פי די עף הילף
איך דארף האבן הילף. איך באנוץ זיך גאר אסאך מיט פי די עףס און גאר אפט טרעף איך מיך אין א מצב אז איך דארף ארבעטן מיט א פי די עף. צו איך דארף נעמען איינס און צולייגן זאכן, אדער איך דארף נעמען א פארטיגער פי די עף און ארויסשניידן א געוויסן שטיקל און צולייגן אהין אן אנדערן.
ביז היינט באנוץ איך זיך מיט א פראגראם וואס הייסט פי די עף פעקטארי פראו, אך דא עקא אז ער איז נישט דער בעסטער פראגראם און על אף וואס איך גיב זיך ווי נישט ווי אן עצה מיט דעם, וואלט איך געזוכט עפעס בעסער. איינער האט מיר געגעבן א לייג אריין אדאבי אינדיזיין אין מיין קאמפיוטער און מיר געזאגט אז דאס איז דער פראגראם וואס איך דארף.
וויל איך דא פרעגן דעם עולם, איז דאס טאקע וואס איך דארף? אויב יא, קען מיר אפשר איינער אויסלערנען וואס מען טוט. איך בין גרינער פון גרין אין דעם נושא, איך האלט נאך פאר'ן אלף. איך וואלט געדארפט אביסל טריט ביי טריט גיידענס אויף דעם. איז דא איינער וועלכער קען מיר אפשר צואווייזן?
איך וועל אייך דאנבאר זיין פאר דעם גאר שטארק. יעדעס מאל וואס איך וועל זיך באנוצן מיט דעם - וואס דאס איז גאנץ אפט - וועל איך אייך געדענקען לטובה און דאנקבאר זיין אויף דעם.
יישר כחכם למפרע
NO man is a failure who has friends