איך פיהל ווי ס'איז א מהלך וואס איז אויסגעשטעלט אז מ'גייט אריין אין געפילן אבער מיט מח און מ'טיילט איין יעדער צו זיין פאסטן און מ'איז מסדר יעדע געפיהל אויף זיין פלאץ, משא"כ דיפ רילעקסעישאן און מ'גייט אריין אין די אלטע קעמערליך פון די סאב קאנשעס און מ'היילט עס אויס
איך פיהל ווי ס'איז א מהלך וואס איז אויסגעשטעלט אז מ'גייט אריין אין געפילן אבער מיט מח און מ'טיילט איין יעדער צו זיין פאסטן און מ'איז מסדר יעדע געפיהל אויף זיין פלאץ, משא"כ דיפ רילעקסעישאן און מ'גייט אריין אין די אלטע קעמערליך פון די סאב קאנשעס און מ'היילט עס אויס
באמת איז דא זייער אסאך צו שרייבן, איך האב נאר געזען אז אויב איך וועל ווארטן ביז איך וועל האבן די גאנצע בילד אין פארענט פון מיר, דעמאלטס וועל איך בלייבן ביים נישט שרייבן. דעריבער האב איך אנגעהויבן צו שרייבן די יסודות און די עיקר חילוקים, און אויב וועט עפעס צוקומען מיט די צייט, וועל איך עס צושרייבן. ווי געזאגט, בין איך טרענירט אין ביידע מהלכים, איך נוץ ביידע מהלכים, און איך האף אז ס'וועט קלאר ווערן פארוואס איך נוץ אבער איינס מער ווי די אנדערע.
היינט גיי איך בעיקר ארויסברענגען די חילוק אין צוגאנג און ווי ביידע פארן אייניג. בקרוב האף איך צו ממשיך זיין און ארויסברענגען די יסודות'דיגע חילוק וואו עס קען אויסמאכן מיט די אויסגאנג אין טערעפי.
צו פארשטיין וואס די צוויי מהלכים טוען אויף, איז וויכטיג צו פארשטיין א וויכטיגע יסוד.
ווען איינער לייד פון ענקזייעטי, וועט ער דאס נאטירליך שפירן ווי 'איך לייד פון ענקזייעטי', ער איז איידענטעפעצירט מיט דעם. און דערפאר שפירט זיך זייער שלעכט, וויבאלד דער 'גאנצע מענטש' לייד פון ענקזייעטי. דאס זעלבע איז ווען איינער זאגט אז 'איך בין דעפרעסט'. אונטער די ווערטער 'איך בין דעפרעסט', ליגט א הנחה אז 'איך' מיין גאנצע 'איך' איז דעפרעסט, און דערפאר שפירט זיך עס זייער שווער, ווייל פון איין זייט וויל מען ארויסקריכן דערפון, אבער פון די אנדערע זייט 'איז מען דעפרעסט', איז וויאזוי ווער איך 'אויס' דעפרעסט.
דער אמת איז אבער אז ס'איז נישט אזוי. ס'איז נאר א 'חלק' פון די מענטש וואס איז אנגעצויגן, און ס'איז נאר א 'חלק' פון די מענטש וואס איז דעפרעסט, אבער אן אנדערע חלק אינעם מענטש, איז אין די זעלבע צייט 'נישט' דעפרעסט. ווען א מענטש קען דאס דערהערן, שפירט די גאנצע דעפרעסיע סאך לייכטער, ווייל ס'איז דאך נאר א 'חלק' פון אים, ס'איז נישט די גאנצע 'זיך', און אזוי איז ער שוין האלב וועג ארויס דערפון.
