Re: נייע סידי שישי פין יודי ביאלוסטוצקי
1) בניםאיז א שיינע ניגון, האט נישט אויסגעפעלט די גאנצע שטיקל פון ארי סאמעט, עס ברענגט גארנישט צו, עס נעמט נאר אוועק.
2) קרבת השםאיז א שיינע ניגון, אביסל היינטיגע תנועות אבער פארט ווארעם. די הויכע פאל דערמאנט אביסל פון מאטי שטיינמעץ.
3) אם אסק שמיםדערמאנט פון משה יחזקי' ווייס סידי מיט מרדכי ווערדיגער.
4) למען אחירעדט נישט צו מיר, דערמאנט פון למען דעת כל עמי הארץ און אם תחנה פון שמילי אונגאר.
5) פרנסהאיז זייער שיין און ווארעם, ער ציט אזוי ווארעם ארויף 'ותתן לי ולכל נפשות ביתי'. עס טייטשט גוט אפ די ווערטער.
6) שישיאיז גוט ווי דער 'אלף השישי'. זייער זיס און געשמאק. עס דערמאנט פון ר' יום טוב ערליך און לוי פאלקאוויטש. איך האף עס גייט ארויסקומען א ווידעא פון דעם ניגון.
7) בני אהוביאיז פון מיינע פעוואריטס. די געבוי, די גאנג, זייער שיין און געשמאק. איך קען עס זען ווערן געזינגען ביי גרויסע סיומים פון היינט און ווייטער. איך שטעל מיך פאר אין קאפ וויאזוי יששכר גוטמאן זינגט עס אין באגלייטונג פון שירה... עס דערמאנט אויך פון תניא אמר רבי יוסי פון פינקי פאר שלום לעממער.
8) די שמייכלניגון ברענגט ארויף א שמייכל. איך ווייס נישט וואס די ניגון דארף צו מיינען. עס דערמאנט פון יודל ווערדיגער און פון עפעס א ניגון אויף יומי לעווי'ס אלבום.
9) גל עיניאיז זייער ווארעם און שיין. די מוזיק דערויף איז געוואלדיג. פידלען שפילן דארט? זיינע קרעכצן זענען זייער שיין. גענוי ווי שמילי אונגאר וואונדער איך מיך פארוואס ער זינגט ליטווישע הבהרה. דער ילד הפלא איז עפעס אויטערליש שיין. ווער איז עס?
10) טשולענטאיז זייער זיס און קריעטיוו. עס האט מיר באמת געקאסט א 'שמייכל'... דערמאנט פון מאטי אילאוויטש'ס ניגונים. די גראמען קענען ווען זיין בעסער, פארווישל וכדו'.
11) ניגון התרגשותאיז בעצם א שיינע חסידישע ניגון, די ביעטס און מוזיק שוואכט עס אפ לענ"ד. די קווייער איז היבש גו'איש, ווי די וואס זינגען ביים דענטיסטס אפיס. יואלי דאווידאוויטש זינגט דארט?
12) האב איך נישט צוגעלייגט קיין קאפ דערווייל. כ'דארף האבן א רואיגע מינוט דערפאר.
זייער א שיינע געשמאקע סידי! יודי האסט מיר איבעראשט מיט דיינע טאלאנטן! דיינע סטאקס זענען ביי מיר שטארק ארויף! גיי ווייטער אן!!
ידידכם הק' @האלצשטיין