יעדער וויל צייגן זיין אז זיין חסידות איז גארנישט ווייניגער פונעם צווייטענס. נישט אויף דעם האבן מיר געלאזט דעם 'בחצרות אשכול' אנגיין. (כמעט) יעדע חסידות היינט האט אן אימעיל בלעסט, וואס קומט אן צו יעדן חסיד אלע נייעס און בילדער פון די חסידות, אדער קען מען דאס קויפן אין די צייטונג/אויסגאבע/גליון פון די חסידות. די אשכול איז נאר א מראה מקום אז ווען איינער וויל וויסן א געוויסע נייעס, זאל ער דא קענען געוואויר ווערן אז ס'איז היינט דא א חתונה ביי דעם און דעם אדמו"ר.
לאור דעם עפענען מיר א פרישע בחצרות אשכול, וואס וועט אנגיין לויט די פאלגענדע תקנות: 1)נאר נייעס נישטא דא קיין פראגעס פארוואס דער גייט מיט א קאלפיק, אדער יענער גייט מיט גרינע זאקן, אדער וואס האט שפארוויצער רב מיטן מישטעטשער רב'ס זיידע. אויב איר דארפט דאס נייטיג וויסן, פרעגט אייך נאך ביי די וואס האבן געשטעלט די נייעס, אדער נעמט דעם טעלעפאון בוך פון די אפגאנער קהלה אין טשעכיי, און רופט איין נומער נאכ'ן צווייטן, ביז איר ערהאלט אן ענטפער. אייוועלט איז פאר דעם נישט געמאכט געווארן.
3)נאר דריי בילדער אין א תגובה, די איבעריגע אין ספוילער דאס שטעלן בילדער פון מעמדים איז מיטן ציל צו געבן פאר די ליינער א שטיקל איבערבליק אויפן מעמד/נייעס. איינע פון די פראבלעמען וואס האבן געפלאגט דעם בחצרות אשכול איז געווען דאס איבערפלוס פון בילדער, ווען געוויסע האבן אנגעפולט גאנצעטע בלעטער מיט בילדער פון די זעלבע מעמד וואס האט שטארק געשטערט די ליינער.
דעריבער שטעלן מיר אראפ פרישע סטאנדארטן אין דעם הינזיכט.
מהיום והלאה ווערן ערלויבט בלויז דריי בילדער אין א תגובה זעלבסט, און די איבעריגע בילדער אין ספוילער פער מעמד. א צווייטע תגובה פונעם זעלבן מעמד דארף זיין עפעס וואס איז נאכנישט געברענגט געווארן אינעם ערשטן תגובה אדער ספוילער, און עס מוז האבן עפעס וואס געט צו עפעס א חידוש אין די נייעס. עס איז נישט ערלויבט צו שטעלן ענליכע אדער די זעלבע בילדער דורך א צווייטע באנוצער אין אן עקסטערע תגובה.
כדי צו פארשטיין די ציל: א קיינער פון דא - וואס איז נישט קיין חסיד פון דרעביטשע קהלה - איז נישט אינטערסירט צו זען צוואנציג בילדער ווי דער דרעביטשע רב דרייעט זיך ביים געבן לחיים אויף מזרחית צפונית, דאן אויף צפונית מערבית, נאכהער אויף מערבית דרומית און צום לעצט אויף דרומית מזרחית. ב רוב בילדער דא קומען פון די אימעילס וואס די חסידות שיקט ארום, ווער ס'איז א חסיד קריגט דאס סייווי, און ווער עס איז נישט, אינטערסירט עס אים נישט. אלזא ווענגלייך איר כאפט אליינס די בילדער, קלויבט אייך אויס די שענסטע, און שטעלט דאס ארויס דא.
ביטע נוצן דעם אייגענעם שכל צו וויסן וועלכע בילדער קענען זיין אינטערעסאנט און געבן עפעס צו פאר'ן באנוצער.
4)לאנגע באריכטן נאר אין ספוילער אין אמת'ן איז אריינגעקומען אסאך קאמפלעינטס בנוגע די לאנגע לאנגע באריכטן פון די קהלות קדושות, וואס האט זייער געשטערט פאר מאנכע; מיט די טענה, וואס גייט עס מיך אן ווער עס איז געגאנגען גלילה ביי מנחה? מילא איינער וואס איז אין די קהלה, איז יעדע אזא קרישקעלע אינטערסאנט, אבער פאר כלל הציבור קען דאס שטערן. ממילא וועט מען פון היינט און ווייטער ארויסשטעלן אין די תגובה "באריכט פון דריטן טאג חוהמ"ד סוכות ביי אדמו"ר מלייגווינסק שליט"א" און די עצם באריכט אין ספוילער.
5)נישט שטעלן נייעס וואס האבן אן אשכול מיר ערלויבן פון צייט צו צייט ביי געוויסע גרויסע מעמדים, פאסירונגען, נסיעות וכדו' צו עפענען אן עקסטערע אשכול, ווייל דאס ציעט אן עולם מיטצוהאלטן, אין אזא פאל וועט נישט זיין ערלויבט צו שטעלן בילדער אין דעם אשכול. העכסענס א לינק צו יענע אשכול מיט א קורצע קלארע דיסקריבשען פון וואס ס'רעדט זיך.
6)מודעות פון קהילות עס איז נישט קיין סוד אז קהילות בישראל האבן אויסגענוצט די פלאטפארמע צו שטעלן זייערע מודעות הקהילה, און דאדורך מודיע זיין פאר'ן ברייטן פובליקום ווען און פון וואו די באסעס וועלן פארן צום מעמד, אדער וויפיל אזייגער מ'שטעלט זיך מנחה דעם צווייטן טאג יום טוב וכדו'
באמת איז עס א שיינע זאך, און מ'קען אפילו זאגן א וויכטיגע און נוצבארע טול באגריסענד צו ווערן. ווילן מיר שטעלן דריי וויכטיגע תקנות: א. אויב איז עס מער ווי דריי מודעות פון א יום טוב אדער מעמד, נאר אין ספוילער. ב. נישט שטעלן דריי וואכן פריער, אפאר טאג צום מעמד איז פונקט אין צייט און וועט שפארן דעם פראבלעם פון איבערשטעלן עטליכע מאל די זעלבע מודעות. ג. זינט עס איז נישט קיין פראגע בויגן אשכול, אין א צייט ווען אייער קהילה האט נאכנישט געשטעלט זייערע מודעות, קומט נישט אריין פרעגן שאלות ווען און וואו אדער פארוואס די מודעה איז נאכנישט דא. האט איר די מודעה, זענט איר דאס מכובד ארויס צושטעלן. האט איר דאס נישט, שרייבט עס נישט דא אין דעם אשכול.
7)לינקס צו אנדערע וועבזייטלעך אויב ווילט איר מעלדן אז עס איז דא בילדער און באריכטן פון א געוויסע מעמד וכדו' אין אן אנדערע וועב זייטל, דאן מוז שטיין העכער די לינק אדער אין די לינק, פון וואס די לינק רעדט זיך. מ'קען נישט שטעלן א לינק פון 'א בליק' למשל, אן שרייבן פון וואס פאר א מעמד וכדו' עס רעדט זיך. עס וועט פארמעקט ווערן, און מ'קען קריגן דערפאר א חסימה.
8)די אשכול איז א 'זיראנץ אשכול' וואס דאס מיינט אז מ'קען קריגן א חסימה נאר פון איינמאל עובר זיין אויף איינע פון די תקנות, און מ'באקומט נישט קיין ווארענונג בעפאר, און קיין עקספלענעישן דערנאך.
9)א שאלה איז טריף אויב האט איר א וויכטיגע מודעה צו שטעלן, און איר זענט נישט זיכער צי דאס איז ראוי לעלות על שולחן מלכים, בעסער פארבינדט זיך פארדעם מיט אן אחראי, נישט אנצוקומען צו קיין אומאנגעמליכקייטן.
מיר נעמען די רעכטן זיך נישט צו דארפן איינ'טענה'ן מיט אזעלכע וואס וועלן 'לדעתינו' עובר זיין אויף איינע פון די תקנות. און אויב מיר וועלן ווייטער האלטן אז מיר האבן ריכטיג געהאנדעלט, וועלן מיר נישט אריינגיין אין קיין דין ודברים בנושא. וכמובן, אויב וועלן מיר איינזען אז מיר האבן זיך טועה געווען, וועלן מיר חוזר זיין פון אונזער אקט, און צוריקשטעלן רעכטן פאר ווער עס איז געווארן אויסגעשלאסן.
די אלע תקנות זענען אין א בחי' פון תן לחכם ויחכם ועד, און יעדער זאל מאכן זיכער צו נוצן זיין אייגענע קאפ, און נישט זוכן אדער טרעפן לופהאלס וויאזוי זיך ארויסצודרייען פון א משמעות פון א לשון. אויב זענט איר נישט זיכער, בעסער שרייבט נישט.
הגאון הצדיק רבי חיים צבי מייזליש שליט"א ראש ישיבת סאטמאר בני ברק ביים ’לחיים’ נאכן פוקד זיין די ציוה”ק אין שטאט ’רימנוב’ אינאיינעם מיט א גרופע תלמידים, אין בעפארגרייטונג צום שמחת החתונה בחצר הקודש חודש כסלו הבעל”ט.
- שיח שרפי קודש - סיפורי צדיקים ממקורות נאמנים דערציילט דורך הגה"צ רבי חיים צבי מייזליש שליט"א ראש ישיבת סאטמאר בני ברק viewtopic.php?p=5053598#p5053598
הגאון הצדיק רבי חיים צבי מייזליש שליט"א ראש ישיבת סאטמאר בני ברק ביים ’לחיים’ נאכן פוקד זיין ציון הקדוש פון זקינו הרה”ק בעל ישמח משה זי”ע היינט בימא דהילולא קדישא .
- שיח שרפי קודש - סיפורי צדיקים ממקורות נאמנים דערציילט דורך הגה"צ רבי חיים צבי מייזליש שליט"א ראש ישיבת סאטמאר בני ברק viewtopic.php?p=5053598#p5053598
כ''ק רבינו שליט"א ביים סעודת הילולא פון זקינו מרן הגה"ק בעל ישמח משה זי"ע אינאיינעם מיט תלמידי ישיבה גדולה שיעור ד', במקום הנופש אין בעטלעהעם ניו העמפשיר.
