farshlufen האט געשריבן: א ליסטע פון געוועזענע שולן אין מאנהעטן:
יישר-כח פארשלאפן, איך האב שוין דעם ליסט געזעהן מיט א צייט צוריק, עס איז א מצבה אויף די פארלוירענע אידישע איסט-סייד און מאנהעטן, וואס פון רוב פון די שולען און זייערע מיטגלידער איז כמעט גארנישט געבליבען.
עס איז מיר נאך נישט אויסגעקומען קיין צייט צו באשרייבן מיינע הרגשים נאכען דורכלייענען דעם נארוואס ערשינענעם בוך אויף ענגליש 'די פארלוירענע שוהלען פון ברוקלין' )The lost Synagouges of BrooklyN) וואס א קאנסערוואטיווע אידישע פרוי האט ארויסגעגעבן און ידידי מפארשלאפן האט מיר מזכה געווען בנדיבות לבו על מנת להחזיר.
די שרייבערין האט געטאן א געוואלד מיט 'ריסערטש' אין די היסטאריע פון שוהלען אין די געוועזענע אידישע ברוקלין, וואס איז כולל; בראנזוויל, איסט פלעטבוש און איסט ניו יארק.
אויסגעשפילטע אידישע געגנטן איז בכלל נישט קיין נאווינע אין אידישע היסטאריע, נאכדעם וואס אין די אלגעמיינע גזירת הגלות איז נכלל צו וואנדערען אין גלות זעלבסט נע ונד, פון ארץ ישראל קיין בבל און אזיע, דערנאך קיין מזרח אייראפע וויי פראנקרייך און דייטשלאנד, פון דארט קיין פוילן, ליטע און סוף קיין אונגארן און ראמעניע, אא"וו ביז קיין ענגלאנד און דא אין אמעריקא (כינע און אינדאנעזיע זענען נאך אויף די ליסטע, לאמיר האפן אז חב"ד לייזט אונז אויס....)
אבער די וואנדערונג דא אין אמעריקא זעלבסט איז יא א שטיקל חידוש, ווען אידישקייט האט געווירבלט אין בראנזוויל אין די יארען צווישען ת"ר-תש"י מיט אריבער 160 אקטיווע שוהלען ביי איר העכטסטע פונקט, איז דאס אין די תש"כ יארען אויסגעליידיגט געווארן קאמפלעט נישט איבערלאזנדיג נאך זוך קיין איין פונקציאנירדע שוהל און רוב אלטע שוהלען זענען ליידער היינט קלויסטערס און קירכעס רח"ל.
אינעם בוך ווערן פאטאגראפירט טייל פון די שוהלען און איר היינטיגען מצב, באגלייט מיט אביסל פון די אינפארמאציע דערונטער ווי די רבנים און ראשי הקהילות, געוואנדען און איר מזל פון טרעפן די פארלוירענע היסטאריע.