וועליכע פון די 4 אינדייטמענטס איז די מערסטע שעדליך פאר טראמפ?
לאמיר דא איבערגיין בקיצור די צדדים אויף יעדע איינס פון זיי:
די ניו יארק קעיס
די שטארקייט פון די קעיס איז אז ס'איז א ניו יארק, וואס איז די איינצוגסטע יוריסדיקציע וואס איז אינגאנצען אינטער די דעמאקראטן, דאס הייסט סיי די ריכטער סיי די סטעיט לעגעסלאטור/גאווערנער און סופרים קארט, ממילא קענען זיי טעארעטיש טוהן מיט טראמפ וואס זיי ווילן, און ער האט נישט די אפשען פון א פארדען אדער אן אפיעל. אזוי אויך וועט עס בדרך הטבע זיין א שטארק דעמאקראטיש גענויגטע דשורי. נאך אנקודה אז וויבאלד ס'איז די ערשטע קעיס מיט א טרייעל דעיט שוין אין מארטש 2024 האט עס פאטענטשעל נאך פארצוקומען פאר די וואלן.
די שוואכקייט פון די קעיס איז אז אפילו די דעמאקראטן זענען מודה אז סאיז גאר א שוואכע קעיס, געבויט אויף נייע ליגעל טעאריע וואס האט נישט קיין הענט און קיין פוס. אזוי אויך וויבאלד ס'איז א סטעיט קעיס קען מען מער ארומשלעפן און עס אזוי אפשטופען ביז נאך די וואלן.
די פלארידע קעיס
די שטארקייט פון די קעיס איז אז ס'איז לכאורה די גראדסטע און הארבסטע קלאגעס פון אלע אנדערע, מיט די מערסטע פאטענטשעל דשעיל טיים אויב ווערט ער געפונען שילדיג. אזוי אויך האט עס שוין א קארט דעיט אין מאי 2024 און וויבאלד ס'איז א פעדעראלע קעיס קען מען זיך שווערער ארומשפילען מיט דעם.
די שוואכקייט פון די קעיס איז אז די ריכטערין "איילין קענאן" איז שטארק טראמפ גענויגט ווי מ'האט געזען בעבר, און מ'קען אהנעמען אז זי וועט עם שטארק ארויסהעלפן דורכאויס די פראצעס, און אזוי אויך בנוגע די טרייעל דאטום וועט זי שוין מאכן זיכער אז ס'קומט נישט פאר ביפאר די וואלן אזוי אויך וועט די דשורי זיין די מערסטע טראמפ פריינדליך פון אלע אנדערע קעיסעס.
די וואשינגטאן קעיס
די שטארקייט פון די קעיס איז אז די ריכטערין "טשאטקען" איז גאר שטארק אנטי טראמפ, ספעציעל בנוגע יאנואר 6 ווי מ'האט געזעהן אין אירע פריערדיגע אורטיילן. אזוי אויך פרובירט דשעק סמיט מיט אלע כוחות צו יאגן די קעיס ס'זאל נאך גיין אויף טרייעל פאר די וואלן, מיטן קלאגן נאר טראמפ אליין, מיט געציילטע קלאגעס עס צו מאכן די מערסטע סימפעל, און מיט אזא ריכטערין האט עס מן הסתם טאקע די מערסטע פאטענטשעל צו גיין אויף טרייעל פאר די וואלן. אזוי אויך וועט די דשורי זיין די מערסטע דעמאקראטיש גענויגט נעמענדיג אין באטראכט אז וואשינגטאן די סי איז געגאנגען פאר ביידן מיט 92 פראצענט.
די שוואכקייט פון די קעיס איז אז ס'איז נישט אזאלעכע שטארקע און אפענע קלאגעס, און טראמפ קען נוצן די ערשטע אמענדמענט רעכט וכדומה אלס א פארטיידיגונג עכ"פ אין א אפיעל ביזן סופרים קארט וואס איז אין קאנסערוואטיווע הענט.
די דשארדשיע קעיס
די שטארקייט פון די קעיס איז אז ס'הייסט עכ"פ אז "פאני וויליס" האט אויפגעבויט א שטארקע קעיס, וואס ס'וועט זיין שווער פאר טראמפ זיך ארויסצודרייען פון געפינען ווערן שילדיג, און מיט א מינימום דשעיל טיים אהן די מעגליכקייט פון א פארדען לויט די ארטיגע געזעצן.
די שוואכקייט פון די קעיס איז אז לויט די עקספערטן וועט די טרייעל כמעט זיכער ווערן אפגעשטיפט ביז נאך די וואלן, אזוי אז ס'וועט נישט האבן קיין השפעה אויף די וואלן אין נאוועמבער, און ווי לענגער די טרייעל ציהט זיך אלס מער טשענס איז דא אז ס'וועט שוין עפעס אינטערקומען וואס וועט עם העלפען זיך אן עצה געבן. אזוי אויך איז עס אינטער רעפובליקאנער יוריסדיקציע סיי די ריכטער סיי די לעגעסלאטור/גאווערנער סיי די סופרים קארט, און כאטש די רעפובליקאנער פירערשאפט אין די סטעיט איז נישט פרא טראמפ האט טראמפ למעשה די שטיצע פון די ארטיגע רעפובליקאנער מאסן וואס קענען פארלאנגען פון זייערע פירער צו מאכן זיכער אז טראמפ קומט נישט אהן דארט אין תפיסה.