מיין נסיעה קיין קערעסטיר, צום הייליגן צדיק רבי ישעיה’לע מ’קערעסטיר זי”ע. איך שרייב אראפ ממש קורצע שורות, און פערזענליכע הרגשים, יעדער פון ענק האט זיכער געהאט זיינע זאכן וואס ער האט בעיקר געשפירט, דא וועל איך ברענגען פון מיין קוק- ווינקל:
אלעס הייבט זיך אן שבת ג’ אייר. שבת קודש יום ה’יארצייט האב איך געטראכט אז איך מוז אנקומען צום צדיק וקדוש, פועל ישועות בקרב הארץ וואס האט אזויפיל אידן געברענגט נענטער צו זייער טאטע אין הימל, אפשר וועל איך אויך זוכה זיין צו קרבת אלוקים און ווערן נאנט צום הייליגן באשעפער, איך האב נישט אויפגעהערט צו טראכטן געדאנקן, מיינע נאנטע וואס קענען שוין דעי מהלך.. יעדן טאג מיט זיסע איידיעס פון פארן צו די זוהן און די לבנה... האבן ניטאמאל געשאנקן א בליק...
ס’איז מוצאי שבת און איך בין מחליט צו נעמען שריט.. 9:58 - איך הייב אויף א טעלעפאון צו ללכת אויב זיי האבן נאך פלאץ? יענער ענטפערט אז יא, און ער גיידט מיך וויאזוי צו מסדר זיין די טיקעט וכו’, 10:25 - איך מאך הבדלה, און פאק זיך איין ממש געציילטע זאכן, און 10:40 פארט מען ארויס צו jfk, 12:30 זעה איך אז די טראפיק לאזט נישט נאך.. איך זאג פארן דרייווער אז איך גיי ארויס פון קאר, איך וואק צו צום עריפארט, ס’געווען אביסל קאנסטראקשען דארט, ממילא איז געווען טראפיק.
1:50 - מען הייבט זיך.
פון יעצט איז לאנדאנע צייט. 1:00 נאכמיטאג אין לאנדאן, האט מען געלאנדעט מען האט געדארפט זיך הייבן מיט די נעקסטע פלייט 2:30, למעשה האט מען זיך געהויבן 4:09, א דילעי פון 99 מינוט... מען פארט קיין שטאט קאשוי, אויפן וועג האב איך געהערט עטליכע מופתים און סיפורים אויף רבי ישעיה’לע, א אינגערמאן איז געווען יעצט ביי די יארצייט אין קערעסטיר מיט א בעבי פון בערך א חודש אלט, און מענטשן האבן אים געפרעגט דערויף, האט ער געענטפערט אז ער ווארט שוין עטליכע יאר נאך די חתונה צו געהאלפן ווערן, און פאריאר איז ער געקומען צו רבי ישעיה’לע און צו געזאגט א ישעיה, און דאס איז זיין זוהן ישעיה. א צווייטער האט געהאט צו טוהן מיט א גוי א טענענט, וואס ער האט נישט געקענט אוועקשיקן פון זיין דירה, ער איז געפארן צו רבי ישעיה’לע, און דאנערשטאג באקומט ער א רוף אז דער גוי איז געשטארבן. אסאך מעשיות האבן מענטשן דערציילט בדידי הוה עובדא, פערזענליכע מופתים וואס מען האט גע’פועל’ט ביים צדיק. (די מעשיות זענען דערציילט געווארן במשך די נסיעה) פון דארט פארט מען צום האטעל אין קערעסטיר, מען עסט נאכטמאל, דערנאך איז מען ארויף צום ציון הקדוש פון רבי ישעיה’לע זי”ע. די בכיות און בקשות דארט אויפן פלאץ איז אוממעגליך צו ברענגען מיט טינט, איך האב פשוט געדארפט נעמען א תהלים’ל און מיין הארץ האט זיך ברייט געעפנט (ואני אפתח לכם כפתחו של אולם), כ’האב גאר לאנג מתפלל געווען, כ’געדענק נישט איך זאל זיין אמאל אזוי לאנג ביי א ציון און מתפלל זיין אזוי לאנג, און כ’האף אז יעדער האט גע’פועל’ט כל טוב, כלל ישראל זאל באקומען השפעות ברוחניות ובגשמיות. נאכדעם בין איך צוריק געפארן צוריק צום האטעל, און 1:45 געפארן קיין אוהעל, צום הייליגן ישמח משה זי”ע, זיך גוט אויסגעבעטן, און געפארן פון דארט צו רימנוב, געגאנגען אין מקוה, דארטן געדאוונט שחרית (תחנון - ה’ אייר... וכו’) און געגעסן א פיינע פרישטאג, און נאכדעם מתפלל געווען ביי רבי מנחם מענדל בן רבי יוסף מ’רימנוב זי”ע, און זיין תלמיד רבי הערשעלע מ’רימנוב, (דער מכניס אורח דארט אויפן פלאץ האט געזאגט אז רבי הערשעלע האט באדינט רבי מענדעלע און ער באדינט ביידע...). און שפעטער געפארן קיין דינוב צום הייליגן בני יששכר, און נאכדעם קיין לאנצוט ביים הייליגן ראפשיצער רב זי”ע און רבי אלעזר לאנצוט’ער זי”ע, נאכדעם האט מען גערייזט קיין ליזענסק צום הייליגן צדיק רבי רבי אלימלך זי”ע, און מיט דעם געענדיגט דעם געהויבענעם נסיעה איינשאפנדיג השפעות טובות מיט אלע גוטע זכותים. דערנאך צוגעפארן קיין ריישא, און גענומען א פליגער קיין בערלין, דייטשלאנד, דארט קיין יו עס, און פון דארט יעדער איינער כל אחד לביתו נאוה קודש..
ברם יזכר לטוב דעי געשמאקע אינגעלייט וואס האבן צוגעגעבן צו די געשמאק פון די נסיעה, קודם האבן אונז געהאט דער ”בעל הסגולות” פון קול מבשר, א חשוב’ע איד פון לעיקוואד, מיט זיינע חידושים ביי יעדע צדיק, מיטן ערקלערן צו דאנקן דעם באשעפער אויף אלע חסדים אויף טריט און שריט. ואחרון חביב די פרישקייט פון הרב ר’ ..., א ברודער פון הרב@לכאורהער האט אריינגעגאסן א געשמאק און דערציילט שיינע מעשיות א גאנצע וועג, דער עולם האט גאר שטארק הנאה געהאט פון אים. און הרב שטערנליכט פון ללכת, א געשמאקע איד פון אנטווערפען וואס האט אויפגעפרישט דעם ציבור ביי יעדע ציון מיט א רואיגע צוגאנג צו יעדע זאל. ועל ידי זה יושפע שפע רב בכל העולמות. אמן.