איידיעס פאר בעלי תפילות

שעפטיל · מאנטאג דעצעמבער 24, 2007 2:16 pm

אזוי ווי עס קומט צו גיין דער הייליגער יו"ט סוכות, האב איך באשלאסן צו עפענען א קאנפרענץ רום פאר בעלי תפלות ווי מען וועט זיך שערן איינער דעם צווייטן איידיעס.

יעדעס מאל עס קומט א שיינער דאווענען, א הלל ועוד, דארף מען זיין גרייט מיט שיינע ניגונים, דאס איז כולי עלמא מודים. ווער עס באווייזט צו הייבן די מוט פונעם עולם מיט א שיינע תנועה, דער זאל זיך רישן אז מען וועט אים צושיקן נאכאמאל און נאכאמאל; דאס האט מען ליעב, יעדער גלייכט צו הערן א שיינעם ממקומך - איך רעד נישט פונעם דריי אינעם "מ-ת-י", איך רעד פון א שיינע מעלאדיע.

דעריבער וועל איך פארלייגן אן אויסשטעל פון מיין נקדישך און מיין הלל, און דער עולם ווערט געבעטן צוצולייגן.

(קורצע הערה: לויפטס נישט יעצט ארום און זוכטס מיך אויף ווייל איך האלט און איין ארום טוישן... אדרבה, ווי מער איידיעס, קען מען זיך מער ארום טוישן, אבער קיינער זאל זיך נישט באהאלטן)

נקדישך: איך זאג דעם געווענליכן. ביים ממקומך, שטעלט זיך אלעס אפ, מען פרובירט צוצופאסן דעם ריכטיגן תנועה, נוסח געגועים אז דער עולם זאל זיך צוגיסן ביי 'וענינו תראנה'.
איך גלייך זייער צו זינגען משה גאלדמאנס 'כאיל תערוג, עס איז מוראדיג. די גרעסטע פעיפערס וועקן זיך אויף, ממש א געזאלין פארן דאווענען.

אדער לייג איך ארויף אמאל גאלדמאנס אני מאמין, אמאל יוסעלעס 'נישט ווייט צו גיין', אמאל ביידע, (ערשטע פאל נישט ווייט צו גיין.. צווייטע פאל, 'הוי ואף על פי'..)

הלל זאגט מען א שיינע ברכה, שטייט און רואיג, סאפט אן קיין דרייעס. ווען די וועסט זיין יוסעלע רויזנבלאט קענסטו דרייען אויפן חשבון פונעם עולם; זיי זענען מבינים אויף דיר, שאץ זיי נישט אונטער.

פאר מקימי, זינגן מיר דעם ערשטן פאל פון אך לאלוקים (די אן די ווערטער) פונעם הייליגן תניא. עס מיקסט מוראדיג אריין נאכדעם מיט אויסלאז.

בצאת ישראל קען מען אויסלאזן דעם גאנצן שטיק אויפן "וזכר לנו" פון אייזיק האניג/פינקי וועבער, אויפן פאל פון ותראה.. לפניך.. מען פאנגט אן אויף די ווערטער 'הים ראה...' עס שטייט מוראדיג גוט אויף די ווערטער.

לא לנו, כמוהם יהיו עושיהם גלייך איך צו זינגען דעם ערשטן פאל פון שלמה'לעס 'אם אשכחך, הוי ירושלים, הוי כל, אשר, בוטח בהם.

אויף יוסף ה' עליכם זינג איך ווייטער פון שלמה, דעם שטייטן "למה, לנצח, תשכחינו, הוי תעזבינו, לארך ימים".. (שטייצעך און בית מדרש אויף די אנפראגע פון וואו די תנועה קומט, זאג אז דאס איז גאר אן אלטער שטיקל פון צאנז.. כ'ווייס פון וואו)

אהבתי, איז דא זייער עמאושענעל ווערטער וואס מען מוז גוט פארטייטשן. איך גלייך זייער צו זינגען כי חלצת נפשי אויף גאלדמאנס 'הוי ואף על פי, הוי שיתממהה, (ממות) עם כל זה, (את עיני,) אחכה לו. (את רגלי מן דחי..) אבער, דא דארף מען אביסל צופיצן צוויי קליינעקייטן, דהיינו: 1. מען קען נישט פלעין אזוי אנפאנגען א הויכע פאל, פלוצלינג. עס איז נישט גוט צו ווערן עמאושענל אויף איין מאל, דעריבער דארף מען צוזאם שטעלן עפעס בעפאר דעם כי חלצת, אן אנדערע תנועה, אדער סתם א שארקאט ווי אזוי אריינצוקומען.
צווייטנס, דעם "ואף על פי" איך א הויכע פאל וואס מען זינגט צוויי מאל, דא זינגט מען עס נאר איינמאל (עס איז נישט דא קיין פלאץ) סאו זאל מען עס שיין אויסציען עס צו פארגלעטן.

מה אשיב, ווייס איך נישט, וויל איך טאקע הערן א גוטס פון אונזערע בעלי תפלות דא.

די ניגונים זינג איך נאר וואס דער עולם קען, עפעס מענינא דיומא. למשל סוכות, דעם ושמחת ( נישט דעיע, איך רעד פון די אנדערע... טראכט וואס איך מיין)

פסח זינג איך למשל א שיינער ניגון וואס איז ביי אונז באקאנט אויף די ווערטער "קדש ורחץ.." אן אלטער טאלנער ניגון (וואס אין מונקאטש פלעגט מען צו טאנצן דערויף נישט אין קיין שיינע זמנים...)

דעם שטייטן פתחו לי, איז שיין צו זינגען דעם סאטמערן ניגון וואס איך בין אויפגעוואקסן דערמיט, (דוכט זיך מיר עס איז רבי יוסל אשכנזי'ס ע"ה ניגון) וויפיל מען זאל עס נישט זינגען איז דאס מוראדיג, מוראדיג ווארעם.

דער עולם פון אלע קרייזן איז מכובד מיטצוטיילן, לכו והתפרנסו זה מזה! אלעס איז וועלקאם.

לחיים ולברכה · מוצ"ש סעפטעמבער 26, 2009 8:02 pm

שעפטיל, האסט מיר אויסגעכאפט. איך האב פונקט אינזין געהאט צו עפענען אזא אשכול, שכח אייך.

איך האב זייער נישט ליעב צו זינגען ביי די שטיקלעך פון הלל, אנשטאט זאג איך פשוט נוסח, וואס דער עולם גלייכט מער ווי ניגונים (עכ"פ די פאר הונדערט אידן פאר וועם איך דאווען).

אויף ממקומך האב איך אויך געטראכט פון ארויפלייגן יוסעלעס נישט ווייט צו גיין, אבער דער שנעלער פאל צום סוף איז אסאך צו לאנג און געדרייט. און האלבע ניגונים האב איך געווענליך נישט ליעב צו זינגן, א חוץ ס'קומט גוט אויס.

פאר מער ניגונים אן אנדערס מאל.

שאץ מאץ · דאנערשטאג מאי 15, 2008 5:01 pm

דאס זינגען ביי הלל איז זייער א סענסעטיווע טעמע,
ועי' אין מיין ארטיקל שאץ יו"ט ווי מיר באהאנדלען די גאנצע טעמע ארום און ארום,
שעפטיל איך זאג דיר אפן, ווען דו לייגסט אראפ אזא הלל אין מיין שול ווערט 50 פראצענט עולם נערוועז....

מ'מוז נישט איבעראל זינגען, און מ'מוז יא קענען דעם שול צו שמעקן וואס ס'שמעקט זיי,

שוטה · פרייטאג אוגוסט 29, 2008 2:21 am

איך מיין אז דער דריטער שטיקעל פון יאסעלע'ס גשם [זכור טען מקלו] דארף גוט שטימען אויף ממקומך, ממקומך - זכור טען מקלו, מתי תמלוך - יחד לב, תתגדל - כנאבק לו שר, ועינינו תראנה - בעבורו אל תמנע מים.

וויכטיג מאכער · מיטוואך מארטש 12, 2008 6:21 pm

שעפטיל, איך קען דיר זאגן איין זאך..

ליין גוט איבער שאץ מאץ'ס תגובה..

גראדער · מיטוואך אפריל 01, 2009 6:06 pm

שעפטיל, איך האב גראדע יא הנאה געהאט פון דיין זאפטיגן מעניו אויף הלל, ווען איך ווייס ווען וואו דו דאווענסט וואלט איך זיך אפשר אהינגעכאפט צו הערן דיין זיסע שטימע.
איין זאך ווינדער איך זיך נאר, אז דו ביזט אזוי צוגעגרייט פונקטליך וואס צו זינגען אויף יעדן תג פון הלל, וואס טוסטו אויך דער גבאי שיקט דיך נישט צו צום עמוד...

ווארום · מיטוואך אקטאבער 24, 2007 11:40 am

כהאב אמאל געהערט א גוטע טיפ פון א בעל תפילה:
אויב מהאט איימעסע דציבורע (אימתא דציבורא)
זאל מען זיך פארשטעלן אז משטייט למשל אלס בעל תפילה אין די גרויסע בעלזא בית המדרש און דאס וועט צוגעבן אסאך קאנפידענס!

מיטוואך נאוועמבער 01, 2006 6:13 pm

שעפטיל, ישר כח פאר דיין אשכול.

ס'איז אמת וואס שאץ שרייבט אז אויב זינגט מען ביי יעדער שטיקל ווערט דעם עולם נערוועז, יעדער זאל זיך נעמען א שטיקל ווי ער וויל זינגען, למעשה האט דא שעפטיל אראפגעלייגט א ניגון פאר יעדעס שטיקל. אדרבא, שאץ פראביר צוצילייגן וואס די קענסט, זאג נאר וואס מ'קען, נישט וואס מ'זאל.

זאג ווי יא און ווי נישט, דער עולם וויל טאקע דאס הערן.

אגב, אין רוב בתי מדרשים קען מען נישט זינגען אזוי סאך שלמה'ס ניגונים אדער אפילו משה גאלדמאן'ס. די עלטערע בעלי בתים וואס הערן נישט די היינטיגע טעיפ'ס און עס שמעקט זיי נישט שלמה'ס ניגונים וועלן דאס נישט קענען מיטזינגען.

מ'דארף האבן די עלטערע ניגונים וואס שטאמען טאקע פון ערגעץ אנדערש.

למשל, איך האב א שטיקל ביי 'הים ראה וינוס' וואס ווערן שוין געזינגען דורך עטלערע בעלי תפילות, איך דארףזיך דערמאנען וויזוי אנציריפן דעם ניגון (אפשר שרייבן די נאטן?)

'כי חילצת נפשי ממות' האב איך תנועה וואס איך האב אייביג געהערט פון הרב אורי שווארץ פון קר"י. איך גלייך עס זייער און זינג עס נאך.

אויף 'אנה השם כי אני עבדיך' האב איך אמאל געהערט טאקע פון אונזער שאץ מאץ א הערליך שטיקל זינגען דעם ניגון פון איינע פון מיכאל'ס אידישע ניגונים טעיפ'ס, דער פאל פון "דער טויבער רבי סענדער" עס גליטשט זיך אריין אין 'לך אזבח זבח תודה' הפליא'דיג. (גראדע יא א לעצטערע ניגון וואס די עלטערע וועלן אפשר נישט קענען)

מ'דארף וויסן ווען יא און ווען נישט, ווי יא און ווי נישט. מדארף קענען דעם עולם.

שעפטיל · מאנטאג דעצעמבער 24, 2007 2:16 pm

פארן שאץ דמתא וועלעך זיך מוזן בייגן, א שאד איך האב נישט געזעהן בעפאר זיין אינהאלטסרייכן ארטיקל וועגן דעם יום טוב'דיגן דאווענען.

דר'אמת איז: יעדער ברויך קענען זיין עולם, איך וואלט געזאגט אז עס זענען פשוט נישט פארהאן קיין כללים. אין יעדן שול קומען די מתפללים מיט אן אנדערן ציל. ווען מען שטעלט זיך ביים ברעטל, דארף מען סערווירן די מתפללים, נישט זיך לאזן וואוילגיין אויף זייער חשבון.

זיס · פרייטאג מארטש 27, 2009 1:06 am

האב איך אמאל געהערט א בעל-תפילה זינגען ביי וכולם מקבלים, די תנועה פון "אודה לקל - געלויבט ביזטו" (פאר ווער עס קען עס), אבער נאר די שטייטע שטיקל און נישט דער לעבעדיגערע פאל.

ווארום · מיטוואך אקטאבער 24, 2007 11:40 am

אונזער בעל תפילה האט עטליכע וואכן צוריק אנגעהויבן ממקומך, מיטן תנועה פון די באקאנטע ויזניצע מנוחה ושמחה, ביים צווייטן חלק (במצות שבת) און תתגדל האט ער ממשיך געווען די לעבעדיגע חלק, סהאט געלקאפט א מחיה.

salads · זונטאג אקטאבער 04, 2009 10:19 pm

הרב שעפטל
דו ביסט אמת'דיג א מורא'דיגער ש"ץ. אפילו ווען דיין קול זאל נישט זיין עפעס אזוי וואונדערבאר, וואלט דער נוסח אלעס פארדעקט. אין וואלט דיר זיכער געגאנגען הערן.

ווייל פארשטייט זיך אליין, אז אויב מ'זיגט נישט קיין נוסח שיקט מען קיינמאל נישט צו, ממילא וואס איז דא צו טראכטן פון ניגונים? אין אויב מ'לייגט זיך אזוי אריין, אין מ'שטעלט צו אזעלעכיגע פאסיגע ניגונים, איז עס נאר אויב מ'ווייסט זיכער אז ס'איז לתכלית.

לויט דיינע אנווייזינגען דא, ביסטו א שטייגער ש"ץ ווי ר' יעקב אינגאר הי"ו, וואס איז כדאי צו הערן.

צייטליך
ר' אורי שווארץ'עס תנועה אויף כי חילצת נפשי, איז א אלטע ניגון, אין טאקע דער הויכע פאל אויף דו ווערטער.

שטרויזאק · זונטאג אקטאבער 04, 2009 10:23 pm

דער בע"ת אין מיין שולכ'ל האט געזינגען היינט אויף הללו את ה' די (וויזניצע ?) כי אתה הוא מלך מלכי המלכים.
עס איז זייער שיין געווען.

וויכטיג מאכער · מיטוואך מארטש 12, 2008 6:21 pm

אן קיין דעטאלן, מיין בעל תפילה איז די בעסטע בעל תפילה..

פרייליכערהייט · מאנטאג אקטאבער 05, 2009 12:43 pm

געוועהנליך בין איך מורא'דיג קעגן זינגען ניגונים ביי הלל , ובפרט היינטיגע , נייע ניגונים , טייל וואס מ'קען סתם אזוי .לאו דווקא , ביי הלל נישט זינגען , ובפרט אז מ'שטעלט זיך זינגען ביי כי חלצת נפשי , וואו אדונינו דוד וויינט זיך אויס , מיט אזוינע תהלות פיל מיט געגועים צום מלך חי , את עיני מן דמעה , וואו קען מען אויף דעם זינגן ניגונים וואס מקור מקומם טמא , וואס קומט פון טויטע באנקעס , פיל מיט גויישע הרגישים , למשל די אזויגערופענע ווארעמע , הארציגע תנועה פונעם טויבען ר' סענדער , וואס פיהל האלטן אז ס'איז ממש צויבערנד , אין מקען ממש צוגיין פון דעם , די מקור דערפון איז , פון א מעשה מיט א גרויסע ספארטלער וואס זיין טאטע איז געוועהן בלינד , און נעבעך נישט געקענט מיטהאלטן זיין שייגעץ מאכן א גרענד סלעם , אדער א פיטש, בחיי חייתיו, און ענדליך ווען ער האט געפייגערט ,איז געוועהן א שמחה אין אלע עולמות , אז היצט איז ער שוין זוכה צו זעהן , פון יענעם עולם, ודי , איז געגאנגן איינער א קאמפאזירער און געמאכט א ניגון ניגון ארויס פון זיין טמא'נעם בויך ארויס , פון זיין טריפענעם מוח , אין עס שיין אפגעזינגן לרגל די גרויסע שמחה רבה , זענען געקומען אפאר יידישע גוים , אדער גויישע יידן , כ'ווייס נישט פונקטליך זייער סטאטוס, אין עס נאכקאפירט , ווארט ביי ווארט , אות ביי אות , נאר אשטאט צו האבן אביסל אנשטענדיגקייט אין עס זינגן ווי מ'ברויך , אן קיינע שינוים האבן זיי משנה געוועהן עטליכע ווערטער , למשל די פיטש , איז געווארן פארטוישט אויף "כאל נידרייי" , אין פון בלינד איז געווארן טויב , אין דשאו איז געווארן " ר' סענדער" , אין שוין , קען מער דאס זינגן אויף הלל ,? און אזוי כהנה וכהנה רבות , שאכהמ"ל ,
אבער בכלל זינגן ניגונים אויף ווערטער וואס כלל ישרא' האט אויסגעטרעטן א נוסח וואס פארטייטשט יעדעס ווארט אזוי שיין און קלאר , מ'קען זיך אביסל ממיטכאפן מיט דוד המלך'ס השתפכות הנפש, אין ווען די בעל תפלה זאגט עס אפ מיט אביסל פירוש המלות , קען ער דאך דעם עולם אביסל א אידישע פונק ערוועקן ,אין די גאנצע יו"ט אויפפלאמען , אין פירן אויך די ריכטיגע טרעקס , געווענליך ווען איך פרוביר דאס צו טוהן , הער איך אויף די שכוח'ס אז כ'האב גערירט עפעס אנדערע סטרונעס , עפעס א אנדערע דופק האב איך געקלאפט , אין לדעתי איז דאס די אויפגאבע פונעם בע"ת , נישט צו פארווענדלען דעם בית מדרש , אין א שפיל פלאץ
אין דאס דאווענען אין א קומזיץ ,

וויכטיג מאכער · מיטוואך מארטש 12, 2008 6:21 pm

פרייליכערהייט, פון וואנעט נעמסטו די פאקט אז די מעשה מיט ר' סענדער איז געווען א מעשה מיט א ספארטלער.. ווי ווייט איך קען פינקי וועבער איזעס נישט זיין סטייל צו מאכן אזעלעכע מעשיות..

און די ניגון איז א נייע ניגון וואס פינקי האט געמאכט, איך וואלט געוואלט א מקור צו דיינע רייד.

שאץ מאץ · דאנערשטאג מאי 15, 2008 5:01 pm

פרייליכערהייט....
אנטשלדיגט, אבער איר זענט זיך אביסל טועה,
ראשית איר זענט אביסל צו שארף קעגן דעם כל נדרי געדאנק, בפשטות וואלט איך געזאגט אז די מעשה איז געוועהן פארקערט, ווייל א גוי האט נישט די השגה פון אזא מחשבה אז יעצט נאכן שטארבן האט מער מער כוחות פון יענע וועלט צו הערן און צו זעהן, דאס האט אפשר א איד בייגעפאלן און דער גוי האט דאס נאכגעמאכט,
בכלל ווי ביסטו אזא ידען אין ספארטלער?.....

שנית, אין אלע דורות האט מען געזאגט אויף הלל לידעלעך, און יא, מ'האט פארוואנדלט די שול'ן אין קומזיצן, יעדע חזן (אפי' די ערליכסטע) האט געהאט א כאר ווי מ'האט געזינגען גאנצע שטיקער הלל, קענסט הערן יאסאלע ראזנבלאט ועוד וואס האבן גאנצע שטיקער וואס זיי זינגען צוזאמען מיטן קאר.

שלישית אפי' ביי חסידים האט מען געזינגען, אין באבוב האביך געהערט זינגען עטליכע שטיקער אינמיטן הלל.

איך פארשטיי דיין געפיל צום ארגינעלן נוסח, אבער זיין שארף נעגעטיוו איז נישט אויסגעהאלטן...
.

פרייליכערהייט · מאנטאג אקטאבער 05, 2009 7:04 pm

מיט'ן מי אנכי'דיגן הקדמה , וויל איך אביסל אפשטילן די הויפן טענות , ערשטענס ווענד איך מיר צו דיר וויכי , פרעגסט אדער דו זאגסט ?, פרעגסט פון וואנעט איך ווייס , אדער דו זאגסט א פאקט "אז פינקי האט געמאכט די ניגון" אדער דו טראכסט אז מסתמא האט ער עס געמאכט ווייל אזוי איז זיין סדר , ? הא? כ'הער ניש, יעץ לאמיר דיך פרעגן ווען ליפא זינגט "אבי מ'לעבט" און ער זאגט\שרייבט אז ס'איז "זיין ניגון" און אז "ער" האט דאס געמאכט , קומט עס שוין נישט פון א גויישע קינדער טעיפ ? אדער ווען ר' מ.ב.ד. זז"ג , זינגט "אידן" איז עס שוין נישט גע'גנב'עט פון א נאצי יוגנט מארש .? כ'מיין סוכ"ס האט מען עס באארבעט און פרובירט צו פאריידשן , אזוי אז א ליגענט שאלה איז טאקע נישט דא , וואס האסטו געוואלט , ער זאל שרייבן , לחן:דשעקי דשאו , מילים :נעתק מלשון אנגלית , . מיוסד על מעשה אמיתית עם שינוי פרטים מפני כבוד הציבור? כ'מיין קאם אן ,
צווייטענס כל , איך הא נישט דערמאנט קיינע נעמען , פארוואס האסטו ערווענט די נאמען , האסט מיר פשוט מגביל געוועהן אין יעצט האב איך שוין נישט מיין זכות דיבור , וכמובן ,
יעצט מאך אביסל ריסערטש אויפ'ן ניגון , און לאמיך וויסן די ריזאלטס , שכוח ,
ריסורטש מיין איך נישט זאלסט איבערליינען די בוקלעט פונעם טעיפ ,
יעצט ווענד איך מיר צו אייך כבוד מורינו הרב שאץ מאץ , :
עפר אני תחת כפות שאצעיך , ואפר אני תחת רגלי מאצעיך , מיינע קענטעניסן און אוודאי מיין עקספיריענס אין דעם פעלד איז זייער ווייט פון דיינע , אבער אעפ"כ , האב איך א רעכט צו א מיינונג , און אפילו א רעכט זיך צו דינגן מיט אייך, און אייערע יארן ערפארונג , גערעכט אז נישט סתם מיט א מאך מיט די האנט קען איך אייער מיינונג צונישט מאכן , אבער פונדעסטוועגן וועל איך פרובירן נאכאמאהל זיך אויסשצושמועסן , און צוטיילן אייערע השוואות און מראי מקומות , איז אזוי :
איהר הייבט אן מיט א טענה , אז "איהר" וואלט געזאגט פארקערט , ווען די פאקטן וואלטן געוועהן בידך , כהגה ביד המלח , וואלט איהר געקענט זאגן פארקערט , אדער , אינגאנצן גארניש זאגן , אבער , פאקטן זענען נישט אפען פאר קיינע דעבאטעס , א פאקט איז א מציאות , א געשעהנע פאקט איז א זאך וואס האט אין די ווירקליכקייט פאסירט , אין עליו אין להוסיף , וממנו אין לגרוע, ממילא איז נישט שייך , וויזוי רופט מען דאס נאר , "א קושיא אויף א מעשה " יא ?
און נאכדעם , דאס וואס דו טענה'סט אז א גוי האט נישט אזוינע השגות אז נאכ'ן שטארבן קען מען מער זעהן און הערן , במחילת כבודך , אייער ברייטע ידיעות און קענטעניסן זעהן אויס זייער זייער באגרעניצט , אין די גויישע וועלט , בכלל , און אין די גלויבליכע וועלט זייערע , בפרט , וואס דאונט געט מי ראנג , ס'איז דווקא א מעלה , פאר אזא ש"ץ מ"ץ וואס איהר זענט , אבער דאך אין די סנהדרין וואלט איהר נאכנישט געקענט זיין , אין לשכת הגזית , וואלט איהר נאכנישט געהאט א פלאץ , להוי ידוע , אז עס איז זייער מעגליך אז "אונזער" איינגעבוירענע , א"ג , אמונה , אז מתים האבן א שייכות מיט די וועלט , אין די געדאנק , אז ר' סענדער לאחר מותו , איז אינטערעסירט אויף זיין זונס שיינע כל נדרי , איז א ריין קריסטליכע , שמייליגע געדאנק וואו התגשמות איז א ריאליטי ,אין דמיון איז נישט בלויז א מיטל , אויף זיך מצייר זיין עפעס העכערס , די גמרא אנהייב ברכות האסטו שוין אוודאי געלערנט , ווי די גמ' האט א גאנצע שמועס וועגן דעם ,
כ'העל ענדיגן שפעטער אי"ה , כ'מוז לויפן זיך וואשן לכבוד אושפיזא דמשה ,
בני ר' חייא נפוק לקרייתא [בני ר' חייא יצאו לקריה לצורך עבודה]. אייקר ליה תלמודייהו [שכחו את תלמודם]. הוו קא מצערי לאדכוריה [היו מצטערים כדי לזכור]. אמר ליה חד לחבריה: ידע אבון בהאי צערא [אבא שכבר מת יודע שאנו מצטערים]. אמר ליה אידך: מנא ידע? [מנין שהמת יודע מה קורה בין החיים?] והא כתיב, 'יכבדו בניו ולא ידע'. אמר ליה אידך: ולא ידע? והא כתיב, 'אך בשרו עליו יכאב ונפשו עליו תאבל'. ואמר ר' יצחק: קשה רימה [תולעים] למת כמחט בבשר החי", וראה שם בהמשך את המשא ומתן , ולבסוף מסיק הגמ' שאכן יודעים ,
אבער צו זאגן אדער טראכטן אז ער האט אזוי הנאה פונעם שיינעם דאווענען ? אין בכלל וואס ברענגט די סיפור ארויס , נאר אביסל רחמנות געפיהלן און ווייבערישע הרגישים , ממילא וואלט איך אפילו בלא יודעים געטראכט בפשטות אז די מקור איז א ריין גויישע ,
יעצט נאכדעם באפאלסטו מיר מיט א טענה , וז"ל "בכלל בכלל ווי ביסטו אזא ידען אין ספארטלער?....."עכ"ל
קודם כל האסטו געפרעגט שלא כענין , ווייל וואס איז דען דאס א נפק"מ פון וואו מיין באקאנטשאפט איז , לאמיר זאגן אז מיין באקאנטשאפט איז ווייל איך ליג ראשו ורובו אין ספארטס , וואס איז דאמאלס ,? טאר איך מער נישט איבערגעבן פארן עולם א מיינונג אין די נושא פון זינגן ביי הלל ,? פארליר איך מיינע פרעפרענסעס אין בעלי תפלה? כפארשטיי נישט דיין פוינט אינגאנצן ,
והשנית , פון וואו בכלל קוקט אויס אז כ'בין אזוי באקאנט , ? קען דען נישט זיין אז כ' האב געהערט די מעשה אין שול , אדער אין מקוה ,? הייסט עס אז אויב מע ווייסט צו זאגן אז היטלער האט געגרינדעט די נאציאנאלע פארטיי אין דייטשלאנד אין יאהר 1932 איז מען שוין א טייל דערפון , ?
אין יעצט לגופו של ענין , דאס וואס דו ווייזט אויך אז "אין אלע דורות" האט "מען" געזינגן שטיקלעך הלל פון דעם אז יאסעלע האט געהאט א כאר , איז איבריג צו זאגן אז ס'איז ממש צוגעשטעלט , טשולענט צו דימאנטן , אין ס'איז פשוט שאין הנדון דומה לראי' , איך רעד דען פון שולן וואס האבן א חזן וואס דארף אנפירן די סערוויסעס , אין דאוווענען אנשטאט דעם עולם , אין מאכן דאס דאווענען "אינטערעסאנט" אין נישט אזוי לאנגווייליג ? איך רעד דאך פון אונזערע היימישע בתי מדרשים וואו יעדער דאווענט , אין די בעל תפלה , פירט עס פשוט אן און געט דעם טאון בסך הכל , אדרבה זאג דו אליין , דו אלס קינד געדענקסטו די בעלי תפלה זינגן די שטיקלעך ? וועלכע רב , רבי, ראש ישיבה , האסטו אמאהל געהערט זינגן ? די חאזאנים זענען גוט געוועהן פאר די אמאליגע פויערן , און עמי הארצים , אדער העכסענס אין די אמאליגע גרויסע שטעט , וואו די "קהלות מיט זייערע ראשי קהלה סיסטעם " האבן דאמינירט די מענטשהייט , אין אלעס איז געוועהן מורא'דיג אפיציעל , אין נאר די ש"ץ האט געדאווענט פארן עמוד , אין די פארן גאנצן ציבור איז נאר געבליבן זיך צו ווערטלן אויף זיין חשבון , אדער צו שעלטן אויף זיין זיך נישט רעכענען מיטן ציבור , וכו' וכו' , אין אפילו זיי ווייס איך אויך אז זיי האבן בפירוש נישט געזינגן משה גאלדמאנס פינקי וועבערס ניגונים ,
דאס וואס באבוב , קען זיין אז דיר אלס א פרעמדע זעהט אויס וואו ניגונים , עניוועי א יחידיש פלאץ איז נישט גענוג ראי'
נאכדעם שרייסטו מיך אן אז איך בין צו עקסטרעים קעגן ניגונים ווייס איך ווייטער נישט פון ווי דו נעמסט דאס , ווייל וואס איך האב געשריבן שארף איז נאר געוועהן קעגן "היינטיגע גויישע " ניגונים ,
ובזה הנני ידדו
והיית אך שמח

וויכטיג מאכער · מיטוואך מארטש 12, 2008 6:21 pm

פרייליכערהייט, איך "פרעג" דו ווייסט פאר א פאקט פון ווי די ניגון קומט? ווייל איך ווייס אז פינקי מאכט ניגונים, און די טאן פון ר' סענדער האט ער געמאכט, און אזוי איז עס אנגענומען געווען ביז אהער, איז מיין שאלה, דו ווייסט אנדערש? אויב יא, ווייז ביטע איבער.

און דאס אז דו האסט נישט געזאגט קיין נאמען, ברענגט ארויס גרויס געלעכטער.. (סארי...) דו זאגסט אז די ניגון קומט פון דארט און דארט.. יעדער איינער ווייסט אז די ניגון קומט פון פינקי.. ס'איז פונקט ווי דו זאגסט אז איינער, זיין ערשטע נאמען הייבצעך אן מיט א "פ" און די לעצטע מיט א "וו" אבער איך זאג נישט ווער..

און אויב דו האסט יא א טענה, און דו האסט פראף דאס צו פרעזענטן, מעגסטו עס יא זאגן, אפילו מיט א נאמען.. סאו ס'איז אירעלעווענט ווער ס'האט דערמאנט נעמען..

גרויזאמער · דאנערשטאג יולי 06, 2006 4:03 pm

פרייליכערהייט האט געשריבן: , יעץ לאמיר דיך פרעגן ווען ליפא זינגט "אבי מ'לעבט" און ער זאגט\שרייבט אז ס'איז "זיין ניגון" און אז "ער" האט דאס געמאכט , קומט עס שוין נישט פון א גויישע קינדער טעיפ ? אדער ווען ר' מ.ב.ד. זז"ג , זינגט "אידן" איז עס שוין נישט גע'גנב'עט פון א נאצי יוגנט מארש .?

צווייטענס כל , איך הא נישט דערמאנט קיינע נעמען , פארוואס האסטו ערווענט די נאמען , האסט מיר פשוט מגביל געוועהן אין יעצט האב איך שוין נישט מיין זכות דיבור , וכמובן

במחילת כבוד הרב, איר פראקטיצירט דא אויף אן אומפארשענדליכן אופן.

איך האב דא ציטירט 2 פאראגראפן וועלכע זענען זיך "גענצליך" סותר.

קומסט אן מיט "פאקטן" וואס קיינער ווייסט נישט, און ווען מען פרעגט א מקור ביסטו מוגבל ווייל מען האט דערמאנט א נאמען? אדרבה ואדרבה! צייכן צו א מקור, ויראו הקהל וישפוט צו איז דאס אינעם "אידן-אבימ'לעבט" קאטאגאריע ניגון - וועלכע "דו" האסט דערמאנט נעמען - אדער נישט.

חוץ דעם הייסטו מאכן אליין ריסערטש, מאכסט ליצנות דא? וויאזוי קען מען מאכט ריסערטש? וועלכע ווארט זאל מען אריינטייפן אין גוגל?

וואנס דו געבסט מקורות וואס צייגן דאס טאקע בין איך פולקאם מיט דיר.

scy4851 · מאנטאג אקטאבער 05, 2009 9:39 pm

שאץ מאץ האט געשריבן: שעפטיל איך זאג דיר אפן, ווען דו לייגסט אראפ אזא הלל אין מיין שול ווערט 50 פראצענט עולם נערוועז....

מ'מוז נישט איבעראל זינגען, און מ'מוז יא קענען דעם שול צו שמעקן וואס ס'שמעקט זיי,

הרב שעפטעל,
איך קום אוויא א יהודא ועוד ל... צו שאצי'ס ווערטער.

אזוי פול זינגען איז OVERKILL .
ביי מיר און מיין שול וואלט דאס געווען א גארענטי אויף קיינמאל מער נישט קריגען א כיבוד צי דאווענען פארען עמוד.

פרייליכערהייט · דינסטאג אקטאבער 06, 2009 11:53 am

והיית אך שמח!! מצות היום.

זונטאג מאי 17, 2009 5:52 pm

פרייליכעל, די זאגסט זייער גוט, אבער מיט זייער א הויכע טאן,
פראביר צו זינגען די נידריגע פאל,

אינטעליגענט · דינסטאג אקטאבער 06, 2009 12:13 pm

פרייליכערהייט
פליז נאר פרייליכערהייט... נישט מיט קיין קולות..
איך וואלט מיך ווען צוגעשטעלט צו דיינע רייד פולקאם, ווען נישט דו רעדסט מיט אזא שארפן אופן.

וועגן פינקי'ס ניגון, האט מיר שוין לאנג געקוועטשט. ס'א סארט געפילן איז דאס? וכו'. אבער כ'גיי נישט זאגן אז דער מקור איז פון א גוי'יש פלאץ, און עס ווינדערט מיר טאקע פון וואו דו נעמסט אזא טעאריע.
און זיכער אז כ'נעם נישט ח"ו אוועק פון די איבריגע שיינע און תוכנ'פולע ניגונים פון ר' פנחס'ן זז"ג.

און לגבי דעם עצם נגינה ביי די הלל שטיקלעך.
איך, בתחלת שנותי ווען איך פלעג צוגיין יום טוב, בין איך געווען להשמיד קעגן זינגען אינדערמיט; ליבערשט לייג איך אריין קאפ אין דער נוסח, ווען בעפאר יום טוב באפוץ איך עס מיט דריידעלעך און שיינע תנועה'לעך דא דארט, פון וועלכע דער עולם האט גראדע זייער הנאה.
אבער מיט די יארן, האט דער עולם אנגעהויבן פארלאנגען כ'זאל אויך זינגען ביי די שטיקלעך. כאטש דאס איז נישט געווען לרוחי, האב איך מיך אונטערגעגעבן און אנגעהויבן זינגען ביי דריי שטיקלעך. [נאך אלעם, בין איך דער וואס דארף אנקומען צו זייער קאמפלימענט...].

אינטעליגענט · דינסטאג אקטאבער 06, 2009 12:18 pm

שוטה האט געשריבן: איך מיין אז דער דריטער שטיקעל פון יאסעלע'ס גשם [זכור טען מקלו] דארף גוט שטימען אויף ממקומך, ממקומך - זכור טען מקלו, מתי תמלוך - יחד לב, תתגדל - כנאבק לו שר, ועינינו תראנה - בעבורו אל תמנע מים.

יישר כח שוטה
מיר האבן שוין גראדע געקלערט אמאל דאס צו טוען, כ'האב אבער נישט געוואוסט צו עס וועט זיך אויסארבעטן. למעשה האב איך דעם יו"ט געזינגען דעם שטיקל אויף ממקומך, און ס'איז ארויס הערליך ב"ה.
צו מיין וואונדער, ווען כ'האב געדאווענט דעם אנדערן טאג און א צווייטן שול, האב איך געהערט אויך יענעם בעל תפלה זינגען דעם שטיקל.. [זעהט אויס אז מערערע ליינען דא אין אייוועלט.. אדער האסטו עס גאר גענומען פון אים?]