בארגן געלט אדער ענדערש ארבעטן חול-המועד?
איך שטיפ דורך דעם חודש און איך ארבעט שווער, מיט די מטרה נישט צו מאכן קיין חובות. איך האב ביי מיר א ציל אז איך זאל נישט דארפן בארגן קיינמאל קיין געלט און איך שטרענג זיך איבער דערפאר. איך וועל נישט זאגן - איך האב א האלבע יאר צוריק חתונה געמאכט, און איך האב נאך אצינד חובות עטליכע צענדליג אלפים, אבער איך שטרעב נישט צו מאכן קיין נייע חובות און איך פראביר אפצוצאלן די אלטע.
יעצט איז אנגעקומען א טעלפאן קאל פון די מוסדות, אז טאמער מיין שכר-לימוד באלאנס ווערט נישט אויסגעצאלט ביז סוכות, שיקט מען אהיים די קינדער נאך סוכות.
איך האב פאר מיר צוויי אפציעס: 1. ארבעטן שווער, אויך חול-המועד (וואס איך האב קיינמאל נישט געטון, און מיינע קינדער וועלן דאס שפירן אינדערהיים). 2. ברעכן מיין קבלה און בארגן אפאר טאלער.
וועלכע פון די צוויי איז ריכטיגער צו טון?