די אחראים: יאנאש , אחראי , געלעגער
די סטעיט פאליס זאגט אז עטליכע מענטשן זענען געהרגעט געווארן און צענדליגע זענען פארוואנדעט געווארן פון די טארנעידא. אויפן בילד איז די זעלבע גאס בלויז אפאר שעה אפגעריקט
וואף! אבאנטש ארבעט דא אריין איבער צו טייטשן!ישראל_הלוי האט געשריבן: ↑ מיטוואך מאי 22, 2024 1:46 amקוועלער זאגן אז זיי זענען 'אויסגעשפילט' געווארן דורך עגיפטן וואס האט געטוישט די טערמינען פון די פייער אפשטעל טערמינען פאר חאמאס
די עגיפטישע שפיאנאזש האט שטילערהייט געטוישט די טערמינען פון דעם פייער אפשטעל פארשלאג, וואס מדינת ישראל האט שוין אונטערגעשריבן אנפאנג דעם חודש, פירנדיג צו דאס צופאלן פון אן אפמאך, וואס האט געקענט באפרייען מדינת ישראל-משכונות און פאלעסטינער ארעסטאנטן, און אוועקשטעלן א מהלך צו א צייטווייליגע ענדע צו די קאמפן אין עזה, לויט דריי מענטשן וואס זענען באקאנט מיט די דיסקוסיעס.
די פייער אפשטעל אפמאך, וואס חאמאס האט געמאלדן דעם 6טן מאי, איז נישט געווען דאס וואס די קאטארישע אדער די אמעריקאנער האבן געגלויבט אז מען האט פארגעשטעלט צו חאמאס פאר א מעגליכע ענדגילטיגע ווערסיע איבערצוקוקן, האבן די קוועלער געזאגט.
די ענדערונגען וואס די עגיפטישע שפיאנאזש האט געמאכט, האבן געפירט צו א כוואליע פון כעס און באשולדיגונגען צווישן באאמטע פון אמעריקע, קאטאר און מדינת ישראל, און האבן איבערגעלאזט די פייער אפשטעל געשפרעכן אין א פארפרוירענע צושטאנד.
"מיר זענען אלע אויסגעשפילט געווארן," האט איינער פון די קוועלער געזאגט.
דער אמעריקאנער סי.איי.עי. דירעקטאר ביל בורנס, וועלכער האט אנגעפירט די אמעריקאנער באמיאונגען צו מעקלערן א פייער אפשטעל הסכם, האט זיך געפינעם אינעם ראיאן בשעת עס האט אים דערגרייכט די נייעס אז די מצרי'שע האבן געענדערט די תנאים פונעם אפמאך. בורנס איז געווען בייז און פארשעמט, גלויבנדיג אז עס האט אים געמאכט אויסזען ווי ער איז נישט פארמישט בתוך הענינים אדער אז ער האט פשוט נישט אינפארמירט די איזראעיליס וועגן די שינויים.
דער געווענליך מתינות'דיגער מענטש האט "זיך כמעט אויפגעבלאזן," האט דער מקור געזאגט.
א סי.איי.עי. ווארטזאגער האט זיך אפגעזאגט צו קאמענטירן.
די דריי קוועלער וואס זענען באקאנט מיט דעם ענין האבן געזאגט אז א הויכראנגיקער עגיפטישער שפיאנאזש באאמטער מיטן נאמען אחמד אבדל כאלעק איז פאראנטווארטליך געווען פאר מאכן די ענדערונגען. אבדעל כאלעק איז א הויכראנגיקער דעפוטאט צו דעם עגיפטישער שפיאנאזש שעף אבאס קאמאל, וועלכער איז געווען בורנס'ס קאלעגע אין אנפירן די פארמיטלונגן פון די געשפרעכן מצד עגיפטן.
איין מקור וואס איז באקאנט מיט די פארהאנדלונגען האט געזאגט, אז אבדעל כאלעק האט געזאגט פאר די איזראעיליס איין זאך און פאר חאמאס א צווייטע זאך. נאך פרישע חאמאס פאדערונגען זענען אריינגעלייגט געווארן אין דער ארגינעלער פרעימווארק, צו וואס מדינת ישראל האט לכתחילה שטילערהייט מסכים געווען, כדי צו פארזיכערן חאמאס'ס הסכמה, האט דער מקור געזאגט. אבער די אנדערע פארמיטלער זענען נישט אינפארמירט געווארן דערוועגן, אזוי אויך נישט די איזראעיליס.
"חאמאס איז ארומגעגאנגן זאגן פאר זייערע מענטשן 'מיר וועלן האבן א הסכם אין פלאץ מארגן'," האט דער קוואל געזאגט.
“אלע פארטייען זענען געווען אונטער דער הנחה אז עגיפטן האט צוגעשטעלט דעם זעלבן דאקומענט” וואס מדינת ישראל האט אונטערגעשריבן און וואס די אנדערע פארמיטלער, די פאראייניגטע שטאטן און קאטאר, האבן געוואוסט פון, האט דער מענטש געזאגט.
אנשטאט דעם, האבן די עגיפטישע געזוכט צו מטשטש זיין די שורות צווישן דעם אריגינעלן דאקומענט און דער ענטפער פון חאמאס.
די עגיפטישע רעגירונג האט נישט רעאגירט אויף א פארלאנג פאר א קאמענטאר.
א אפמאך איז געווען נאענט
א חאמאס דאקומענט ערהאלטן דורך סי.ען.ען. וואס שילדערט די ווערסיע פון די פרעימווארק וואס זיי האבן מסכים געווען צו, רעכנט אריין אין דער צווייטער פאזע פונעם דריי-שטאפלדיגע אפמאך, צו דערגרייכען א פערמאנענטע פייער אפשטעל און "אנהאלטענדע שלום". מדינת ישראל האט זיך ביז דערווייל אפגעזאגט צוצושטימען צו דיסקוטירן דעם ענדע פון דער מלחמה איידער חאמאס ווערט באזיגט און די משכונות באפרייט.
יעצט, דריי וואכן שפעטער, ווען די פייער אפשטעל געשפרעכן זענען אפגעהאקט, ברענגן די באטייליגטע אויף פראגעס איבער די מאטיוון פון עגיפטן, וועלכע דינט שוין פאר יארן אלס א הויפט פארמיטלער צווישן מדינת ישראל און חאמאס, בפרט די חאמאס מיטגלידער אינערהאלב עזה.
היינט דינסטאג, ווערנדיג געפרעגט דורך CNN'ס דזשעיק טעפער, צי ער איז באזארגט אז עגיפטן זאך זיין פארמישט אין צוקונפטיגע פייער אפשטעל שמועסערייען, האט מדינת ישראל פרעמיער מיניסטער בנימין נתניהו געזאגט אז מדינת ישראל איז נישט גרייט צו איינשטימען צו טערמינען וואס וועט ערלויבן חאמאס צו ווידער אטאקירן מדינת ישראל. "איך האף אז עגיפטן וועט פארשטיין אז מיר קענען נישט איינשטימען צו אזא זאך."
די שינויים זענען געקומען מער ווי א וואך נאכדעם וואס א גרופע פון עגיפטישע פארמיטלער זענען געקומען צו פליען קיין מדינת ישראל אין סוף אפריל צו אויסהאמערן עטליכע פון די לעצטע דעטאלן פון א פרעימווארק וואס וועט צושטעלן די באפרייאונג פון די מדינת ישראל משכונות אין אויסטויש פאר א אפשטעל פון די קאמפן און די צוריקקער פון פאלעסטינער ארעסטאנטן.
די געשפרעכן זענען ביז דעמאלט אנגעגאנגען פאר חדשים, זינט די לעצטע אפשטעל אין די קאמפן איז צוזאמענגעפאלן אין אנהייב דעצעמבער.
ווען מדינת ישראל האט איינגעשטימט צו גיין א שטאפל ווייטער ווי פריער, איז געווען א געפיל פון אפטימיזם אז אן אפמאך איז נאענט. מדינת ישראל האט זיך ארויסגעשטעלט גרייט צו אננעמען ווייניגער משכונות, באפרייען מער פאלעסטינער ארעסטאנטן און דערלויבן די בירגער וואס זענען אין דרום טייל פון עזה פאס זיך אומצוקערן אהיים קיין צפון אנע באגרעניעצונגן.
אמעריקאנער באאמטע האבן אונטערגעשטראכן ווי “באזונדער ברייטהארציג פון מדינת ישראל’ס זייט” די פרעימווארק איז געווען, לויט דער אמעריקאנער סעקרעטערי אוו סטעיט, אנטאני בלינקען.
ענדערונגען געמאכט צו אפעלירן צו חאמאס.
נאכדעם וואס די עגיפטישע זענען צוריקגעקומען פון מדינת ישראל און זיך באראטן מיט חאמאס, איז קלאר געווארן אז די גרופע וועט נישט איינגיין מיט דעם וואס מדינת ישראל האט מסכים געווען, האט איינער פון די קוועלער געזאגט. דער עגיפטישער באאמטער האט דעריבער געמאכט באדייטנדע ענדערונגען, כדי צו באקומען די הסכמה פון חאמאס.
א טאג איידער חאמאס האט געמאלדן ברבים דעם 6טן מאי, איר הסכמה צו דעם פארשלאג, האט עגיפטן ערהאלטן די חאמאס רעאקציע און עס אריבערגעשיקט צו די מדינת ישראל זייט.
די שפראך פונעם אפמאך איבער דעם ענדע פון דער מלחמה איז לכאורה געווען די שטעכעדיג'סטע ענין דורכאויס די פארהאנדלונגן. אבער דאס וואס חאמאס האט צוריקגעשיקט, האט נתניהו געזאגט, “איז געווען זייער ווייט פון מדינת ישראל’ס יסודות'דיגע פאדערונגען”.
עס האט טאקע נישט געדויערט לאנג ביז די דיסקוסיעס האבן זיך אפגעשטעלט.
די פארמיטלער, אריינגערעכנט בורנס, זענען צוריקגעקומען קיין קאירא פאר נאך א רונדע אומדירעקטע געשפרעכן מיט חאמאס. מדינת ישראל האט מסכים געווען צו שיקן א גרופע, אזוי אויך קאטאר, אבער קיין איינער פון זיי האט נישט געשיקט קיין הויכראנגיקע באאמטע, אן אנדייטונג אז טראץ דעם פריע אפטימיזם וועט א אפמאך נישט קומען אזוי אזוי שנעל ווי ערווארטעט.
צוויי טעג נאכדעם וואס חאמאס האט רעאגירט דעם 6טן מאי, האט בורנס זיך צוריקגעקערט קיין וואשינגטאן און קוועלער האבן געזאגט אז די געשפרעכן זענען "אפגעשטעלט" געווארן.
די פארמיטלער האבן געהאפט, אז דאס אפשטעל פון די קאמפן וועט אפשטופן אדער אפילו גאר פארמיידן אן ערנסטע מדינת ישראל-אינוואזיע אין רפיח. די מיליטערישע אפעראציעס פון מדינת ישראל אין רפיח פארברייטערן זיך יעצט טראץ דעם פראטעסט פון דער ביידען אדמיניסטראציע אז זיי וועלן שטעלן אין געפאר די הונדערטער טויזנטער ציווילע וועלכע זענען אנטלאפן אהין צוליב זיכערהייט.
אויב די געשפרעכן וועלן זיך ווידער אנהייבן, ווערט ערווארטעט אז די קאטארישע וועלן שפילן א גרעסערע ראלע אין דער קומענדיגער רונדע, האט געזאגט דער צווייטער קוואל וואס איז באקאנט מיט די פארהאנדלונגען. א התחדשות פון פארהאנדלונגען קוקט טאקע נישט אויס צו זיין אט-אט, אבער אויב עס וועט פאסירן, וועט עגיפטן נאך אלס מסתמא האבן א צענטראלע ראלע צוליב איר נאנטקייט צו חאמאס, ווי אויך האט מדנ"י ענדערש חשק צו האנדלן מיט עגיפטן ווי מיט קאטאר.
די דיסקוסיעס זענען נאך אלס ערווארטעט צו זיך מרכז זיין אויף א ברייטע פרעימווארק וואס וועט אריינעמען א ערשטע פאזע אין וואס 33 מדנ"י משכונות וועלן באפרייט ווערן איבער 6 וואכן. חאמאס האט געשטופט אריינצונעמען די קערפער פון אומגעקומענע משכונות אינעם ערשטן פאזע און אויך אז די ערשטע פאזע זאל זיך אריינצוען אין דער צווייטער אן א הפסקה. די ביידע זענען שטעלעס וואס מדינת ישראל איז אנטקעגן.
אמעריקאנער באאמטע טענה'ן, אז דער חאמאס פירער יחיא סינוואר וויל נישט באמת קיין אפמאך, ווייל ער קען יתכן קלערן ביי זיך אז ער געווינט, און וואס מער די פאלעסטינער ליידען, אלס מער דרייט זיך די וועלט אויס אנטקעגן מדינת ישראל. נתניהו'ס קריטיקירער, אריינגערעכנט פאמיליעס פון די מדנ"י משכונות, האבן אים באשולדיגט אין זיך מער זארגן וועגן אוועקפירן חאמאס פון עזה ווי צוריק אהיים צו קערן אירע בירגער.
אין בילד: אמעריקאנער סי.איי.עי דירעקטאר ביל בורנס.
נארוועגיע אין שפאניע האבען אויך צוזאמען מיט איירלאנד אנערקענט א פאלעסטינע לאנד. אלס א באלוין פאר כאמאס פאר זייער ברוטאלע טעראר אטאקעס קעגן מדנ״י
ווידאו.ישראל_הלוי האט געשריבן: ↑ מיטוואך מאי 22, 2024 2:05 amדי לוי' צערעמאניע פון פרעזידענט ראיסי איז אונטעוועגנס אין איראן אין שפיץ פונעם אייאטעלע כומעיני וואס איז יעצט ערשינען און פירט אן מיט די טרויעריגע פרעפלערייען.
