אונז האלט מיר שוין נאכדעם וואס אלע צייטונגען און מאגאזינען זענען ארויסגעקומען צום הייליגן יום טוב פסח הממשמש ובא, יעצט קען מען שוין נעמען די צייט און אביסל אנאליזירן א חלק פון די עדס. איך בין זיכער אז איך בין נאכנישט אנגעקומען צו זען אלע עדס, עס איז דא הונדערטער, צי גאר איבער טויזנט עדס וואס דרייען זיך ארום דעם יו"ט אין די אויסגאבעס, ממילא איז פשוט נישט מעגליך אלעס צו קאווערן, אבער צו האבן דעם 'גריפ' ווי מ'זאגט זענען די לעצטע פאר טעג גענוג געווען צו כאפן דעם פארטל.
קודם כל וויל איך זיך באדאנקען פאר די אלע וואס האבן זיך אנגעשטרענגט און אוועקגעגעבן פון זייער פארנומענע ערב יו"ט טעג צו מהנה זיין די טויזנטער 'אייוועלט אידן' און אהערגעברענגט די פיינע ווארע וואס אונזערע היימישע חברה האבן פראדוצירט. עס איז פשוט א געשמאק און א הנאה צו קוקן די עדס.
אויך דארף מען געבן א שאוטאוט פאר אלע מארקעטינג פירמעס כל אחד בשמו הטוב יבורך, פריעדקאו, פיוואט, פינעקס, פיטעקס, פאודיאם, פענטעגאן (דא נאך א קאמפעני נאמען וואס הייבט זיך אן מיט א פ'?...), דארט מידיא, DPMG, GCNY, נעימלעס, עדמארק, מידיא, קעיאוגרופ, טעגליין. איך בין זיכער ס'איז דא נאך וואס כ'האב אויסגעלאזט, אנטשולדיגט פאר'ן נישט געדענקען, די ליסטע איז ענדלאז.
כ'ווייס אז מען רעגט זיך יעדע יו"ט אז די צייטונגען בעטן מער געלט ווען צענדליגער פעידזשעס זענען עדס, און איך רעג מיך אויך דערויף, פארט אבער האב איך שוין אפילו א הנאה צו זען די עדס, עס איז א חלק פונעם געשמאק פנונעם יום טוב, מען זיצט און באטראכט מיט וועלכע וואזשנעם געדאנק איז ער אויפגעקומען, וועלכע גוטע סלאגאן האט יענע פירמע אפירגעקראצט, עס איז זייער זיס...
פאר איך גיי איבערגיין א חלק פון די עדס וויל איך ארויסברענגען א נקודה וואס אסאך האבן שוין דא ארויסגעברענגט, אז די קריעטיוויטי וואס כלל ישראל פארמאגט איז אין לשער און עד אין סוף, און איך רעד נישט דוקא פון די מארקעטינג קאמפעניס, געב א קוק אויף די צייטונגען און מאגאזינען, יעדער איינער לייגט אריין אן א שיעור כוחות אויפצוקומען מיט געדאנקען און פראיעקטן וועם צו אינטערוויוען און וועלכע געגנט אדער לאנד צו דעקן.
איינער וואס קען ביטע שיקן די אלע עדס פאר נפתלי מאסטער פון יאפעד און פאר די ניו יארק טיימס? די עדס זענען פראדוצירט געווארן דורך היימישע אידן וואס האבן נישט באקומען קין קאלעדזש דעגרי, און לויט זיי זענען אונזערע קעפ פארזשארווערט און פארראסטעט מיט ליידיגקייט, און איבער אלעם זענען די ענגלישע ווערטער פון די עדס געשריבן געווארן דורך היימישע אידן וואס האבט צונער געמאכט זייער ענגליש טישטער און נישט מיטגעהאלטן דאס לערנען...
עס איז אינטערעסאנט מיטצוהאלטן וויאזוי רוב קאמפעניס האבן זיך זייער שניט, וואס מען קען זען אז ס'קומט פון זיי. DPMG למשל האט אייביd די היימישע חסידישע זיסע טוויסטס, עדמארק האט שיינע קלאסישע דעזיינס, פריעדקאו און פיוואט האבן מער די 'היי קלעס' סארט, נאכדעם האסטו 'דארט מידיא' וואס האט אויך זייער שיינע קלאסישע עדס מיט גוטע געדאנקען וואס כאפט דעם אויג, אבער זיי זענען נישט געבעיסד דייקא אויף די הויכשטאקיגע ווערטער, נישט אז זיי קענען עס נישט מאכן, כ'זאג נאר די געדאנק.
עס איז אויך אינטערעסאנט צו זען ווי יאר יערליך נוצט מען ווייטער איבער די אלטע געדאנקען פון די מיצרישע פיראמידן און די ים סוף וואס שפאלט זיך... עס גייט אן מיט א פרישקייט ווי כאילו עס איז דאס ערשטע מאל וואס מען נוצט עס... פון צוויי פיראמידן האב איך גראדע הנאה געהאט, איינס איז פון די 'נארטוועל' עד פון פריעדקאו וואס האט די פיראמידן אין בלוי, און העכער דעם לויפט אזא ליין ווי די הארץ ראטע וואס לויפט ארויף און אראפ, דאס מיינט גענומען א אויסגעדראשענע איידיע און עס געמאכט קריעטיוו און פראפעשאנעל, די צווייטע פיראמיד עד וואס איז מיר געפאלן איז פון פיוואט פאר 'קלינערי קלינינג', זיי האבן געמאכט צוויי קליינע פיראמידן און עס ארויפגעלייגט אויף א שאוועל, און אויסגעטייטשט וועגן רייניגן שמוץ. 'מאונט ריסורס' האט אויך א עד פון א 'קאלארינג בוק' וואס האט א פיראמיד.
א אינטערעסאנטע זאך וואס כ'האב אויפגעכאפט איז אז פיוואט האט צוויי באזונדערע עדס פאר אנדערע הוט קאמפעניס וואס איינס איז פארקערט פונעם צווייטן, איין עד מאכט חוזק פון די נייע פלעסטיק היטן, און די צווייטע עד ברענגט ארויס די מעלות פון א נייע הוט.
נאך א זיסע זאך וואס האט שוין כמה פעמים פאסירט, אז צוויי אנדערע מארקעטערס נוצן די זעלבע געדאנק, עס איז א שטיקל קרעש... דאסמאל ווארט "כאלה", איינס פאר מיללער שטריימלעך און א אנדערע עד פאר א פלייש קאמפעני. עס ברענגט גראדע גוט ארויס וואו אונז שטיימיר היינט, אז שיינע שטריימלעך און שטיקער בשר איז אויף וואס דער עולם קוקט ארויף...
רעדנדיג פון די מיללער עד האלט איך אז ס'איז זייער א שטארקע עד וואס ברענגט ארויס קעניגליכקייט און רייכקייט, איך פארשטיי אבער נישט פארוואס ס'האט אויסגעפעלט די לאנגע מגילה אין די זייט, איך האלט נישט אז איינער ליינט עס, מען זעט קלאר אז פיוואט, פריעקדאו, GCNY מאכן זיכער צו לייגן וואס ווייניגער ווערטער און דא איז עס א לענגערע זאך.
אז מען רעדט פון שטריימלעך קומט שוין פארשטייט זיך אריין די קאמפעטישאן ביזנעס... די 'קרויס' עד וואס האט פארגעשטעלט משה פעלדמאן אזי זייער זיס געווען, הגם איך וואונדער מיך פארוואס זיי האבן אים ארויפגעלייגט אנדעם וואס מען זאל זען די גאנצע שטריימל, און יעצט ביי די 'וידבר משה' פסוק האב איך געשמייכלט ביים עס זען, כ'האלט אבער אז רובא דרובא נישט וואטסעפפ מענטשן ווייסן נישט ווער דער משה איז.
מילער איז דא זיכער אריינגעקומען אסאך שטערקער. GB'ס עד האב איך גראדע אויך הנאה געהאט, דא איז אויך געווען א אנדערע קאמפעני וואס האט גענוצט דעם סלאגאן 'אזוי זענען די אידן ארויס...', GG האט א עד דעם יו"ט? כ'האב עס נישט געזען. HSC איז אריינגעקומען זייער זיס און קלאר דאסמאל, DPMG האט גראדע אויך געמאכט א זיסע זאך פאר זייער 'רעים' וואס איז אין די ליין. מלעות vs מפואר האלט איך אז מלכות איז שענער, עס איז מער קלאסיש און זיס.
א שיינע פאר דעס האבן דעם 'ווען די טאטע קומט אהיים פון שול...'. מידיע OTG האט עס גראדע גענומען א טריט ווייטער מיט 'אהיים פון שול חוה"מ...". פריעדקאו האט געמאכט א הערליכע קלאסישע עד פאר דירה נאה (געוועזענע קהל ליווינג...) און אויך גענוצט די ווערטער. גראדע האט קהל ליווינג געהאט א זיסע עד סעריע פון יעדע וואך א פסוק פון די פרשה, איינער ווייסט נאך וויפיל סדרות עס גייט אנגיין?. די ליין 'חד גדיא' האט קעיאגרופ גענוצט פאר זעלקעיר אין ק"י און פריעדקאו פאר א סעקיוריטי קאמפעני.
איך זעה אז rush ראביש רעמאוועל האט יעצט גענוצט דעם ווארט 'רעפידאו' וואס מיינט אין ספאניש שנעל. עס דערמאנט מיר פון די קאמפעני אמיגאו וואס האט זיך געעפנט. די רעפידאו עד פון פריעדקאו איז גראדע זייער זיס, מען זעט א גרופע 'ספאניאלאס' לויפן מיט א אימפעט צו א דזשאב...
איין איידיע וואס האט א שטיקל ענליכקייט אין געדאנק איז די עד פון פיוואט פאר מענדי הערקאוויטש בענד, א אייזערנע שטארקע געדאנק, פון א גאס וואס די סיידוואלק איז א פיאנאו, און פריעדקאו האט א עד פון עפעס א טייל קאמפעני וואס אדווערטייזט אז אין אפסטעיט גייט מען אויף טיילס.
די קאמפעטישן פון מענדי הערקאוויטש און פרייליך האלט איך אז מענדי הערקאוויטש אז אריינגעקומען אסאך שטערקער, הגם GCNY וואס האט געמאכט די פרייליך עד איז אריינגעקומען זייער קלאר דעם סעזאן, ער האט זיך צוריקגעכאפט נאך זיין ריברענד.
די עדס פון די מארקעטינג קאמפעניס זעלבסט איז אויך זיס צו באטראכטן. GCNY האט אריינגענומען AI זיך צו פראמאוטן. פריעדקאו האט שוין צום צווייטן אדער דריטן מאל גענוצט דעם 'We made you look' סלאגאן, דאס מאל מיט'ן פארשטעלן די נייע קאלארס פון זייער לאגא, די עד כאפט גראדע שטארק די אויג. ס'איז זייער א פראפעסיאנאלע עד. איך פערזענליך גלייך גראדע מער די רויט ווייס בלוי וויבאלד עס דערמאנט פון די טראמפ און ביידען פאליטיק... באט איי געס אז דאס גייט שוין נישט היינט, היינט גייט אלעס סאליד און פראפעסיאנאל.
היי יאר זעט מען אויך זייער אסאך עדס מיט עכטע מענטשן, דער וואס האט עס אנגעהויבן איז געווען 'דארט מידיא', און יעדער האט עס אנגענומען. דארט איז אריינגעקומען זייער זיס פאר 'דרשו' מעמד קבלת שבת אין א סטעדיום, די עד איז שוין געלאפן נאך בעפאר יו"ט. מידיא OTG האט אויך שוין געלאזט לויפן א גאלדען פלאו עד בעפאר יו"ט. דער יונגערמאן וואס איז לעצטנס געווען אויף די 'סקיני שאט' עדס איז יעצט אויף כתר דזשודעיקא און פאר לערנער שטריימלעך.
פון די עדס וואס האבן געהאט מענטשן איז די 'סיגעיט האום'. זיי שרייבן אז יענער איד איז 119 יאר אלט, פון וואו האבן זיי פארשאפט אזא אלטע גוי?... דאס נוצן לייבן פאר עדס גייט שוין אויך אן יארן. איך פערזענליך גלייך נישט די מפואר עדס מיט די חיות, קום אויף מיט עפעס בעסער ווי א לייב.
עניוועי, כ'זע ס'איז שוין צו לאנג. אוועראל האלט איך אז פיוואט, פריעדקאו און GCNY זענען אריינגעקומען מיט די מערסטע עדס און מיט פיינע גוטע עדס, כ'האב נישט קיין השגה וויאזוי זיי האבן די צייט צו פראדוצירן אזויפיל קאנטענט. זיי ארבעטן אויף די עדס פון חנוכה צייט?
פאר איך ענדיג וועל איך שרייבן איין עד פון יעדע קאמפעניס וואס כגעדענק אויף די מינוט וואס האט מיר געכאפט.
