זכר צדיק לברכה
קען מען מאכן עפעס א כלל ווען קומט וואס?
זי"עאיז כמדומה שטערקער ווי זצ"ל. אלזא, זצ"ל איז אויף א חשוב'ן רב אדער רבי, אבער ווען ער איז גאר הייליג שרייבט מען זי"ע. אויפ'ן רבי'ן ר' אלימלך וועט יעדער שרייבן זי"ע, אזוי אויך אויף אנדערע תלמידי בעש"ט אין די ערשטע פאר דורות. וואס טוט זיך ביי שפעטערדיגע צדיקים? ערגעצוואו ווערט דער שטח גרוי.
וואס טוט זיך מיט גדולי ישראל פון פריערדיגע דורות? ביי רש"י און דעם רמב"ם וועט קיינער נישט שרייבן זי"ע אדער זצ"ל, חוץ אפשר ביי געוויסע ספרדים קען מען עס טרעפן. א בחינה ווי גדול מרבן שמו. וואס איז אבער ביי פריערדיגע אחרונים, א שטייגער ווי דער רמ"א אדער דער גר"א? ווייטער א גרויער שטח.
יעצט ווען קומט זצוק"ל? אין מיינע אויגן איז עס איבריג, וויבאלד די דערמאנטע צוויי דעקן שוין אלעס. פילייכט איז עס נוצליך פאר שרייבערס וואס ווערן באצאלט אויפ'ן אות.
גייען מיר אריבער צו פשוט'ע חסידים ואנשי מעשה. זצ"ל וועט מען שרייבן נאר אויף רבנים וכדומה, בעת א געהויבענער חסיד באקומט ז"ל(א חסיד איז דאך גרעסער ווי א צדיק). איך מיין אז ביי אנדערע קרייזן שרייבט מען ז"ל אויף יעדן, אבער ביי אונז וועט מען ליבערשט שרייבן ע"ה. אויף א פרוי קומט זיכער ע"ה.