לקראת די יומא דהילולא קדישא פונעם הייליגן מנחת אלעזר פון מונקאטש זי"ע, גרייט זיך נכדו ממשיך דרכו בקודש כ"ק אדמו"ר מדינוב שליט"א צו אונטערנעמען א מסע הקודש קיין אייראפע, צו פוקד זיין דעם ציון הק' פונעם הייליגן זיידן דער מנחת אלעזר, און פראווענען א געהויבענע שבת אינאיינעם מיט פילע חסידים אינעם ווייטן פוילין.
דער דינובער רבי שליט"א וועלכער איז אריבער א שווערע תקופה אין געזונט אין די לעצטערע חדשים, האט אצינד אויסגעדרוקט רצון קדשו ארויסצופארן קיין אייראפע צו פוקד זיין די קברי אבות, און טראץ וואס די שטאט מונקאטש, מקום מנוחת קדשו פון הרה"ק בעל מנחת אלעזר זי"ע, געפונט זיך אין לאנד אוקריינע, וואו עס איז נאך אלס אקטיוו די מלחמה צושטאנד, וועט דער רבי מיט די פמליא אריינפארן קיין מונקאטש פאר בלויז עטליכע שעה, צו פוקד זיין דעם ציון הק' אין די טעג ארום די יארצייט.
דינסטאג פרשת במדבר ז"ך אייר וועט דער רבי ארויספארן אין באגלייטונג פון פילע חסידים ואנשי מעשה, און דורכאויס די נאכפאלגענדע טעג וועט מען פוקד זיין די קברי הצדיקים אין מונקאטש און נאך פלעצער, די הויכפונקט פון די נסיעה וועט זיין א געהויבענע שבת "לעורר מקדם" אין שטאט דינוב אין פוילין, און זונטאג פרשת נשא וועט דער רבי זיך ארויסלאזן אויפן וועג אהיים קיין ניו יארק.
טייערע אידן!איר האט געזען א תגובה, בילד, אדער סיי וואס און איר האט הנאה געהאט, ביטע זיי אויך מהנה דער וואס האט אייך מהנה געווען און גיב אים א לייק,און גלייכצייטיג זייט אויך מקיים א מצוות עשה דאורייתא פון ואהבת לריעך כמוך, וואס איז א כלל גדול בתורה!
דעם שב"ק כ''ו ניסן געפאלט די יומא דהילולא קדישא פון כ"ק אדמו"ר הרה"ק בעל ברך משה מסאטמאר זי"ע, בנו כ"ק אדמו"ר מסאטמאר מהר''א שליט"א וועט אפרעכטן די צענטראלע יארצייט טיש און סיום הש"ס מוצאי שב"ק אין ביהמ"ד הגדול אין קרית יואל. בנו כ"ק אדמו"ר מסאטמאר שליט"א וועט אפרעכטן די צענטראלע יארצייט טיש און סיום הש"ס מוצאי שב"ק אין ביהמ"ד הגדול דקהל יטב לב סאטמאר אין וויליאמסבורג.
שמחות בחצרות הקודש:
שמחת בית וויזניץ: עס איז געשלאסן געווארן די שידוך פון די כלה א טאכטער ביי כ"ק אדמו"ר מוויזניץ שליט"א פון בארא פארק, איידעם ביי הגה"צ אבד"ק ראחמיסטריווקא מאנסי שליט"א, מיט די חתן א זון פון הגה"צ ר' אלימלך בער פיש שליט"א אב"ד תפארת מרדכי טשעסנאט רידזש, זון פון כ"ק אדמו"ר מביקסאד שליט"א, און איידעם ביי הגה"צ אבד"ק קראלי מאנסי שליט"א.
דעם שב"ק קומט פאר די שמחת הקידושא רבא פון א אייניקל ביי כ"ק אדמו"ר מבאבוב 45 שליט"א, א טאכטער פון זיין איידעם הרב אשר מנחם אייכענשטיין שליט"א, זון פון הגה"צ אבד"ק חודרוב שיקאגא שליט"א, זון פון כ"ק אדמו"ר מזידטשויב שיקאגא שליט"א. און די שמחת הקידושא רבא פון א אור אייניקל ביים רבי'ן, אייניקל פון זיין זון הגה"צ ר' שלום אונגער שליט"א, איידעם ביי כ"ק אדמו"ר מאלכסנדר שליט"א, א טאכטער פון זיין איידעם הרב פנחס אלי' שנעעבאלג שליט"א, זון פון הגה"צ אב"ד קנין תורה שליט"א. - די שמחות קומען פאר אין ביהמ"ד הגדול באבוב 45 אין בארא פארק.
דעם שב"ק קומט פאר די שמחת הקידושא רבא פון א אור אייניקל ביי כ"ק אדמו"ר מצאנז שליט"א, אייניקל פון זיין זון הגה"צ ר' יוסף משה דוב האלבערשטאם שליט"א אב"ד צאנז ארה"ב, א טאכטער פון זיין זון הרב ברוך האלבערשטאם שליט"א, איידעם ביי כ"ק אדמו"ר מסטריקוב ירושלים שליט"א. - די שמחה קומט פאר אין סטריקובע ביהמ"ד אין ירושלים. הגה"צ אבד"ק צאנז ארה"ב שליט"א איז צוגאסט אויף שבת אין ירושלים לכבוד די שמחה, און וועט אפרעכטן די באטע ליל שב"ק און שלש סעודות אין ביהמ"ד היכל צבי דחסידי צאנז אין ירושלים.
כ"ק אדמו"ר מוויזניץ שליט"א פון בית שמש וויילט דעם שב"ק אין מושב מתתיהו אויף אפרוה.
כ"ק אדמו"ר מדאראג שליט"א וויילט דעם שב"ק אין רמות אויף אפרוה.
כ"ק אדמו"ר מסאדיגורא שליט"א איז צוגאסט אויף דעם שב"ק אין אנטווערפן, און וועט פראווענען די תפילות און טישן אין טשארטקובע קלויז.
כ"ק אדמו"ר מזוועהיל שליט"א וויילט דעם שב"ק אין מעלה עמוס אויף אפרוה.
כ"ק אדמו"ר מסקולען ירושלים שליט"א וויילט דעם שב"ק אין קרית מאור חיים אין צפת, און וועט אפרעכטן די תפילות און טישן אין ביהמ"ד מאור חיים.
דעם שב"ק קומט פאר א שבת התאחדות פון כלל חסידי דעעש בארה"ק, עס קומט פאר אין מושב תפרח, אין שפיץ פון כ"ק אדמו"ר מדעעש שליט"א.
כ"ק אדמו"ר מספינקא שליט"א פון בני ברק איז צוגאסט אויף דעם שב"ק אין מגדל העמק, אויף א שבת התאחדות מיט כלל חסידיו לרגל די שבת בעפאר די יארצייט פון הרה"ק רבי מענדעלע מוויטעבסק זי"ע.
קרעדיט: JDN
טייערע אידן!איר האט געזען א תגובה, בילד, אדער סיי וואס און איר האט הנאה געהאט, ביטע זיי אויך מהנה דער וואס האט אייך מהנה געווען און גיב אים א לייק,און גלייכצייטיג זייט אויך מקיים א מצוות עשה דאורייתא פון ואהבת לריעך כמוך, וואס איז א כלל גדול בתורה!
פארן דאווענען האט דער רבי געלייגט תפילין פאר די בר מצוה בחורים, בן הרה״צ ר׳ שמואל ארי עקשטיין שליט״א. בן הרה״ח ר׳ אברהם אייזענבערג הי״ו. בן הרה״ח ר׳ חיים הלוי פריעדמאן הי״ו. בן הרה״ח ר׳ בנציון וועבערמאן הי״ו. בן הרה״ח ר׳ משה מרדכי פילאפף הי״ו.
אום 8:20 איז דער רבי אריינגעקומען צו תפילת שחרית אין ביהמ״ד הגדול, בעל תפילה איז געווען הרה״ח ר׳ משה מרדכי פילאפף הי״ו.
ביי קריאת התורה איז נתכבד געווארן כהן: הרה״ח ר׳ בנציון שלמה פאללאק הי״ו משב״ק. לוי: הבחור הבר מצוה בן הרה״ח ר׳ חיים הלוי פריעדמאן הי״ו. דער רבי האט עולה געווען שלישי. הגבה: הרה״צ ר׳ שמואל ארי עקשטיין שליט״א. גלילה: הבחור הבר מצוה בן הרה״ח ר׳ בנציון וועבערמאן הי״ו.
נאכן דאווענען איז פארגעקומען די ברית מילה לבן הנולד אצל הרה״ח ר׳ בנציון שלמה פאללאק הי״ו משב״ק, ווי דער רבי איז מכובד געווארן מיט סנדקאות וקריאת השם. נאכן ברית זענען די בר מצוה בחורים אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו, דערנאך איז דער רבי אריבער צום סעודת ברית, דער רבי האט געטרינקען לחיים, און געוואונטשען ברכת קדשו פאר׳ן בעל שמחה און די זיידעס.
אין די נאכמיטאג שעות איז אריין בקו״פ הר״ר פנחס שטערנבוך שליט״א נכד הראב״ד ירושלים שליט״א, עס האט זיך פארצויגן א שיינע שמועס איבער די אלע מוסדות עטה״ק, און איבער די גרויסע חלוקת וואס דער רבי פארטיילט דורך מפעל הקדוש ׳שקל הטהור׳ און דערביי האט הר״ר פנחס שליט״א זיך פערזענליך באדאנקט בשליחות זקינו הראב״ד שליט״א, און איבערגעגעבן במתנה די נייע באנד פון ספרו הליכות והנהגות,
אום 7:30 איז דער רבי אריינגעקומען צו תפילת מנחה בביתו נאוה קודש, בעל תפילה איז געווען הב׳ שרגא פייוול שטראסער ני״ו.
זמני כניסה איז געווען פון 8:30 ביז ארום 10:30 אויפדערנאכט. אום 9:30 איז דער רבי אריינגעקומען צו תפילת מעריב, בעל תפילה איז געווען הב׳ הירצקא זופניק ני״ו, פאר מעריב האט דער רבי געצינדן פינף לעכט לרגל די יומא דהילולא קדישא פון זקינו מרן בעל דברי חיים מ׳צאנז זי״ע. נאך מעריב האט דער רבי געציילט ספירה פארן עמוד.
נאכן געזעגענען איז דער רבי אנגעקומען אויף ניחום אבילים ביי משפחת ווייס וואס זיצן שבעה ע״פ אביהם הרה״ח ר׳ חיים צבי ווייס ע״ה, עס האט זיך פארצויגן א לענגערע שמועס עובדות פון הרה״ק מרן העצי חיים זי״ע, און דער רבי איז געווארן צוגעוויזן אלטע כתבי ידות פונעם הייליגן עצי חיים זי״ע, דערנאך האט דער רבי געוואונטשען ברכת תנחומין, ארום 11:00 אזייגער איז דער רבי אהיים לביתו נאוה קודש.
