אידישע וועלט פארומס

wow! צוקאש און צו לייט.. ארייצובייסן אויף אלע פינעף באקן!! ייש"כ!

מורא'דיג מורא'דיג! שפילן מוזיק קען איך נישט. אבער 'הערן' מוזיק קען איך היבש גוט. אזוי אויך קען איך זינגען, און מאכן פארשידענע סארט הארמאניעס דא דארט. איך באלעב יעדעס ווארט. גאר ריכטיג!

מיאושדיגער האט געשריבן: שפילן מוזיק קען איך נישט. אבער 'הערן' מוזיק קען איך היבש גוט!

איך גלייך מורא'דיג דעם קאמענט. מ'ברויך 'קענען הערן' מוזיק.

פונקט פאריגע וואך איז מיר אויסגעקומען אויסצוהערן אן אלבום וואס איך פלעג אסאך אויסהערן אלס קינד און עס איז שוין אריבער 20 יאר פון דאן, איך מוז ענק זאגן עס איז געווען מורא'דיג אינטערעסאנט צו באמערקן וויפיל מער זאכן איך האב היינט געהערט אין די זעלבע טרעקס וואס איך האב דעמאלטס אויסגעהערט, די אויערן זענען שוין אסאך מער דעוועלאפט און מען הייבט אן באמערקן קליינע דיטעילס. אה wow כ'האב קיינמאל נישט געכאפט אז די פיאנוי האט געדאבלט אויף די סטרינגס ביי די אינטראו, פארדעם האט עס אייביג געסאונד אזוי פיל.. דא מאכט די קווייער א שטיקל אבער ס'איז צו שטיל אין די מיקס וכו' וכו'..

אויסהערן מוזיק איז גאר גאר וויכטיג פאר די דעוועלאפמענט פונעם אויער, פונקט ווי להבדיל ווען מען לערנט אפ א שטיקל תוספות צום צווייטן מאל וועט מען באמערקן אדער פארשטיין זאכן מער ווי ביים ערשטן מאל. די זעלבע איז מיט מוזיק - נעמט סיי וועלכע שיינע ארעינדזשמעט וואס איר גלייכט און הערט עס אויס מיט א קלארערן בליק, לייג צו עטענטשן צו וואס ס'געשעהט אלס ביים אנפאנג טרעק, וועלכע אינסטרומענטן שפילן דא? וואס איז די טיים-סיגניטשער איז עס א באלאד צו איז דאס א וואלץ? וואס טוט דער גיטאריסט ווען די טראמפעט שפילט די מעלאדי, צו באגלייט ער מיטן שפילן 'קלין' קאורדס צו אפשר גאר נוצט ער א 'וואו-וואו' פעדל סאונד.. וואס טוט דער פיאניסט, צו שפילט ער פשוט די קאורדס אדער צו אפשר גאר שפילט ער ארפעדזשיאוס (יעדע קנעפל פונעם קאורד ווערט געשפילט עקסטער, נישט אויפאמאל) א.א.וו.

די אויבן דערמאנטע מעטהאד ווערט אנגערופן 'עקטיוו ליסטענינג' דאס מיינט אז מען הערט אויס מיט מער קאפ ווי סתם אזוי. און ניין, נישט אייביג איז בכלל אינטערעסאנט צו אויסהערן מוזיק בדרך שיעור עיון, אסאך מאל דארף מען האבן די מוזיק בלויז פארן זיך אויסלופטערן אן ברויכן ארויסנעמען דעם קאלקיולעיטאר.. אבער דא דארטן איז יא כדאי צו טוהן עקטיוו ליסטענינג (נישט נאר ביי מוזיק נאר ביים אויסהערן די ווייב אויך.. ואכמ"ל).

עכ"פ, אויסהערן מוזיק איז א זאך וואס מ'קען טוהן אויף מער ווי איין אופן. ועוד יש לומר...

נשמת השכל האט געשריבן:

מקווה איד האט געשריבן: נישט פארגעסן פון די מאזינים, וואס אן זיי פעלט א גרויס חלק, איר וועט מיזן מודה זיין אז שפילן פאר די 4 ווענט איז נישט די זעלבע..

דאס איז שוין ביזנעס...

שפילן און זינגען פאר זיך אליינס איז געווענליך דוקא מער ארגינעל און מער קאננעקטעבל [אזוי ווי תפילה ביחידות..] . איינמאל דו ביסט אין די פערפארמענט מצב איז עס שוין נישט די זעלבע.

זאגסט א פוינט. אבער א ריכטיגער פראפעשנילסט דארף קענען זינגען בפני קהל ועדה מיט די זעלבע געפילן וואס ער וואלט געזינגען ציווישן די פיר ווענט [אזוי ווי תפילה בציבור...] , שטייצעך דאס קומט נאך וואס די נגינה ליגט אין זיין נשמה ווי די 4'טע לעוול פון ר' שלוימ'ען.
און ס'ווענדט זיך אויך אין וועכע סטייל נגינה רעדט מען. א חתונה זינגער צו איינער קאמפאוזט יעצט א נשמה ניגון וכדו'.

בד"וו ס'דא וואס זיצן און שטוב ציווישן פיר ווענט און זינגען זיך אויס שפירנדיג כאי' מ'איז אין א שאו פאר טויזנטע אידן ((און אסאך מאל אידאס אין א פיצי צימער'ל.. צום באדויערן פון די שכנים..).

.מיאושדיגער האט געשריבן: אבער 'הערן' מוזיק קען איך היבש גוט. אזוי אויך קען איך זינגען, און מאכן פארשידענע סארט הארמאניעס דא דארט. איך באלעב יעדעס ווארט. גאר ריכטיג!

איך האב אויך די זעלבע זאך, אזוי אויך ווען איך הער א ניגון, הער איך עס אויס אפאר מאל, די ערשטע מאל די ווערטער צו ס'שטימט בכלל, און דאן די הער איך די מוזיק אפאר מאל ביז איך (טריי צו) הערן יעדע קנייטש, און די זעלבע זאך מיט די קווייער
הערשט דאן בין איך גרייט צו הערן די ניגון

איך טריי זייער נישט צוצולייגן קיין קאפ צו די מוזיק, ווייל עס נעמט אוועק פונעם געפיל וואס דער גאנצער צוזאמשטעל דארף געבן. ס'איז מיר אסאך מאל שווער. אבער דער געשמאק פון די מוזיק כשלעצמו איז בעיקר ווען מ'לייגט אוועק די חשבונות... מ'לאזט עס אריינגיין ארגינעל...

ממוצע האט געשריבן: איך טריי זייער נישט צוצולייגן קיין קאפ צו די מוזיק, ווייל עס נעמט אוועק פונעם געפיל וואס דער גאנצער צוזאמשטעל דארף געבן. ס'איז מיר אסאך מאל שווער. אבער דער געשמאק פון די מוזיק כשלעצמו איז בעיקר ווען מ'לייגט אוועק די חשבונות... מ'לאזט עס אריינגיין ארגינעל...

100%

טישטוך האט געשריבן: מוזיק איז א שפראך.

אזוי ווי מען קען זיך אויסדרוקן מיט ווערטער, קען מען זיך אויסדרוקן מיט נגינה. אדער בעסער געזאגט, אין ערטער וואו מען קען זיך נישט אויסדרוקן מיט ווערטער, איז א לידל די בעסטע ערזאץ. פארשטייט זיך אז וויבאלד נגינה פארמאגט א קלענערע צמצום ווי ווערטער, דהיינו, אז פונעם געפיל אין הארץ און אין מח, קומט עס ארויס גראד, אן דורכגיין א ׳פילטער׳ פון עס אריינפאסן אין ווערטער, איז עס פיל טיפער.

געהערט אמהל א בחינה ממש וויא די זאגסט.

און דער לעצטע קאפיטל ק"ן און תהלים זעהט מען אז דוד המלך זאגט שוין גארנישט קיין ווערטער, ער הייסט נאר צו לויבען דעם באשעפער מיט פארשידנע כלי זמר
"הללוהו בתקע שופר... בנבל וכנור.... בתף ומחול... במינים ועגב... בצלצלי שמע... בצלצלי תרועה..."

דוד המלך האט געזונגען און געלויבט דעם רבוש"ע ביז ער איז געקומען צ א מצב וויא ער האט שוין נישט געקענט ארויסברענגען זיינע געפולען מיט ווערטער נאר מיט נגינה מיט כלי זמר.

סובסקרייבט

scy4851 האט געשריבן: געהערט אמהל א בחינה ממש וויא די זאגסט.

און דער לעצטע קאפיטל ק"ן און תהלים זעהט מען אז דוד המלך זאגט שוין גארנישט קיין ווערטער, ער הייסט נאר צו לויבען דעם באשעפער מיט פארשידנע כלי זמר
"הללוהו בתקע שופר... בנבל וכנור.... בתף ומחול... במינים ועגב... בצלצלי שמע... בצלצלי תרועה..."

דוד המלך האט געזונגען און געלויבט דעם רבוש"ע ביז ער איז געקומען צ א מצב וויא ער האט שוין נישט געקענט ארויסברענגען זיינע געפולען מיט ווערטער נאר מיט נגינה מיט כלי זמר.

א הפלא'דיג ווארט, קיינמאל געהערט בעפאר.

פאוסט #5

א גוט מארגן יודן. מיר האפן אז איר האט פארשטאנען די צוויי וויכטיגע יסודות וואס מ'האמער אויסגעשמועסט פאריגע וואך (ספעיס און דיינעמיקס). דער אמת איז אז 'יותר ממה שקריתי לפניכם כתוב כאן'. איך שרייב דא נאר אויפן שפיץ גאפל כדי די ארטיקלען זאלן נישט זיין צו לאנג.. ב"ה מ'הערט צוריק גריסן פון איבעראל, מענטשן וואס איך וואלט נישט גע'חלומ'ט אז זיי ליינען דאהי קומען צו און קאמענטירן אויף די ארטיקלען. עס גיבט חיזוק!

=========================

היינט וואלט איך געוואלט באטאנען נאך אפאר וויכטיגע כללים אין מוזיק וואס קען אייך שטארק צוניצקומען אין סיי וועלכן פעלד פון מוזיק און חלקים דערפון קען אפילו נוגע זיין אין אנדערע פעלדער אויכעט.

Listening
קענען אויסהערן א צווייטן - דאס הערט זיך אפשר במשקל הראשון ווי א שלום בית שיעור אבער ניין, דאס איז נוגע איבעראל. אינדערהיים, אין אפיס און ביי מוזיק אויך.

מוזיק פארלאנגט א היי-לעוועל פון קאמיוניקאציע. ווען א זינגער שטייט און זינגט ביי א חתונה און דער שפילער וויל טון א געוויסע זאך וואס פארלאנגט די קאאפעראציע פונעם זינגער (למשל ער וויל ארויפגיין מיט א טאן העכער, אדער ער וויל אביסל פארשנעלערן דעם ביט) איז פארהאן אזא זאך ווי מ'פארשטייצעך אויפן ווינק , ס'איז פארהאן א מוזיקאלישער טראסט צווישן דעם שפילער אינעם זינגער אזוי אז דער שפילער וועט פילן גענוג סעיף צו טוישן key אדער tempo אן צו דארפן לאזן וויסן פארן זינגער בעפאר ער ווייסט אז דער זינגער וועט שוין פארשטיין אליין וואס ער דארף טוהן כדי זיך צו עדזשאסטן. מען קען דאס שטארק זעהן ביי געוויסע חתונה זינגערס מיט אויסגעצייכנטע מוזיקאלישע אויערן. אויב האסטו שוין אמאל צוגעלייגט אן אויער צו א זינגער מיט א גוטן אויער האסטו זיכער באמערקט אז ווען דער שפילער מאכט א גוט שטיקל באמערקט דאס דער זינגער אויפן פלאץ און צומאל לייגט ער צו זיין אייגענע ספייס געבויעט אויף די שטיק וואס דער שפילער האט אינישיעיטעד. דאס קען נאר געשעהן פון האבן א גוטן אויער.

דאס איז דער ריכטיגער אפטייטש פון 'ליסטענינג'. דאס מיינט אז יעדער מוזיקאנט, חוץ וואס ער דארף בעצם קענען שפילן דארף ער פארמאגן ' א גוטן אויער'. א גוטע אויער מיינט אז ער כאפט אויף מוזיקאלישע דיטאלן מער ווי די געווענטליכע אויער, און דאס איז א זאך וואס געוויסע מענטשן האבן פון נאטור ווייז, אבער אפילו טאמער נישט קען מען עס דעוועלאפן מיט פרעקטיס. געווענטליך קומט עס מיט עקספיריענס.

נאך אן אינטערעסאנטע וועג וויאזוי דאס אנצוקוקן איז צו נעמען אן עקזעמפל פון א 'ביזנעס מיטינג'. אויב דו ביסט שוין אמאל געזעסן ביי א מיטינג וועסטו וויסן צו זאגן אז די סוד פון א פראדקאטיוו מיטינג איז צו 'הערן' וואס יענער האט צו זאגן. נישט בלויז זיין פארנומען צו לאזן הערן די אייגענע מיינונג, ווען מען הערט אויס א צווייטנס אפיניען ברענגט דאס אז דער מיטינג זאל גיין אין אן עקספערימענטאל דירעקשאן, עס ווערט פון דעם א chemistry (ריתחא דאורייתא בלע"ז), און אזוי קומען ארויס גוטע רעזולטאטן. ווידעראום ווען דו ביסט בלויז פארנומען מיט דיין אייגענע אפיניען קענסטו נישט לייגן צופיהל האפענוג אויף דעם מיטינג. דאס זעלבע איז מיט מוזיק. א זינגער אדער שפילער וואס שפילט מיט נאך מענטשן, דארף אנקוקן זיין ראלע פונקט ווי איינער וואס זיצט ביי א מיטינג, מען דארף לאזן די קעמיסטרי געשעהן. מ'קען קלאר זעהן געוויסע מוזיקאנטן וואס צייכענען זיך אויס מיט 'ליסטענינג' און ווען זיי זענען אויפן סטעידזש איז א נחת צו שפילן מיט זיי, עס שפירט זיך ווי א שמועס, איינער זאגט און דער צווייטער ענטפערס. די גאנצע נאכט גייט אנדערש.

Rhythm
פארמאגן א גוטן רידעם פארנעמעט א גאר וויכטיגע פלאץ אויפן אויבן אן. אויב ביסטו סענסיטיוו צו הערן עמיצן וואס זינגט ארויס פונעם טאן (pitch) וועסטו אויך נישט קענען הערן איינער וואס זינגט ארויס פונעם רידעם (beat). די חילוק איז נאר אז אויף פיטש לייגט דער דורכשניטליכער מענטש מער געוויכט ווי אויף רידעם, און דערפאר איז טאקע וויכטיג עס ארויסצוברענגען דא.

א מענטש מיט א גוטן רידעם איז א געשמאק אויסצוהערן. די גרינגסטע עקזעמפל איז ווען מען זינגט א מארש, מארשעס פארמאגן זייער אסאך רידעמ'ישע עספעקטן, און עס דערקענט זיך דארטן דעם זינגערס אדער שפילערס סענס אוו רידעם אויף זייער א פארשטענדליכן אופן. א מארש דארף ווערן געזינגען טייט און פינקטליך, עס פארמאגט קורצערע פרעיזן און לענגערע פרעיזן, (פאם פאם פאם פאם, פא-ראאא-האאא-האם!.. הלואי ווען מ'קען הערן מיין קול יעצט). און דאס איז נוגע ביי וואלצן אויך. עס גיבט אן אימפרעשאן פון סולדאטן וואס מארשירן (די דראם איז עהנליך צו דו קול פון די מארשירערס פיס טריט).

לעולם די נושא פון רידעם איז נוגע פאר בעלי תפילה אויך. מ'קען הערן אמאל מענטשן זיך אויסדרוקן אויף א בעל תפילה אז 'ער האט א גוטע רידעם'און דאס מיינט נישט בלויז אז ווען ער זינגט א ניגון מיט א ביעט זינגט ער עס פונקטליך. דאס מיינט אפילו ווען ער זאגט אפ א שטיקל וואס האט נישט קיין ביעט, איינער מיט 'א גוטן רידעם' ווייסט ווי שנעל צו זאגן די ווערטער אז דער שטיקל וואס ער זאגט זאל זיין דערפרישענד צום אויסהערער אן דעם וואס מ'זאל ווערן בארד דערפון. א בעל תפילה וואס שלעפט צו שטארק די ווערטער ('ער ציהט'), איז טייטש אז ער האט נאכנישט גענוג דעוועלאפט זיין סענס אוו רידעם. מ'קען אסאך מאל הערן בעלי תפילה וואס ווייסן פונקטליך ווען צו זאגן שטייט און ווען צו זאגן שנעל. למשל ווען ער זאגט אפ א געדרייטן וכולם מקבלים עליהם עול ביי 'את שם', איז נאכדעם ווען ער וועט האלטן ביי 'עונים באימה ואומרים ביראה' וועט ער עס זאגן דרייסט און שנעל כדי אריינצופירן דעם עולם אינעם 'קדוש קדוש' מיט א פייער, כאילו ער זאל וועלן דרוקן דעם געס-פעדאל. אדער ווען ער ענדיגט דעם לאנגן ממקומך און ער הייבט אן זאגן אתה קדוש ציהט ער נישט איבריג. דאס מאכט אסאך אויס.

און פארשטייצעך, אין המקרא יוצא מידי פשוטו. קענען אפזינגען אדער אפשפילן א ניגון אויפן טאקט אן פארלירן דעם ביעט איז גאר גאר וויכטיג. א גוטע וועג וויאזוי צו מעסטן דיין רידעם איז אנצוצינדן א metronome אדער סיי וואספארא דראם ביעט וואס מען קען אנשטעלן אז עס זאל זיך אליינס אפשטעלן פאר איינס אדער צוויי בארס (פיהר אדער אכט ביעטס) און דערנאך זאל עס ווייטער גיין. און דו בלייבסט שפילן די גאנצע צייט אפילו ווען די מעטראנאם איז שטיל, און ווען די מעטראנאם קומט צוריק נאך 1 אדער 2 בארס זעהסטו דעמאלטס צו דו ביסט צוזאמען מיט אים. (דיסקלעימער: דאס איז געמאכט פאר די וואס ווייסן שוין וויאזוי מען ציילט א ביעט ביי א ניגון 1.2.3.4).

שוין, האמער היינט אויסגערעכנט צוויי פרישע עלעמענטס וועלכע זענען א חלק חשוב פון מוזיק און האבן נישט קיין שייכות מיטן קענען מוזיק טעארי, סקעילס אדער מאודס. אזויווי מיר האבן געשריבן אינעם צווייטן ארטיקל.

המשך יבוא אי"ה.
הצלחה!

wow wow thanks

סובקרייבד

ממוצע האט געשריבן: אגב, וועגן דיינעמיקס. מיך זעט אויס, אז האלטן גוטע דיינעמיקס איז די שליסל צו האלטן א גוטע טאהן. איך זעה עס ביי מיר אליין. ווען עס קומט צו העכערע טענער וואו עס איז מיר שווערער צו האלטן די דיינעמיקס ווי עס ברויך, רוקט זיך שנעלער די טענער.

איך קלער אז דאס האט צוטוהן מיט פאוקוס. א מענטש קען נישט פאוקוסן אויף צופיהל זאכן מיט אמאהל. אויב דארף ער יעצט פאוקוסן ארויפצוציען דארף ער יעצט שטארק זיכער מאכן אז זיין שטימע האלט זיך גוט אין אזאנע הויכע טענער, דא פארלירט ער פאוקוס אויף די איבעריגע זאכן און די טאן הייבט זיך אן ווארפן און די ריטעם גייט אראפ פון די שינעס.

עפעס אזוי שפיר איך עס ביי מיר. ואולי אני טועה בזה.

יוד אלף האט געשריבן: די עצה, עקסערסייז צו האלטן העכערע טענער אין פלאץ מיט אלע וואוועלס און אלע סיליבעלס

הונדערט פראצענט. ס'פארהאן אסאך זינגערס וואס זוכן אייביג די חולם אדער חיריק וואועל ווייל נאר דארטן שיינען זיי.

פשיהא...! יעצט באמערקט דעם אשכול, וואספארא זכיה צו האבן ר' שלמה׳ן דא. איך בין זיך ממש מחיה מיט יעדן ווארט. א ריזיגן יישר כח!

ממוצע האט געשריבן: א דראממער האלט א ריטעם נאטורליך? אלץ געהאט די שאלה..

אויסדרוקליך נישט. טיימינג פארלאנגט גאר שווערע הארעוואניע. ס'זענען פארהאן אנע שיעור עקסערסייזעס פאר טיים דעוועלאפמענט. נישט נאר פאר דראמס און נישט נאר פאר רידעם אינסטרומענטס נאר פאר הארן אינסטרומענטס אויך. פארשטייצעך אז פאר רידעם פלעיערס (דראמס, בעיס, גיטאר און קיבאורד) איז עס אסאך וויכטיגער ווייל די גאנצע בענד רילייעט אויף זיי.

געהערט אמאל פון א גרויסן מוזיקאנט א גוטע טיפ פאר איינעם וואס מוטשעט זיך מיט טיימינג (נישט מיטן אויפשטיין פארטאגס..) ער זאגט אזוי: א פרישער מוזיקאנט זוכט געווענטליך אריינצולייגן וואס מער שטיק און שפילן וואס מער נאוטס, און ווי מער נאוטס דו שפילסט אלס מער נאוטס דארפסטע האלטן אין טיים.. (און מיטן שפילן ווייניגער נאוטס איז גרינגער צו קאנטראלירן די טיימינג). וחכמה בגוים תאמין!

שלום עליכם ר' שלומי

זייער א שיינעם אשכול. די ברענגסט זייער גוט ארויס אויפן פאפיר דאס וואס אסאך האבן אינסטינקטיוולי אין קאפ. ייש"כ

שלומי שפילמאן האט געשריבן: געהערט אמאל פון א גרויסן מוזיקאנט א גוטע טיפ פאר איינעם וואס מוטשעט זיך מיט טיימינג (נישט מיטן אויפשטיין פארטאגס..) ער זאגט אזוי: א פרישער מוזיקאנט זוכט געווענטליך אריינצולייגן וואס מער שטיק און שפילן וואס מער נאוטס, און ווי מער נאוטס דו שפילסט אלס מער נאוטס דארפסטע האלטן אין טיים.. (און מיטן שפילן ווייניגער נאוטס איז גרינגער צו קאנטראלירן די טיימינג). וחכמה בגוים תאמין!

א גוטע ביישפיל פאר דעם איז, דראמערס וואס זענען נישט אזוי גוט און טיימינג וועלן געווענליך פארפארן ווען זיי פרובירן א קאמפליצירטע פיל.

הארמאניע האט געשריבן: א גוטע ביישפיל פאר דעם איז, דראמערס וואס זענען נישט אזוי גוט און טיימינג וועלן געווענליך פארפארן ווען זיי פרובירן א קאמפליצירטע פיל.

גוט געזאגט, נאט אייך א גרינע
און אגב, עליכם השלום!