פארשפרייטע טעותים
"קראכן די נאקעלס מאכט די הענט שאקלען".
א באקאנטע סטראשע צו הערן ווען מ'קראכט די נאקעלס, איז אז די הענט וועלן זיך שאקלען אויף די עלטער.
דאס מציאות:
לגבי ארטרייטעס איז געמאכט געווארן פארשידענע שטודיעס, וועלכע האבן קלארגעשטעלט אז ס'האט נישט קיין שייכות. א דאקטאר אין קאליפארניע האט פאר צענדליגע יארן געקראכט נאר איין האנט כסדר, נאכן עס פארגלייכן מיט די אנדערע האנט, האט מען נישט געזעהן קיין חילוקים. גרעסערע שטודיעס האבן אויך אזוי קלאר געשטעלט. אזויפיל האט מען יא געזעהן, אז מענטשן וואס האבן אפט געקראכט די נאקעלס, האבן געהאט עטוואס א שוואכערן 'גריפ' מיטן האנט. דאס הייסט, אז דאס מאכן א פויסט איז נישט געווען מיט די זעלבע קראפט.
וואס מאכט דער גערודער?
דער גערודער ביי די נאקעלס קומט פון דעם, וואס ווען מ'ציעט אויס די פלאץ צווישן די חלקים פון די פינגער, מאכט מען אז פארשידענע געז באבעלס פון די דזשוינטס זאלן קראכן. און דעריבער קען מען נישט קראכן גלייך איינמאל נאכן צווייטן, ווייל ס'נעמט צייט ביז די באבעלס ווערן פון פריש פארמירט.
דער גערודער ביי די קניען, איז נישט די זעלבע. די סיבה איז נישט זיכער. מעגליך אז דאס קומט פון די ביינער ראבערייען.
"אקסן ווערן צעווילדעוועט ווען זיי זעהן דעם קאליר רויט"
דאס מציאות:
אקסן זענען רויט-גרין קאליר בלינד. זיי קענען בכלל נישט זעהן קיין רויט. דער טעות נעמט זיך פון דעם וואס אמאליגע צייטן ביי די שפילן פון די אקסן קריגערייען, האט דער שפילער (מעטאדאר) געפלאטערט מיט א רויטן טאשטיכל, און דער אקס האט זיך צעווילדעוועט. יעצט, דער סיבה פארוואס דער אקס האט זיך צעווילדעוועט, איז געווען צוליב די שנעלע רוקן פונעם טאשטיכל, גארנישט מיטן קאליר.
אינטערעסאנט צו אנמערקן, אז שור בקליפה איז 'אדום'. אויך איז אינטערעסאנט צו אנמערקן, אז עס איז באקאנט אז א רויטע קאליר נעמט אוועק דעם עין הרע. דער מונקאטשער רב זי"ע אין דברי תורה (ח"ב סימן ע"א) זאגט אז עס איז שגור בפי זקני עמנו, אז דער קאליר רויט איז מסוגל אז עס זאל נישט שולט זיין קיין עין הרע. דער באר משה זאגט אין א תשובה (ח"ח סימן ל"ו) אז עס איז איינגעפירט צו לייגן א רויט בענדל אויפן בעטל פון א קינד. און אינטערעסאנט אז יוסף הצדיק ווערט דאך אנגערופן "בכור שור", און ביי אים איז דאך נישט געווען קיין עין הרע. איך ווייס נישט צי ס'האט א שייכות, אבער ס'איז אן אינטערעסאנטער צוזאמשטעל.
"דער בת היענה שטעקט אריין דעם קאפ אין זאמד און מיינט אז קיינער זעט איר נישט"
אין מציאות:
א בת היענה (Ostriche) לויפט אוועק ווען עס באגעגענט א שונא. א בת היענה קען לויפן ביז 43 מייל א שטונדע. א בת היענה איז אויך זייער שטארק, א שטויס מיט איר פיס קען הרג'נען א לייב!
דער טעות נעמט זיך פון דעם וואס ווען די בת היענה זעט אז עס איז נישטא קיין וועג ארויס, וועט זי זיך אראפלייגן אויפן פלאר, און שפילן טויט. די וועג וויאזוי זי ליגט אויסגעשטרעקט אויפן פלאר, מאכט עס אויסזעהן כאילו זי שטעקט אריין דעם קאפ אין זאמד.
---
המשך אולי יבוא.
א באקאנטע סטראשע צו הערן ווען מ'קראכט די נאקעלס, איז אז די הענט וועלן זיך שאקלען אויף די עלטער.
דאס מציאות:
לגבי ארטרייטעס איז געמאכט געווארן פארשידענע שטודיעס, וועלכע האבן קלארגעשטעלט אז ס'האט נישט קיין שייכות. א דאקטאר אין קאליפארניע האט פאר צענדליגע יארן געקראכט נאר איין האנט כסדר, נאכן עס פארגלייכן מיט די אנדערע האנט, האט מען נישט געזעהן קיין חילוקים. גרעסערע שטודיעס האבן אויך אזוי קלאר געשטעלט. אזויפיל האט מען יא געזעהן, אז מענטשן וואס האבן אפט געקראכט די נאקעלס, האבן געהאט עטוואס א שוואכערן 'גריפ' מיטן האנט. דאס הייסט, אז דאס מאכן א פויסט איז נישט געווען מיט די זעלבע קראפט.
וואס מאכט דער גערודער?
דער גערודער ביי די נאקעלס קומט פון דעם, וואס ווען מ'ציעט אויס די פלאץ צווישן די חלקים פון די פינגער, מאכט מען אז פארשידענע געז באבעלס פון די דזשוינטס זאלן קראכן. און דעריבער קען מען נישט קראכן גלייך איינמאל נאכן צווייטן, ווייל ס'נעמט צייט ביז די באבעלס ווערן פון פריש פארמירט.
דער גערודער ביי די קניען, איז נישט די זעלבע. די סיבה איז נישט זיכער. מעגליך אז דאס קומט פון די ביינער ראבערייען.
***
"אקסן ווערן צעווילדעוועט ווען זיי זעהן דעם קאליר רויט"
דאס מציאות:
אקסן זענען רויט-גרין קאליר בלינד. זיי קענען בכלל נישט זעהן קיין רויט. דער טעות נעמט זיך פון דעם וואס אמאליגע צייטן ביי די שפילן פון די אקסן קריגערייען, האט דער שפילער (מעטאדאר) געפלאטערט מיט א רויטן טאשטיכל, און דער אקס האט זיך צעווילדעוועט. יעצט, דער סיבה פארוואס דער אקס האט זיך צעווילדעוועט, איז געווען צוליב די שנעלע רוקן פונעם טאשטיכל, גארנישט מיטן קאליר.
אינטערעסאנט צו אנמערקן, אז שור בקליפה איז 'אדום'. אויך איז אינטערעסאנט צו אנמערקן, אז עס איז באקאנט אז א רויטע קאליר נעמט אוועק דעם עין הרע. דער מונקאטשער רב זי"ע אין דברי תורה (ח"ב סימן ע"א) זאגט אז עס איז שגור בפי זקני עמנו, אז דער קאליר רויט איז מסוגל אז עס זאל נישט שולט זיין קיין עין הרע. דער באר משה זאגט אין א תשובה (ח"ח סימן ל"ו) אז עס איז איינגעפירט צו לייגן א רויט בענדל אויפן בעטל פון א קינד. און אינטערעסאנט אז יוסף הצדיק ווערט דאך אנגערופן "בכור שור", און ביי אים איז דאך נישט געווען קיין עין הרע. איך ווייס נישט צי ס'האט א שייכות, אבער ס'איז אן אינטערעסאנטער צוזאמשטעל.
***
"דער בת היענה שטעקט אריין דעם קאפ אין זאמד און מיינט אז קיינער זעט איר נישט"
אין מציאות:
א בת היענה (Ostriche) לויפט אוועק ווען עס באגעגענט א שונא. א בת היענה קען לויפן ביז 43 מייל א שטונדע. א בת היענה איז אויך זייער שטארק, א שטויס מיט איר פיס קען הרג'נען א לייב!
דער טעות נעמט זיך פון דעם וואס ווען די בת היענה זעט אז עס איז נישטא קיין וועג ארויס, וועט זי זיך אראפלייגן אויפן פלאר, און שפילן טויט. די וועג וויאזוי זי ליגט אויסגעשטרעקט אויפן פלאר, מאכט עס אויסזעהן כאילו זי שטעקט אריין דעם קאפ אין זאמד.
---
המשך אולי יבוא.
