אידישע וועלט פארומס

איך ווייס דיר נישט צו ענטפערן, איך קען נאר צולייגן א פראגע: פארוואס ביי די לעצטע סדרה פון יעדע ספר האט ער בלויז געשריבן די מספר הפסוקים פונעם גאנצן סדר און נישט פון דעם לעצטן סדרה?

ר' אליהו המדקדק בהקדמתו למסורת המסורת שרייבט קלאר ארויס מי חיבר ויסד הקפיטלען וחלק ספר שמואל ומלכים.

קרעמער האט געשריבן: איך ווייס דיר נישט צו ענטפערן, איך קען נאר צולייגן א פראגע: פארוואס ביי די לעצטע סדרה פון יעדע ספר האט ער בלויז געשריבן די מספר הפסוקים פונעם גאנצן סדר און נישט פון דעם לעצטן סדרה?

אין די חומשים "רב פנינים" שטייט די צאל פסוקים אויך ביי די לעצטע סדרה פון יעדע ספר,
עס קען זיין אז אנדערע האבן דאס פארזעהן, און איינער האט נאכגעמאכט דעם צווייטן.

---

אגב, וואס איז דער פשט פון לייגן דריי פ"ה פ פ פ אדער דריי סמ"ך ס ס ס ביים סוף סדרה?
איך פארשטיי אז דאס באדייט צו זאגן אז דא איז געענדיגט א סדרה, אבער פארוואס דייקא דעם סימן, נישט קיין אנדערע מין הפסק.

farshlufen האט געשריבן: ר' אליהו המדקדק בהקדמתו למסורת המסורת שרייבט קלאר ארויס מי חיבר ויסד הקפיטלען וחלק ספר שמואל ומלכים.

ער שרייבט אויך וועגן די סימנים הפסוקים (מיין אויבנדערמאנטע קשיא) ?

איך ווייס נישט די טעם אויף די פפפ און ססס, אבער דאס זענען שמות.

[

---

[/quote]אגב, וואס איז דער פשט פון לייגן דריי פ"ה פ פ פ אדער דריי סמ"ך ס ס ס ביים סוף סדרה?
איך פארשטיי אז דאס באדייט צו זאגן אז דא איז געענדיגט א סדרה, אבער פארוואס דייקא דעם סימן, נישט קיין אנדערע מין הפסק.[/quote]
יעדע סוף סדרה אין די תורה איז אויך סוף פרשה ד.מ. אז ס'איז דא ליידיג פלאץ פארן נעקסטן פרשה, ס'איז דא א פרשה פתוחה ווען די שורה פונם סוף פרשה איז ליידיג ביזן סוף און קומענדיגע פרשה הייבט זיך אן נעקסטע שורה דעמאלטס שטייט א פאון ס'איז דא א פרשה סתומה ווען די קומענדיגע פרשה הייבט זיך אן אויפן זעלבע שורה אפגעריקט פלאץ פאר 9 אותיות שטייט א ס. ביי סוף סדרה מאכט מען דריי פשוט אלס סימן אז דא ענדיגט זיך אויך די סדרה. סוף פרשת ויגש ווי ס'איז איין פרשה מיט ויחי שטייט טאקע גארנישט קיין אותיות אינם חומש וויבאלד אין די תורה איז עס איין פרשה.

יא, אבער די שאלה דא איז פארוואס נישט כככ און םםם? אדער אנדערע אותיות, פארוואס דייקא פפפ און ססס?

זייער פשוט, ווען ס'איז א פרשה פתוחה שטייט א פ און ביי א פרשה סתומה שטייט א ס (נישט נאר סוף סדרה, די גאנצע חומש איז פיל מיט פא'ס אין סמך'ס נאר סוף סדרה שטייט 3 אלס סימן פארן סוף סדרה וויבאלד מ'מאכט שוין סייווי א סימן פארן סוף פרשה)

אשר האט געשריבן: אין די חומשים ביים סוף פון יעדע פרשה איז געדרוקט די צאל פסוקים פון די פרשה, און אויך א סימן צו די צאל,

צ.ב.ש. די פרשה פון די וואך "תרומה": צ"ו יעי"ו סי' סל"ו סי'. ומפטירין וה' נתן חכמה לשלמה במלכים א' סימן ה'

א. ווער איז דער מחבר פון די סימנים?
ב. צי וואס נוצט בכלל די סימנים? בפרט נאך אזעלכע שווערע ווערטער ווי "יעיו" , "סלו" , ס'איז שוין גרינגער צו געדענקען דעם צאל צ"ו ווי צו געדענקען די סימנים.
ג. פארוואס האט ער גענוצט דייקא די ווערטער אלץ סימן, ביי פרשת "צו" זענען אויך די פסוקים צ"ו, און דארט איז געצייכנט דער סימן "צו" , (אגב דער סימן "צו" איז שוין פארשטענדליך זייער א גוטער סימן, אז דאס צאל פסוקים באטרעפט גענוי ווי דער נאמען פון די פרשה). צו דען קען מען נישט נוצן אנדערע גרינגע ווערטער אלץ סימן (צ.ב.ש. פרשת תרומה, אנשטאט די סימנים "יעיו" "סלו" - שרייבן "עבדך" א.ד.ג.).

ביטע ווער עס קען ענטפערן וואס שנעלער, ווייל איך דרוק יעצט א נייעם חומש, און איך ווארט אויף א ענטפער. א דאנק.

די סימן פון "יעיו" אויף פרשת תרומה, איז צוליב דעם וואס אין די לעצטע פרשה פונעם סדרה שטייט דאס ווארט (לגבי די כלים פון מזבח הנחשת), אלזא איז דאס א גוטער סימן אז די פרשה פון "יעיו" פארמאגט "יעיו" פסוקים

אשר האט געשריבן:

farshlufen האט געשריבן: ר' אליהו המדקדק בהקדמתו למסורת המסורת שרייבט קלאר ארויס מי חיבר ויסד הקפיטלען וחלק ספר שמואל ומלכים.

ער שרייבט אויך וועגן די סימנים הפסוקים (מיין אויבנדערמאנטע קשיא) ?

http://www.hebrewbooks.org/pdfpager.asp ... t=&pgnum=2

קרעמער האט געשריבן: די סימן פון "יעיו" אויף פרשת תרומה, איז צוליב דעם וואס אין די לעצטע פרשה פונעם סדרה שטייט דאס ווארט (לגבי די כלים פון מזבח הנחשת), אלזא איז דאס א גוטער סימן אז די פרשה פון "יעיו" פארמאגט "יעיו" פסוקים

כבר התחלת להעיר עיני, תודה.

farshlufen האט געשריבן: ר' אליהו המדקדק בהקדמתו למסורת המסורת שרייבט קלאר ארויס מי חיבר ויסד הקפיטלען וחלק ספר שמואל ומלכים.

תודה רבה על התשובה המאירה והנכונה, ולהקישור לספר "מסורת המסורה".

ואכן כתב שם שסכום הפסוקים והסימנים, המה מבעלי המסורה,

גם המדקדק בעל מקנה אברם כשציין על פי הסמנים כתב "כמו שכתוב בבראשית סימן ב' לפי הרומיים":

http://www.hebrewbooks.org/pdfpager.asp ... t=&pgnum=5

מאקאווער האט געשריבן: ס'דא א יוד אין לאנדאן דאכצעכמיך פאזען הייסט ער אן עלטערער חשובער דייטשער יוד א קוזין מיינעך מיטן אלטער שאפראנער רב זצ"ל
דער מחבר פון מסכת כלים ואהלות מיט ציורים
ער ארבעט שוין יארן אויף א תנ"ך אהן די קאפיטלעך מהלך ער האט א אויסערגעווענליכער מהלך צוטיילט כל התורה כולה סהאט שוין געברויכט ארויסצוקומען מיט יאהרן צוריק ער האט שוין אפי' געהאט אפגעמאכט מיט מכון שבתי פרנקל אז זיי גייען נוצן צוצוצייכענען זיי תנ"ך לויט זיינע סדר הפסוקים אפי' א ש"ס דוכציך עוז והדר האט עס געדארפט אדאפטירן ספארשלעפט זיך פשוט
ער האט א חוץ מזה א הערליכער באשרייבונג פארן מבוא ער האט הינדערטער הוכחות ברורות כשמש אז אינעם סדר הקאפיטלעך פונעם גלח איז דא פיל מיט כפירה דירעקט אריינגעריקט כגעדענק נישט יעצט אויף די מינוט ער האט מיר יארן צוריק געהאט געזאגט עטליכע
ממש אן ארבייט צום באוואונדערן!

געהערט אז די חומש איז ארויס פון דרוק פאריגע וואך.

בספר שופטים סוף קאפיטל י"ז שרייבט דער מנחת שי ז"ל ברוב ספרים ישנים אין שום פיסקא קודם בימים ההם ותחלת סי' י"ח הוא וישלחו בני דן.
וכוונתו מגיה צו זיין אז קאפיטל י"ח וואס הויבט זיך ביי אונז אן ביי פסוק בימים ההם דארף זיך אנהויבן איין פסוק שפעטער. (אין די אלטע דפוסים פלעגט מען לאזן אביסל ריוח בין הקאפיטלען וכבר נודע שזה גרם בלבול גדול בפרשיות - זאגט ער אז די ריוח דא איז א טעות ווייל די ק"פ הויבט זיך אן א פסוק דערנאך).

מיללער האט געשריבן: (אגב, אויב איז דאס קאפירט איז רעכט צו שרייבן א מקור).

מקור ...
מקור למקור ...
ובזה יתורצו כמה פליאות...

אשר האט געשריבן: ווער איז דער מחבר פון די סימנים?

איך מיין אז דאס האט מחבר געווהען די בעלי מוסרה הגדולה והקטנה

ווי קען מען זעהן רב פאזען'ס חומש?

א איד אין אה"ק פרובירט מיט טורטעלדיגע הצלחה מיט'ן איבערדרוקען אזוינע חומשים...

רב טקסט האט געשריבן: בספר שופטים סוף קאפיטל י"ז שרייבט דער מנחת שי ז"ל ברוב ספרים ישנים אין שום פיסקא קודם בימים ההם ותחלת סי' י"ח הוא וישלחו בני דן.
וכוונתו מגיה צו זיין אז קאפיטל י"ח וואס הויבט זיך ביי אונז אן ביי פסוק בימים ההם דארף זיך אנהויבן איין פסוק שפעטער. (אין די אלטע דפוסים פלעגט מען לאזן אביסל ריוח בין הקאפיטלען וכבר נודע שזה גרם בלבול גדול בפרשיות - זאגט ער אז די ריוח דא איז א טעות ווייל די ק"פ הויבט זיך אן א פסוק דערנאך).

אויך געזעהן ברענגען פון הרח"ו ז"ל בשם רבו האר"י הקדוש אז בשעת מען האט אנגעהויבן דרוקן ספרים איז אראפ די עונש פון נחמיה וואס די גמרא זאגט אין סנהדרין מ"ט לא אקרי ספרא על שמיה שהחזיק טובה לעצמו.

נאך דעם מנחת שי און דעם מאמר האר"י וואלט איך זיך נישט געאיילט צו דרוקן אנע קאפיטלעך.
כהאב שוין אמאל איבערגעזאגט דעם מנחת שי פאר רמ"א פוזנא זז"ג.

יי"כ פאר די ידיעות